शशक 2 - विश्वासघात - अni

"मला वाटले नव्हते, तू कधी असा वागशील," क्रिती चिडून म्हणाली. कबीर काहीच न बोलता शांत उभा राहिला. तिच्या हातात त्याचा फोन होता – उघडलेला, आणि त्यात एक अनोळखी मुलीसोबतचे चॅट.

"हे फक्त कामासाठी होतं," तो शेवटी म्हणाला.

"ऑफिसच्या कामासाठी 'मिस यू' म्हणतात का?"

इतक्यात अजुन एक वीडियो मेसेज आला आणि तिने विस्मयचकीत नजरेने त्याच्याकडे बघितले.

क्रितीच्या डोळ्यांतून अश्रू ओघळले. तिने त्याच्यावर कधीच संशय घेतला नव्हता. कॉलेजपासूनचे प्रेम, एकमेकांवर अढळ विश्वास. पण आज ती बधिर झाली होती. कबीरचे स्पष्टीकरण सुरुच होते, पण ती त्याच्याकडे न पाहताच घराबाहेर पडली.

आता मनात फक्त एकच वाक्य घुमत होतं – "मला वाटले नव्हते, तू कधी असा वागशील."