उपक्रम

मायबोली गणेशोत्सव २०२३

वर्ष २४वे

श्रावण संपला...भाद्रपद चतुर्थी आली...सज्ज व्हा उधळण्यास गुलाल...आली गणाधिशाची स्वारी आली..

गणपती बाप्पा मोरया! मंगलमूर्ती मोरया!

हा आहे आपल्या सर्वांचा आवडता खेळ प्रकाशचित्रांचा झब्बू .

आजचा विषय - पूल ( Bridge)

रस्त्यामध्ये येणारे विविध प्रकारचे अ़डथळे पार करण्याकरिता लागणारी वास्तू म्हणजेच पूल होय. हे अडथळे नद्या, नाले, ओढे, दऱ्या खिंडी, खोलगट भाग, तलाव, सरोवरे, खाड्या, समुद्राचे भाग, आडवे जाणारे रहदारीचे रस्ते ,लोहमार्ग असे कोणत्याही प्रकारचे असू शकतात. तुम्हीही आजपर्यंत देश विदेशात अनेक पूलांवरून प्रवास केला असेल...काही काही पूलांवरचा प्रवास तर आज आपल्या रोजच्या जगण्याचा भाग झाला आहे...
मग अश्या काही देश ,विदेश, गावातील पूलांची छायाचित्र तुमच्याकडे असतील तर चला झब्बू खेळूयात ...

हा आहे आपल्या सर्वांचा आवडता खेळ प्रकाशचित्रांचा झब्बू

आजचा विषय आहे - प्रवेशद्वारावरील तोरण

घरातील बाप्पाचे आणि नैवैद्याचे फोटो देण्यासाठीच धागा
मनमोहक ते रूप || अर्पितो तुज मनोभावे नैवैद्य ||
https://www.maayboli.com/node/84054

लेखन विभाग
लेखनस्पर्धा -१ - स्त्री असणं म्हणजे ..
https://www.maayboli.com/node/84022

मायबोलीकरांनो, हस्तकला स्पर्धेसाठी अजून एक विषय आम्ही घेऊन आलो आहोत, तो आहे काचेच्या बाटलीचे शोपीस. यात तुम्हाला एक रंगहीन किंवा रंगीत काचेची बाटली घ्यायची आहे. तिला वेगवेगळे रंग देऊन आणि सजावटीचे साहित्य वापरून सजवायचे आहे. एक शोपीस म्हणून तुम्ही या बाटलीचा उपयोग करू शकता. यात तुम्ही कृत्रिम किंवा खरी फुले किंवा इतर गोष्टी ठेऊ शकता.

सुरुवात करा मग साहित्य जमवायला आणि काचेच्या बाटलीचे शोपीस बनवायला.

हि मोठ्यांसाठी स्पर्धा आहे.

मायबोलीकरांनो, सकाळी पक्ष्यांच्या मंजुळ किलबिलाटाने उठणे कोणाला आवडणार नाही. सध्या जिकडे तिकडे इमारती उभ्या राहिल्यात त्यामुळे पक्ष्यांना घरटे बांधण्यासाठी योग्य अशी जागा मिळत नाही. यासाठी पक्षांसाठी कृत्रीम घरटी हि हस्तकला स्पर्धा आम्ही यावेळी आपणासाठी आणली आहे. यात सुतळीपासून , कार्डबोर्ड, किंवा लाकडी खोके वापरून पक्षांसाठी कृत्रीम घर तयार करायचे आहे. पक्षांसाठी तो एक निवारा होईल आणि त्यात ते आपले घरटे बांधू शकतील.

चला तर मग या हस्तकाला स्पर्धेत सहभागी होऊन पक्षीसंवर्धनासाठी एक वाटा उचलुया.

हि मोठ्यांसाठी स्पर्धा आहे.

मायबोलीकरांनो, शाळेत असताना असे चित्र आपण नक्कीच काढले असेल ज्यात शिक्षक टेबलवर काही वस्तूंची मांडणी करायचे आणि आपल्याला ते बघून त्याचे चित्र काढायला सांगायचे. या स्पर्धेचा हाच विषय आहे यात तुम्ही तुमच्या पुढे टेबलवर काही वसूंची मांडणी करायची आहे. उदा. फुलदाणी, थाळी, बाटली, छोटे मडके, फळे असे काहीही. ते बघून त्याचे चित्र तुम्ही काढायचे आहे आणि धागा काढून त्यात पोस्ट करायचे आहे.

चला तर मग, शाळेतील ते बालपण आपण परत जगूया.

हि मोठ्यांसाठी स्पर्धा आहे.

मायबोलीकरांनो, वाहतुकीमध्ये दुचाकीवरून जाताना अपघात झाला तर हेल्मेट न वापरल्यामुळे होणाऱ्या परिणामांची तीव्रता जास्त असते. प्रसंगी जीवसुद्धा जाऊ शकतो. हेल्मट जर वापरले तर हाच जाणारा जीव वाचू शकतो. दुचाकीवर बसताना जर हेल्मेट घालायचे टाळावेसे वाटले तर घरी आपले कुटुंब आपली वाट बघत आहे हे लक्षात घ्या आणि हेल्मेटचा वापर अनिवार्य आहे हे मनाशी पक्के करा. हाच या चित्रकला स्पर्धेचा विषय आहे, 'वाहतूक सुरक्षा आणि हेल्मेटचा वापर'. यात तुम्हाला हेल्मेटच्या वापराचे महत्व सांगणारे चित्र काढून ते रंगवायचे आहे. समर्पक असे घोषवाक्य सुद्धा तुम्ही देऊ शकता.

मायबोलीकरांनो, दिवाळी हा दिव्यांचा सणआहे आणि तो आपण घराघरात दिवे लावून साजरा करत असतो. तसेच देवाच्यापुढे सुद्धा आपण दिवा, पणती लावत असतो. मांगल्याचे ते एक प्रतीक असते. अशीच पणती सजवण्याचा उपक्रम या वेळी संयोजक टीम छोट्या दोस्तांसाठी घेऊन आली आहे. यात मायबोलीकरांच्या लहान मुलांना एक न रंगविलेली किंवा एकाच रंगात रंगवलेली पणती घ्यायची आहे. तिला आकर्षक असे रंग देऊन किंवा सजावटीचे साहित्य उदा. मणी, काच, टिकल्या असे चिकटवून तिला सजवायचे आहे. सजावण्याआधीचा आणि सजावट पूर्ण झाल्याचा असे दोन फोटो धाग्यात द्यायचे आहेत.
चला लवकर साहित्य गोळा करा आणि पणती सजवायला घ्या.