दखल जगाने घ्यावी माझी...म्हणून रडलो
मी माझ्यावर हसणाऱ्यांना बघून रडलो
बसून हसणाऱ्यांनी वेडे मला ठरवले
फक्त एवढे चुकले की..मी उठून रडलो
तेव्हा कोठे ह्या अश्रूंना किंमत आली
मी दुनियेच्या समोर जेव्हा जपून रडलो
जमेल तितके ओठ दाबले, हसू आणले
नाही जमले तेव्हा मागे वळून रडलो
मला तसे तर दुखले-खुपले नव्हते काही
सगळे होते रडत इथे मी म्हणून रडलो
एक हुंदका दिला न मीही दिसू जगाला
जेव्हा रडलो तेव्हा डोळे मिटून रडलो
काही नव्हते तो जाताना हसला अन् मी
सारेकाही हातामध्ये असून रडलो
वृत्त : स्त्रग्विणी
कागदावर जरा उतरली अक्षरे
भावनांच्या सवे खेळली अक्षरे
फार केली जगाने प्रशंसा अशी
लाव काजळ म्हणू लागली अक्षरे
ती म्हणू लागली थांब आता इथे
पण तरीही पुन्हा जन्मली अक्षरे
स्पर्श झाला तुझा थांबली वेळ ही
मौन मी अन् इथे लाजली अक्षरे
ऐक माझे शिवा संपली ही कथा
शेवटी एकदा बोलली अक्षरे
- शिवशंकर सू. गोंड
रोज रोज तीच वेळ गारव्यात नाहते
तोच खेल रोज रात चांदण्यात खेळते
वागते खट्याळ अन मधाळ गोड बोलते
एक पोर घालमेल का उरास लावते
माळते सुगंध वास कस्तुरी समान गं
पाहतो तुला जगास ओरडून सांगते
चालतात बोलतात मज सवे किती जनीं
या मनात वात एक लावण्यास धावते
टाळले जरी मला तरी मनात भाव गं
कोरले उरात नाव खोडण्यास पाहते
- संकेत महाजन (८२०८२७५७९८)
श्वास एक मरताना घेता आला नाही
सोबतीस पाचोळा घेता आला नाही
त्याच्या पायाखाली काटा आला ज्याला
तळहातावर काटा घेता आला नाही
तुझा फायदा फारच मोठा झाला असता
तुला फायदा माझा घेता आला नाही
याचमुळे मी स्वतःवरी नाराज राहिलो
मला स्वतःचा बदला घेता आला नाही
विकत तुझ्या हृदयाचे कप्पे घेता आले
विकत तुझा ओलावा घेता आला नाही
: स्वच्छंदी
कुणाशीही कधी जमलेच नाही
मला माझे कुणी दिसलेच नाही
तिच्या रागातही आधार होता
मनाला हे कधी कळलेच नाही
मला धार्मिक साहित्यात कोठे
सुखाचे सूत्र सापडलेच नाही
कळत होते मला सारे परंतु
कधी वेळेवरी वळलेच नाही
कधी ते लोभ-निद्रेतील स्वप्न
मला जागेपणी पडलेच नाही
खरेदीदार तर होते परंतु.....
स्वतःला मी कधी विकलेच नाही
विज्ञानाचे शोध लागण्या आधी आसपासच्या गोष्टींचा मानवाने जमेल तसा तार्किक अर्थ लावून ते काय आहे आणि कसे चालत असेल याचा अंदाज आणि ठोकताळा घेतला आणि त्यावेळेस जे तर्काला पटेल आणि उपलब्ध माहितीवरून अधिक बरोबर वाटेल अशी उत्तरे तयार केली.
.
बरेचदा ही उत्तरे ज्यांना सुचली त्यांना ती कशी सुचली सांगता आले नसेल तेव्हा ती मला स्फुरली, किंवा मला स्वप्नात दिसली, किंवा सरळ मला देवाने सांगितली असे सांगणे सर्वात सोपे असेल म्हणून तसे सांगितले गेले. काही ग्रंथांमध्ये देखील ते लिहिले गेले. तेच मग सिद्धांत्त म्हणून सांगतिले जाऊ लागले शिकवले जाऊ लागले असे आपल्याला दिसते.
.
माझ्यासाठी तुझे ते गाणे असू दे
सांगायास काही गाऱ्हाणे असू दे
तुझ्यासारखे कैक वेडे इथे रे
मज सारखे काही शहाणे असू दे
नवे यमक काही सुचलेच नाही
जुळलेले शब्द जुने पुराणे असू दे
विरहाचे क्षण आहे मनी पण
आठवणीत चोरून पाहणे असू दे
खरे सुख आहे तुझे तुज पाशी
जरा दुःख गोजिरवाणे असू दे
जीवनास या अर्थ नसेल तरीही
जगायास थोडे बहाणे असू दे
इथे काय सारेच कविवर्य नाही
दोन चार श्रोते दिवाणे असू दे
- अमेय
7387674171
माझ्यासाठी तुझे ते गाणे असू दे
सांगायास काही गाऱ्हाणे असू दे
तुझ्यासारखे कैक वेडे इथे रे
मज सारखे काही शहाणे असू दे
नवे यमक काही सुचलेच नाही
जुळलेले शब्द जुने पुराणे असू दे
विरहाचे क्षण आहे मनी पण
आठवणीत चोरून पाहणे असू दे
खरे सुख आहे तुझे तुज पाशी
जरा दुःख गोजिरवाणे असू दे
जीवनास या अर्थ नसेल तरीही
जगायास थोडे बहाणे असू दे
इथे काय सारेच कविवर्य नाही
दोन चार श्रोते दिवाणे असू दे
- अमेय
7387674171
तोलले मोजले जवळच्यांनी
लांब मज ठेवले जवळच्यांनी
जोडलेल्या नवीन नात्यांना
साफ नाकारले जवळच्यांनी
संस्कृती आड स्वाभिमानाला
छान संभाळले जवळच्यांनी!
रोज माझ्या नव्या विचारांना
पार धुडकावले जवळच्यांनी
खोल माझ्या मनातले प्रश्न
सारखे टाळले जवळच्यांनी
पान माझ्या कठोर गझलेचे
फाडुनी टाकले जवळच्यांनी
काही दिवाळी अंकांसाठी माझेही लेखन मागवण्यात आले होते यंदा! (ऐकावे ते नवलच)
तर त्यापैकी 'महासागर' या अंकात छापून आलेला माझा 'गझलेतील गेल्या काही वर्षातील वळणे' या विषयावरचा लेख:
=====
