अवांतर

फेसबूक, व्हॉट्सप, मायबोली आणि सारेच सोशलमिडीया बंद झाले तर.. काय कराल?

Submitted by ऋन्मेऽऽष on 4 October, 2021 - 18:02

काल संध्याकाळपासून व्हॉटसप सर्वर डाऊन आहे. गूगल केले तर समजतेय बहुधा ग्लोबली सर्वर डाऊन आहे. तुमच्याकडे आहे की नाही कल्पना नाही. पण काल संध्याकाळी टीव्हीवर आयपीएलची मॅच बघता बघता मोबाईलवर व्हॉटसप ग्रूपमधील मित्रांशी क्रिकेटची चर्चा करत असताना अचानक माझे मेसेज जायचे बंद झाले. लोकांचे यायचे बंद झाले. मला वाटले आपला इंटरनेट इश्यू असावा. नेट बंद केला. चालू केला. मोबाईल रिस्टार्ट केला. प्रॉब्लेम जैसे थे च!

विषय: 
शब्दखुणा: 

घराचं नूतनीकरण - लाकडी दरवाजा व फ्रेम काढून ग्रॅनाईट लावावं का?

Submitted by मेधावि on 4 October, 2021 - 11:17

घरातलं थोडंफार नूतनीकरण व डागडुजी करते आहे. स्वच्छतागृहांच्या टाइल्स व फरशा बदलणे, ट्राॅल्यांची दुरुस्ती व रंगकाम इतकंच. काॅन्टॅक्टरकडून प्रस्ताव आलाय की लाकडी दारं व फ्रेम्स काढून टाकावीत व ग्रॅनाईटची बसवावीत. हा करंट ट्रेंड आहे आणि त्यानं उठावदार दिसेल असं त्याचं म्हणणं आहे.

पण

सुस्थितील दणकट लाकडी दारं काढून तिथे सिंटेक्स किंवा तत्सम कचकड्याची दारं बसवणं मला कसंतरी वाटतंय. लाकडी दारं छान दणकट आहेत आणि दिसतही चांगली आहेत. पण फक्त आधुनिक लुकसाठी हा बदल स्विकारावंसं वाटत नाहीये.

तर ह्यात काही इतर पैलू असू शकतात का?

विषय: 

संजीव गुरूनाईक - भाग - ४ - जान्हवी

Submitted by विजयश्रीनन्दन on 2 October, 2021 - 02:53

गुरूवार बिर्याणी आणि खिचडी. दुपारी व्हेज बिर्याणी आणि रात्री मुगाची खिचडी. नेव्ही चा मेनू कधी कोणी ठरवला माहित नाही. भारतात कोणत्याही नेव्हल युनिट किंवा शिप वर गेलं तरी मेनू तोच. थोडाफार फरक. पण मंगळवारी पूर्ण शाकाहारी, गुरूवारी बिर्याणी ठरलेलंच. मला पण तीच सवय जडलेली. सवयी लवकर सुटत नाहीत.

त्यात, एकटा जीव सदाशिव. कोण विचारणार नाही. बिर्याणी, वर साजूक तुपाची धार, सोबत लिंबाचं लोणचे आणि टॉमेटो सॉस, शेवटी दही साखर. मस्त मेनू.

शब्दखुणा: 

आमचे शिनिमाचे गाव - १

Submitted by shabdamitra on 1 October, 2021 - 20:58
Movies

डबड्यातले काम करनार, कपटी आणि चक्रम “हंटरवाली’ डबड्यात आलाय बे! येतो का,चल” “तुफान मेल” ही येनार हाहे डबड्यात”. डबड्यात म्हणजे त्या थिएटरचे नेमके वर्णन करणारा शब्द. लोक एखाद्या गोष्टीचे बारसे बरोबर करतात. पूर्वाश्रमीचे मेकॅनकी थिएटर. इथे नाटके होत असत. मराठी रंगभूमीवरील अनेक नामांकित कंपन्या आपली नाटके इथे करत असत. पण नाटकांचे एके काळचे ते वैभवशालीयुग संपले.

विषय: 

संजीव गुरूनाईक - भाग ३- जान्हवी

Submitted by विजयश्रीनन्दन on 29 September, 2021 - 09:57

सकाळचं जॉगिंग, प्राणायाम, आन्हिक, नाश्ता उरकला होता. वेळ सकाळचे ९:३० झालेले.

आज मंगळवार. आठवडे बाजार भरण्याचा दिवस. मिलिटरीत मेस सेक्रेटरी असल्यापासून सवय लागली, आठवडा भराची भाजी, फळे एकदाच आणायची. आई नेहमी म्हणायची "जितकं लागेल, जसं लागेल तसं आणत जा. एकदम सगळं आणू नको". पण सवय ती सवयच. नाही मोडली.

