पाहिले तुला हळूच

Submitted by तुषार जोशी on 21 January, 2011 - 21:35

.
.
.
पाहिले तुला हळूच काल मी तिथे वळून
रूपमोगरा मनात दरवळे तुझा अजून
.

ओतले मधाळ गोड रूप साजिरे तुझ्यात
चंद्र पाहता वरून लाजतो तुला बघून
.
आजकाल आसपास होतसे तुझाच भास
प्राण प्राण रोम रोम गातसे तुझीच धून
.
बघ वळून तू जरा तुझा पतंग लाजरा गं
लाव हास्यज्योत तू गं प्राण चालला विझून
.
हाय काय हासलीस हाय काय लाजलीस
हाय का गं चाललीस जीवनास मंतरून
.
तुषार जोशी, नागपूर
.

गुलमोहर: 
मराठी गझल
शब्दखुणा: 
ग़जल
प्रेम
तू
स्तुती
शेअर करा

आजकाल आसपास होतसे तुझाच भास
प्राण प्राण रोम रोम गातसे तुझीच धून

वा! खूपच तरल, नाजुक गझल!

Submitted by क्रांति on 21 January, 2011 - 22:15

पून्हा एकदा मायबोलीवर तुमचं लिखाण पाहून आनंद वाटला.

हाय काय हासलीस हाय काय लाजलीस
हाय का गं चाललीस जीवनास मंतरून

- क्रांति यांना अनुमोदन. अगदी मखमल गझल.

Submitted by नादखुळा on 21 January, 2011 - 22:19

रोमँटीक!! Happy

फक्त एक शंका : शेवटच्या दोन शेरात 'गं' हा शब्द लघु म्हणून योजला आहे तसे चालते का? व्याकरणाच्या दृष्टीने अनुस्वार असलेले अक्षर गुरू मानावे असे म्हटले आहे...जाणकारांनी प्रकाश टाकावा

धन्यवाद!!

Submitted by विजय दिनकर पाटील on 22 January, 2011 - 22:19

विजय भाई तुमची शंका रास्त आहे, हा बदल कसा वाटतो बघा:

.
बघ वळून तू लगेच लाजरा तुझा पतंग
लाव हास्यज्योत तूच प्राण चालला विझून
.

Submitted by तुषार जोशी on 22 January, 2011 - 22:31

!!

Submitted by बेफ़िकीर on 23 January, 2011 - 23:52