उपक्रम

जरी सगळीकडे दिवाळीची धांदल सुरू होती तरी ती शांतपणे त्या पुस्तकांच्या ढिगाऱ्यात बसून नोट्स वाचत होती.
दोन वर्षांपासून घरच्यांना आणि तिलाही ह्याची आता सवय झाली होती दिवाळीची सुट्टी आणि PL एकदम असण्याची.

बांदेकर भाऊजींनी जिंकलेल्या वहिनींना पैठणी दिली आणि होम मिनिस्टर चा एकच गजर सुरू झाला!

दूरदर्शनवरील ते दृश्य बघून तिने त्याला सहजच विचारलं, ”ए, मी पण बघू का रे होम मिनिस्टर मध्ये प्रवेशिका टाकून?”

तो हसून तत्परतेने म्हणाला, “हो, कर ना! फक्त आपल्या शोभाबाई आणि कुलकर्णी मावशींच्या सवडीने बघ.”

एक भुवई उंचावली आणि तिने विस्मयचकित नजरेने त्याच्याकडे पाहीले, “का??”

“बघितलसं ना, त्या एका फेरीमध्ये घरातल्या, स्वयंपाकघरातल्या ते सांगतील त्या वस्तू पटापट आणून द्याव्या लागतात. आता पैठणी जिंकायची तर त्यांना पण इथै असायला लागेल ना…”

त्याने चिडून धाडकन लॅपटॉप बंद केला आणि तिने विस्मयचकीत नजरेने त्याच्याकडे बघितले
“हे माबो गणेशोत्सवाचे संयोजक जरा अतीच करतात, नाही?” तिच्याकडे बघत तो वैतागाने म्हणाला . “इन मिन १०० शब्दांची कथा , त्यातले पाचापेक्षा जास्त शब्द तर त्यांनीच खाल्लेत. कसे पुरतील मला एवढेसे शब्द माझी सगळी गोष्ट सांगायला?”
“मला वाटले नव्हते, तू कधी असा वागशील. स्पेशली तुझ्यासाठीच आहे असं वाटावा असा सुद्धा एक उपक्रम ठेवलाय ना त्यांनी ? ”

मायबोली गणेशोत्सव २०२५ - उपक्रम व स्पर्धा :
यावर्षीच्या सर्व उपक्रम आणि स्पर्धा एकत्र, एकाच ठिकाणी पाहण्यासाठी हा धागा.
अधिक माहितीसाठी खाली दिलेल्या उपक्रम व स्पर्धांच्या लिंकवर क्लिक करा.

मायबोली गणपती प्रतिष्ठापना
https://www.maayboli.com/node/87077

आमच्या घरचा बाप्पा
https://www.maayboli.com/node/87067

कोण ही? कधी, कुठं भेटली ?
रात्रभर ह्या बायडीला डोक्यात घोळवत राहीलो. ख्रिस्ती 'शोत्सवाचे' कुटुंबात लग्न झालेली 'हेमा बोगणे' ही हिंदू महिला आहे असं ठरवून मोकळा झालो. पण हिचा न् माझा नेमका संबंध ? बहुतेक माबोवर डुआय काढला होता. काही कविताही लिहिल्या असतील.. आधीच फारसं न आठवणारा मी.. आता तर विस्मरणाचा आजारदेखील जडलाय. जीवाभावाचे चारसहा आयडी... त्यांचेही पासवर्ड विसरलोय. 'हेमा बोगणे' काय ध्यानात येईना...
रात्रभर आठवत राहिलो.. झोपेत !
पहाटे प्रसन्न जाग आली.. 'हेमा बोगणे' आठवणीत होती.

साद्यंत आणि सचित्र पाककृती अशी:

१. दीड कप रवा अर्धा कप तुपात खमंग परतून घेतला.
२. त्यात आधी दोन कप गरम पाणी आणि मग केशर खलून घातलेलं एक कप गरम दूध घालून झाकून फुलवून घेतला.
३. त्यात सव्वा कप साखर घातली आणि कडेने आणखी तूप सोडून छान दमदमीत वाफ आणली.

