तावदानीतून प्रकाशाचा एक तिरपा कवडसा आला,
सकाळी मी भेटलो नाही, म्हणून बहुधा चालून आला।
मी उठलो की नाही, हेच पाहायला आला असेल,
निजल्या सकाळीला हलकेच जागवायला आला असेल।
त्याच्या मागे अगणित त्रसरेणू अनाहूत शिरले घरात,
तोच त्यांना घेऊन आला, कुठल्या वाटेने, कुणास ठाऊक आत!
काय त्याचा धिटपणा, न विचारता आत आला,
उपटसुंभासम शिरला, पाहुणे अनोळखी घेऊन आला।
जे जे सुख आयुष्यात, ते तुला घे,
उरले दुःख वेचून घे, ते तू मला दे.
तू भरभरून घे श्रावणातील जिव्हाळा,
वैशाखाचा शुष्क तिरस्कार तू मला दे.
तू जप आठवणींत आपल्या भेटी-गाठी,
तिष्ठणारे विरहाचे ते निवडुंग तू मला दे.
पौर्णिमेची ती सुंदर चांदरात तू ठेव,
निबिड तिमिराची ती अमावस तू मला दे.
आयुष्यातले कठीण क्षण तुला झेपणार नाही,
मी जाणतो हे, ते सर्व क्षण हळूच तू मला दे.
तू जप तुझ्या ओठांवरचे ते निरागस हासू,
तुझ्यावर निर्व्याज प्रेमाचा हक्क मात्र तू मला दे.
तू दृष्टीस पडू नये म्हणून मी वळलो;
भेट आपली होऊ नये म्हणून मी वळलो.
सुंदर आठवणी मैत्रीच्या, जागृत अजून,
त्या कटू होऊ नयेत म्हणून मी वळलो.
डोळ्यांत टचकन दाटले अश्रू अनवट,
तू ते पाहू नयेत कधीच म्हणून मी वळलो.
मैत्री आपली चिंच-बोरांएवढी जुनी,
सुकली ती झाडे आता, म्हणून मी वळलो.
बिगरी, शाळा, कॉलेज केव्हाच मागे सुटले,
तरी हाक तुझी कानांत घुमते, म्हणून मी वळलो.
डोळ्यांत तुझ्या आज दिसले प्रश्न अनेक,
ते आज मी सोडवू तरी कसे, म्हणून मी वळलो.
शब्द झाले मोती : ३
जवळजवळ १८ वर्षांनंतर मायबोलीवरती पुन्हा लिहायला आलो आहे...
मधल्या काळात लिहीत नव्हतो, असं नाही...
पण इथे नव्हतो.
“शब्द झाले मोती” लिहायला घेतलं, त्यालाही आता १०-११ वर्षे झाली.
“शब्द झाले मोती” म्हणजे मला जे वाटतं, तेव्हा जसं वाटतं, तसंच माझं मन मी लिहितो...
कुठलाही आडपडदा नाही.
डायरी जणू माझी...
आता मागे वळून पाहताना वाटतं,
माणूस तिशीतून चाळिशीकडे येताना किती स्थित्यंतरांतून जातो...
या भागात मात्र मला चाळिशीतल्या माझ्या मनाला उमटणारे भाव शब्दांत उतरवायचे आहेत.
जसं वाटेल, तसं लिहिणार आहे...
त्याच्या बायसेप्सच्या दहापट फुगीर पण मऊसूत तिच्या केळगाभुळ मांड्यांवरून त्याचे मुख हळुवार फिरत त्रिभुज प्रदेशाच्या टोकाशी थांबले. अर्ध्या तासाच्या परिश्रमानंतर थकून; समाधानी ग्लानीतल्या तिच्या बाजूला तो कलंडला. पंचावन्न वयवर्षे झाली तरी लग्न कधी म्हणून सगळा मीडिया त्याला छळतो. मात्र त्याला आवडायच्या नानविध पदार्थांबरोबरच पुस्तकांचा फडशा पाडणाऱ्या मध्यमवयीन ममव बाया.
