प्रेम

आधी जरा साहेन मी
केव्हातरी सांगेन मी

अंधार जेथे एकटा
तेथे दिवा टांगेन मी

प्रीतीत बाजी हारलो
हारूनही जिंकेन मी

जादू तुझ्या डोळ्यातली
झाली नशा झिंगेन मी

राखेतुनी झालो उभा
आता कसा भंगेन मी

तुषार जोशी, नागपूर

.
.
.
पाहिले तुला हळूच काल मी तिथे वळून
रूपमोगरा मनात दरवळे तुझा अजून
.

ओतले मधाळ गोड रूप साजिरे तुझ्यात
चंद्र पाहता वरून लाजतो तुला बघून
.
आजकाल आसपास होतसे तुझाच भास
प्राण प्राण रोम रोम गातसे तुझीच धून
.
बघ वळून तू जरा तुझा पतंग लाजरा गं
लाव हास्यज्योत तू गं प्राण चालला विझून
.
हाय काय हासलीस हाय काय लाजलीस
हाय का गं चाललीस जीवनास मंतरून
.
तुषार जोशी, नागपूर
.

'प्रेम म्हणजे काय' या विषयावर एका मासिकाने लेख लिहिण्याची विनंती केल्याने भर दुपारी चुरमुरे सर त्यावर विचार करत बसले होते. अचानक दारावरची बेल वाजली. 'माझ्यासारख्या निवृत्त प्राध्यापकाच्या घरी अशा मध्यान्हीच्या वेळेस मळक्या चड्डीतला फुलवला किंवा बिल मागायला आलेला पेपरवाला याशिवाय कोण येणार? अशा विचारात आणि ''शी बाई, दुपारची जरा पडले तर आलं मेलं कोणीतरी कडमडायला!'' या सौ. चुरमुरेंच्या मुखोद्गाराच्या पार्श्वभूमीवर चुरमुरे सरांनी दार उघडलं तर दारात शेजारचे चिटणीस! ते इतकी मान खाली करून उभे होते की बहुधा ती मोडली की काय अशी शंका यावी पण नाही, तसे झाले नव्हते.

डॉक्टरांचे प्रेम, लग्न वगैरे

कविवर्य मंगेश पाडगावकरांनी म्हटलं आहे: "प्रेम म्हणजे प्रेम म्हणजे प्रेम असतं, खरंच सांगतो ते तुमचं आमचं सेम असतं" पण कोल्हापूरी चिवडा आणि नासिकचा मकाजीचा चिवडा हा चिवडाच असला तरी वेगळा. किंवा व्हिस्की आणि शाम्पेन यात अल्कोहोलच असलं तरी त्यांची चव वेगळी. तसंच डॉक्टर आणि इतरेजन यांचं प्रेमच असलं तरी ते वेगळं आणि आगळं. म्हणूनच डॉक्टर मंडळी म्हणू शकतात "
प्रेम म्हणजे प्रेम म्ह्णजे प्रेम असतं
ते तुमचं आमचं सेम असलं
तरी खरंच सांगतो
ते आमचं थोडं डिफ्रंट असतं
तर अशा "डिफरंट" पणाच्या खुणा दाखवणारी ही कविता, समस्त Doctor जोडप्यांची क्षमा मागून....

बसनं इंदौर सोडलं आणि माझी झोप उडाली. ३० सीटर बसमध्ये २७ नंबरच्या सीटवर बसलेल्या आणि म. प्र. मधील रस्त्यांवर चालणाऱ्या बसमध्ये माणसाची परिस्थिती व्हॉलीबॉलसारखीच होते. मी अमरावती विद्यापीठाच्या कर्मचाऱ्यांच्या नावाने शिव्या घालत, हा व्हॉलिबॉलचा खेळ कधी संपतो, याची वाट पाहत होतो. शरीराने जरी मी बसमध्ये असलो तरी मनाने कधीचाच अमरावतीला पोहचलो होतो.

प्रेमाचा Doppler Radaar माझा
ठेवतो मी नेहमी Activate
कोण जाणो करून जाऊ शकते
कधीही नकळत ‘ती’ Captivate

रोजच वाटते मिळतोय signal
पण असते नुसतीच खरखर
channel ‘Fine-tune’ करेपर्यंत
निघून जाते ‘ती’ भरभर

Network coverage वाढावे म्हणून
modulate करतो मी Bandwidth Range
Resonance मात्र होत नाही कारण
माझी wavelength च आहे strange

निराश झालो कारण झाला Jam
माझ्या प्रेमाचा band pass filter
तेवढ्यात screen वर दिसली sine wave
आले असेल कहो ‘ तिकडून ‘ उत्तर ??

वाटले मलाही ‘Koi Mil Gaya ‘
अन ‘प्रेमाची Frequency’ मिळाली
कळले नंतर तो होता Interference

प्रेमाची बँक

तुझ्या दिलाच्या बँकेमध्ये माझे अकाउंट उघडतेस का?
माझे अकाउंट उघडतेस का?
माझ्या प्रेमाच्या सेव्हिंग्जवर काही रिटर्न देशील का? ||धृ||

खाते ओपनकरण्यासाठी प्रेमपत्राचा अर्ज लिहीला
प्रेमजाणत्या मित्राला ओळखीसाठी तयार केला
इनवर्डला पडला अर्ज, आता सहिशिक्का मारशील का?
तुझ्या दिलाच्या बँकेमध्ये माझे अकाउंट उघडतेस का? ||१||

अकाउंटचे असती करंट, लोन, सेव्हिंग, रिकरींग
सगळे नकोच मजला फिक्स खातेच हवे ग
त्याच्याशी तुझे अकाउंट जॉईंट करशील का?