आयुष्य

गळफास

Submitted by मंगेश विर्धे on 10 June, 2020 - 15:43

तसे तर मला काडीचाही त्रास नाही
पण वाटते आयुष्य हा माझा घास नाही

उगाच चंद्र-सूर्याची ये-जा रोज बघत आहे
दिशांचा श्वासांना माझ्या कसलाच अदमास नाही

गात्र-गात्र एकवटेल ज्याच्या साधनेसाठी
गवसला कुठलाच असला अजून ध्यास नाही

माझ्या या अवस्थेचा उपहास करू तितका कमी
शंभर कड्या दाराला, छत माझ्या घरास नाही

उत्तरे मिळतील असे स्वतःस सांगत असतो
जिवंत आहे कारण, घेतला अजून गळफास नाही

- मंगेश विर्धे

(टीका प्रोत्साहित.)

मागे वळुन पाहताना..

Submitted by मन्या ऽ on 9 March, 2020 - 01:11

मागे वळुन पाहताना..

मागे वळुन पाहताना
एक निरागस चेहरा
दिसतो मज मनसोक्त
खळखळुन हसताना

मागे वळुन पाहताना
तोच चेहरा दिसतो मज
भेदरलेल्या डोळ्यांनी
आसपास पाहताना

मागे वळुन पाहताना
लोकांचे चेहेरे न्याहाळताना
तो चेहरा दिसे मज
ओंगळवाण्या नजरा सहन करताना

मागे वळुन पाहताना
ओळखीच्या चेहेऱ्यांवरचे
पाहिले मी मुखवटे
एकावर एक चढवताना

मागे वळुन पाहताना
स्वतःला आरशात बघताना
पाहिले आहे मी
स्वतःचीच किळस करताना

गणितं..

Submitted by मन्या ऽ on 5 December, 2019 - 15:52

गणितं..

आयुष्याच्या पाटीवरची
गणितं माझी चुकली
चुका लपवण्यासाठी
मी ती पटापट पुसली
मनाचा शिक्षक आहे थोर
कडक शिस्तीचा
पुसलेली गणितं
परत परत विचारली

उत्तर देता येईनात
झाली पळता भुई थोडी
माझे मनच होऊनी मैत्र
आता माझी शिकवणी घेई
शिकवणी झाली चांगली
मास्तरांनी सांगितला
एक जालिम उपाय
जुनी शिदोरी पाठीला
नवे अनुभव बांध गाठीला
निर्धास्त होऊन जग
मी आहेच तुझ्या सोबतीला

शब्दखुणा: 

किंमत

Submitted by शब्दवेडा on 5 October, 2019 - 23:01

कधी दाटे मनात गहिवर कधी हास्याची लाट आहे

सोडून गेले सगेसोयरे अंधाराची साथ आहे

दूर टेकडीवर होता महाल त्यात होती सुवर्णशय्या

इंद्रालाही लाजवेल असा माझा थाट होता

नियतीची फिरताच चक्रे होते नव्हते सगळे गेले

सर्वस्व व्यापले अंधाराने राज्य संपले खचली हिम्मत

अंधाराच्या मगरमिठीतच प्रकाशाची कळली किंमत

शब्दखुणा: 

आयुष्य weds स्वप्न

Submitted by प्रतिक सोमवंशी on 1 May, 2019 - 21:27

एकदा की नै, स्वप्नांच आयुष्याशी लग्न होत. लग्नाच्या वऱ्हाडात आशा, अपेक्षा, इच्छा, आकांक्षा हे सगळे नातेवाईक आलेले असतात. जोडपं खूप आनंदात असत, कारण आहेरात खूप सार सुख आणि समाधान आलेलं असत. पण त्यांना माहीत नसत स्वप्नांच्या कुंडलीत एक वर्तमान नावाचा मंगळ घर करून बसलेला असतो.

आयुष्य

Submitted by Asu on 13 April, 2019 - 00:17

आयुष्य

आयुष्याच्या वळणावर
जेव्हा मी मागे वळून बघितलं
नाचत होती भुतं
आक्राळ विक्राळ रूप घेऊन
माझ्या अतृप्त इच्छांची

कोसत होती मला
शिव्या शाप देऊन
असं वांझोटं सोडल्याबद्दल
अकाली गाडल्याबद्दल

पण मी ही असहाय होतो
काळाने बलात्कार केला तेव्हा
आणि प्रसवली
ही मृतबाळे जेव्हा
माझ्या इच्छा आकांक्षांची

केले मी त्यांना आता
मनाच्या बाटलीत बंद
बघायचे पुढे आता
नव्या आकांक्षा नवीन छंद

शब्दखुणा: 

दैवी कृपा

Submitted by मी संतोषी on 28 May, 2018 - 06:42

दैवी कृपा

क्षण होते कितीतरी सुखाचें
अजुनी आठवणीत ताजे तवाने
बिलोरी आरशासमोर असूनही
मी आरशात तुलाच पाहते

रुबाबदार डोळ्यांतील तुझे हसणे
मनामनात सतत तरळत राहते
ऐटीत फिरणे आणि ना कुणासमोर वाकणे
वैशिष्ट तुझ्या जीवनाचे मज भावले

तुझीच होऊन राहणे खूप खूप आवडले
शक्य नव्हते तरीही दैवीकृपेने साध्य झाले
एक एकदा मन विचारते स्वतःलाच
दुसऱ्या कुणी सुख दिले असता का ग एवढे?

कविता

Submitted by मुजमुले on 15 November, 2016 - 04:20

बंद झाली सारी कवाडे माझ्याच अशियाण्यातली ,
उधार जगणेही आता सावकारी दाम पुकाराया लागली ..

मी निद्रेत तरीही तरंगू लागलो स्वप्नांच्या झुल्यावर ,
दोर तेव्हा हळू हळ
आज तुटाया लागली ..

रेशमाच्या अस्तराने अभ्रावरी शालू पांघरला तोही विजार फाटका गळू लागला ,
अस्ता संगे टिपू लागल्या चांदण्या तेव्हा सूर्यही आसवे ढाळू लागला...

घुबडाच्या रात्री कितीसा जागल्या जगणे हि वटवाघळाची कैफियत होती ,
पुन्हा भावनेच्या डाली वडाच्या पारंब्यांना झुलू लागल्या ....
पारंब्यांना झुलू लागल्या .....

विषय: 
शब्दखुणा: 

Pages

Subscribe to RSS - आयुष्य