घराच गेट बंद केलं. ब्राऊनी ला आवाज दिला. आणि बाजाराकडे निघालो. पायीच जायच हा पण अलिखित नियम होता.

दुधी, दोडकी, कार्ली, कांदे अस करत करत खरेदी झाली. रिक्षा स्टॅंड वर चहा प्यायचा आणि घराकडे निघायचा नेहमीचा शिरस्ता.

विषय: 
शब्दखुणा: 

संजीव गुरूनाईक - भाग - २ - शतपावली... -

Submitted by विजयश्रीनन्दन on 29 September, 2021 - 09:54

आज रविवार. मग उद्या सकाळी पळणे नाही. रनर्स चा सोमवार हा विश्रांती दिवस. कोणी, कधी, का ठरवलं माहीत नाही आणि कधी त्यावर विचार करावा असा विचार सुद्धा जवळपास फिरकला नाही. पण हा नियम कित्येक वर्ष पाळत आलोय..

तर, उद्या निवांत. म्हणजे आज उशिरा झोपता येईल. आजची कामे उद्या केली तरी चालतील.

डिनर उरकलं. दार लोटलं आणि समुद्राकडे पावले वळली. आज पौर्णिमा. घरामागील टेकडी आडून पूर्ण चंद्रबिंब डोकावत होते. चालता चालता दूर पर्यंत आलो होतो. ओल्या वाळूत उमटणारी पाऊलखुणांना भरतीच्या लाटा पुसत होत्या. मधूनच वाळूतून पांढरे खेकडे डोकावत होते.

विषय: 
शब्दखुणा: 

लांब आणि दाट केसांचे पुरुष - National Hair Day निमित्ताने - (विडिओसह)

Submitted by ऋन्मेऽऽष on 29 September, 2021 - 02:31

ज्यांना लेख वाचायला बोअर होईल त्यांनी थेट विडिओ बघितला तरी चालेल.

National Hair Day - 1 October - ऋन्मेष Runmesh
लिंक - https://www.youtube.com/watch?v=T5lkycN3k18

------------------------------------

विषय: 
शब्दखुणा: 

पितृपक्ष

Submitted by विजयश्रीनन्दन on 28 September, 2021 - 11:16

आज पहाटेपासून मन जरा उद्विग्न होतं. सकाळपासूनच घराच्या टेरेसवर येरझार्या घालत होतो. घरात पूजा सुरू होती. मंत्रोच्चार ऐकू येत होते. मुलगा सगळं व्यवस्थित करत होता. त्यामुळे काही काळजी नव्हती. आणि मुख्य मृहणजे माझं काहीच काम नव्हतं त्याच्यात. मग मी आपला गच्चीवर बरा होतो.

मुलाचं सासर पण शेजारच्या कॉलनी मधलं. जुनी ओळख. मित्राची मुलगी सून म्हणून घरात आणायचा हट्ट माझाच. आज पूजेसाठी तिच्या माहेरचे पण आलेले.

इतक्यात आई बाबा पण टेरेस वर आले. खूप वर्षांनंतर आज भेट घडून आली होती. साश्रू नयनांनी वंदन केलं. गप्पांचा ओघ सुरू झाला.

ऑस्ट्रेलिया-ब्रिटन-अमेरिका म्हणजेच ऑकस

Submitted by पराग१२२६३ on 25 September, 2021 - 00:46

अमेरिका, ब्रिटन आणि ऑस्ट्रेलिया यांनी नुकतीच नव्या त्रिपक्षीय ऑकस संधीची (AUKUS PACT) अचानक घोषणा केली आहे. त्याचवेळी ऑस्ट्रेलियाने 2016 मध्ये फ्रांसबरोबर झालेला पाणबुड्या खरेदीचा करार रद्द केला असून आता तो अमेरिकेकडून अणुपाणबुड्या खरेदी करणार असल्याही घोषणा केली आहे. ऑकस या लष्करी संधीद्वारे अमेरिका ऑस्ट्रेलियाला 12 हल्लेखोर अणुपाणबुड्या विकणार आहे. हा व्यवहार सुमारे 90 अब्ज अमेरिकन डॉलरचा असणार आहे. हे सर्व निर्णय आपल्याला अंधारात ठेवून अचानक घेतले गेले असल्याचे सांगत पॅरिसहून त्या नव्या संधीविरोधात तीव्र शब्दांमध्ये प्रतिक्रिया दिली गेली आहे.

Pages

Subscribe to RSS - अवांतर