आपण सगळे ज्याची आतुरतेनं वाट पाहात होतात, तो हितगुज दिवाळी अंक २०१३ आपल्या हाती सोपवताना आमच्या मनात आनंद, उत्कंठा, हुरहुर अशा संमिश्र भावना आहेत. बदलत्या काळात सोहळ्यांत फरक झाले असले, तरी दिवाळीच्या दिवशी अभ्यंगस्नान करून, खुसखुशीत खमंग फराळाबरोबर ’दिवाळीअंक’ हवाच! मराठी मनांत दिवाळीअंकाचं स्थान खास जिव्हाळ्याचं आहे. सणानिमित्त आपल्या भाषेच्या साहित्यात भर घालण्याची अनोखी परंपरा आपण जपतोय, याचा आम्हांला आनंद आहे.

'मातृदिन' किंवा 'मदर्स डे' म्हणजे अलिकडच्या पिढीचा आईसाठी असलेला खास दिवस! मातृत्त्वाचा गौरव करणारा जागतिक सणच जणू! "आई" ही संकल्पना थोडी विस्तृत करून केवळ जन्मदात्या आईलाच केंद्रस्थानी न ठेवता, आजच्या युगातील मातेच्या धावपळीच्या जीवनात मुलांच्या संगोपनात साथ देणारे,जन्मदात्या आईच्या गैरहजेरीत "आईच्या" ममतेने, वात्सल्याने तिच्या बाळांची काळजी घेणारे आजी- आजोबा, केअरटेकर्स, पाळणाघरे यांनाही या उपक्रमात सामील करत आहोत.

'मराठी भाषा दिवस' उपक्रम मायबोलीवर २५ फेब्रुवारी ते १ मार्च पर्यंत साजरा होतोय. यांत लहान मुलांची बडबडगीते, आजी आजोबांना लिहिलेली पत्रं, अनोख्या म्हणी, चित्रांवरून पुस्तके ओळखणे असे खेळ आणि बरंच काही.

गेली १२ वर्षे सातत्याने चालू असलेला एकमेव ऑनलाईन गणेशोत्सव. स्पर्धा, उपक्रम, सांस्कृतीक कार्यक्रमानी सजलेल्या या उत्सवात सहभागी व्हा!! गणपती बाप्पा मोरया!!

''प्रौढत्वी निज शैशवास जपणे'' ह्या आपल्या बाण्याशी प्रामाणिक राहून गेली दोन दशके लोकरंजनाबरोबरच सामाजिक जागृती, पर्यावरण प्रबोधन व मूल्यांची जाणीव करून देणाऱ्या कठपुतळीकार आणि ''संवाद''शिल्पी सुषमा दातार यांच्याशी त्यांच्या कठपुतळी कलेविषयी व हातमोजांच्या कठपुतळ्यांचे खेळ करण्याविषयी केलेला हा खास संवाद!