वेलचीपूड घालून तयार शिरा:

४. आता यातला अर्धा शिरा बाजूला काढला, आणि उरलेल्या अर्ध्यात कपभर आमरस आणि आणखी थोडं तूप घालून घट्ट होईपर्यंत परतून घेतला.

काहीतरी बिनसलंय आजकाल.. कांदेपोहेपासून ते मध्यरात्रीच्या आईस्क्रीमपर्यंतचा प्रवास, त्याची स्वप्नं, त्याच्यातलं लहान मूल. लग्नानंतर चार वर्षं हरवलंच.. सतत काम, तणाव, चिडचिड..असा कसा बदलला?

बेलने तंद्री भंगली, दारातून म्हटला, "तयारी कर.. बाहेर जायचंय"

गाडी शहराबाहेर येऊनही एक शब्दही बोलला नव्हता. अचानक एका ठिकाणी त्याने गाडी थांबवली. नजर जाईल तिथवर शेतात कुणी चिटपाखरूही नव्हतं. एका बाजूला जुनाट बंगला.. त्याने तशाच मेलेल्या डोळ्यांनी खिशातून काहीतरी बाहेर काढलं आणि त्याच्या डोळ्यात एक वेगळीच झाक दिसली.. ती जवळजवळ ओरडलीच..

"मला वाटले नव्हते, तू कधी असा वागशील!"

"हे माबो गणेशोत्सवाचे संयोजक अतिच करतात नाही?"

"मग काय रे! एक मीमचा धागा दिला टाकून आणि रमी खेळत बसले असतील लेकाचे. उपक्रम नको, पाकृ नको, हस्तकला नको. रडा लेकांनो. घेतात कशाला नसती कामं अंगावर. आपण तर काय दोन्हीकडुन ढोल वाजवायचा काय."

"अरे पण हे सगळं आहे ना. - उपक्रम, पाकृ, घोषणा, खेळ, शशक, लहानांकरता, मोठ्यांकरता"

"असू देत रे आपलं काम शिव्या घालणे. आपली हक्काची जागा आहे टिका करण्याकरता. खर्‍या खोट्याचा शहानिशा हवाय कुणाला? बरं पण तू कशाबद्दल अति आहे म्हणत होतास?"

"करण, ब्लॅक टीशर्ट, म्हणजे पोट दिसणार नाही आणि जरा फास्ट!" करण ट्रेडमिलवर जोरात पळू लागला. तिने स्वतःच्या मॉडर्न, सेक्सी मॉम लूकवर शेवटचा हात फिरवून पुन्हा रेकॉर्ड करायला सुरुवात केली. आज व्ह्यूज वाढायलाच हवेत.

तिने घरभर फिरून चकाचक फर्निचर, नवीन घेतलेल्या/जाहिरात करायच्या वस्तू दाखवल्या. मांजर पायात घोटाळल्यावर मनात आलेली शिवी दाबून तिला कॅमेरासमोर कुरवाळले.

"अरे, टीयांश?" ती खोलीत शिरली. "बघा हा आमचा गोडुला नेहमीप्रमाणे पबजी खेळतोय" ती कॅमेरात बघत खोटं गोड हसली.

"मला वाटले नव्हते, तू कधी असा वागशील," क्रिती चिडून म्हणाली. कबीर काहीच न बोलता शांत उभा राहिला. तिच्या हातात त्याचा फोन होता – उघडलेला, आणि त्यात एक अनोळखी मुलीसोबतचे चॅट.

"हे फक्त कामासाठी होतं," तो शेवटी म्हणाला.

"ऑफिसच्या कामासाठी 'मिस यू' म्हणतात का?"

इतक्यात अजुन एक वीडियो मेसेज आला आणि तिने विस्मयचकीत नजरेने त्याच्याकडे बघितले.