“बंबलवरती किती बोललीस, साठोत्तरी नव्वदोत्तरी, दिवाळी अंक, समग्र! कुशीत मात्र शांत पहुडतेस!”
हृदयात माझ्या एक डोह आहे,
त्यात साठलेला मोह आहे।
मनात दडलेला विरह आहे,
तरी ओठांवरती स्नेह आहे।
शब्दांपलीकडे एक संदेह आहे,
तरीही जगण्याचा निर्वाह आहे।
गर्दीत असूनी एकांती राह आहे,
हाच खरा जगण्याचा निग्रह आहे।
तू येता क्षणभर जवळ माझ्या,
मनात पुन्हा अभेटीचा दाह आहे।
न बोलताही कळते सारे काही,
नजरेत कुठली तरी चाह आहे।
जपले कितीतरी क्षण मनाशी,
प्रत्येक क्षणात तुझा अवगाह आहे।
हरवूनही तुला हरवले नाही,
आठवणींचाच माझा गेह आहे।
कधी चांदण्यात रात्र भिजते,
कधी मनातही विदाह आहे।
सोशल मीडियावर ८०च्या दशकाची फॅशन आली. तसे तिनेही रीतसर प्रॉम्प्ट देऊन मनजोगता फोटो आल्यावर तो फेसबुकवर टाकला. तिथल्या कॉमेंट्स आणि लाईकच्या वर्षावात चिंब भिजून ती सुखावली.
पब्लिक सेटिंग फोटो ठेवल्याने दूर राजस्थानमध्ये बसलेल्या रिटायर्ड लालाजींनी देखील तो फोटो पाहिला. बघताक्षणीच काही वर्षापूर्वी घडलेल्या घटनेच्या स्मृती त्यांच्या मनात जाग्या झाल्या आणि त्यांच्या हाताची बोटे फोनवर जुना मित्र कोठारेंचा नंबर शोधू लागली.
काच दंभाची फुटावी लागते
'आपली' किंमत कळावी लागते
येत नाही शक्यतो ओठांवरी
वेदना समजून घ्यावी लागते
'आपले' मानून ना मिळते कुणी
रेघ.....हातावर असावी लागते
नेम जर असला पुढे चुकवायचा
एक मुंगी वाचवावी लागते
भेटते शेरास नंतर वाहवा
जखम आधी खोल व्हावी लागते
टेबलावर काम असते आपले
छान! मग खुर्ची म्हणावी लागते
चालणारे थांबते पाऊलही
साद हृदयातून यावी लागते
माणसाचे मूल्य कळते यारहो!
...एक व्यक्ती दूर जावी लागते
'दगड' ही बनतो जगाची देवता
फक्त त्याची वेळ यावी लागते
ना. धो. ताम्हनकर हे मुख्यतः गोट्या, चिंगी, खडकावरला अंकुर यासाठी प्रसिद्ध आहेत. त्यांनी निर्माण केलेली अजून एक व्यक्तिरेखा म्हणजे 'दाजी'. दाजी ही एक आपल्या चिंटूसारखी cartoon strip होती आणि यातील चित्रे हरिचंद्र लचके यांनी काढली आहेत. लचके यांच्या 'हसा व लठ्ठ व्हा' या पुस्तकात दाजी च्या काही strips चा समावेश आहे. मला या strips खूप आवडल्या आणि मी मूळ दाजीचे पुस्तक शोधत आहे ज्यात सर्व strips
समाविष्ट असतील. असे कुठे पुस्तक आहे का? मूळ दाजीच्या strips कुठल्या मासिकातून वा वर्तमानपत्रातून प्रकाशित झाल्या होत्या का?
कोणास माहीत असेल किंवा कोणाजवळ असेल तर कृपया कळवाल का? धन्यवाद!
