भक्ती

राम होय

Submitted by डॉ.विक्रांत प्र... on 10 June, 2019 - 13:24

राम होय
******
अमूर्ताचा गाभा
प्रेमाचिया ओघा
भक्तांचिया लोभा
राम होय ॥

शब्दातीत सत्य
मनाच्या अतित
दिसण्या किंचित
राम होय ॥

निर्गुणाचे शून्य
आकार लेवून
सगुणी सजून
राम होय ॥

इंद्रियावगम्य
प्रज्ञा प्रावरण
प्रेमाला भुलून
राम होय ॥

विश्वाचे कारण
विश्वाला व्यापून
उरे शब्द दोन
राम होय ॥

लौकिका सोडून
जाणीवी जगून
विक्रांतचे स्वप्न
राम होय ॥

शब्दखुणा: 

तुझ्यावाचून

Submitted by डॉ.विक्रांत प्र... on 27 May, 2019 - 09:43

तुझ्यावाचून
*******:
सरला दिन तुझ्या वाचून
व्यर्थ जगलो जन्मा येऊन ॥

भांडी घासली या जगताची
कचरा पाणी गेले वाहून ॥

तेच हिशोब पुन्हा मांडले
त्याच खर्चात मन सांडून ॥

कळते मजला माझ्यावाचून
जग चालते युगे होऊन ॥

तरीही चाले उठाठेव ही
चक्र कुठले पायी बांधून ॥

नकोस जावू असे सोडून
दत्ता भगवे स्वप्न मोडून ॥

माळावरती पडली काडी
तुझ्या धुनीत जावी जळून ॥

जळता देह या जन्मातून
तुझाच दत्ता जावो होऊन ॥

आस लागली विक्रांतला या
आतूर काया जावी मिटून ॥

दत्ता नको असे

Submitted by डॉ.विक्रांत प्र... on 24 May, 2019 - 10:53

दत्ता नको असे
*************
दत्ताला नोटांची
नको असे थप्पी
मोजतो तो जपी
तद्रूपता ॥

दत्ता नच दावू
नाणी खुळखुळ
विश्वाला समूळ
कारक जो

दत्ता न पापात
कधी दे आधार
शिक्षेला सादर
होय तिथे

दत्त नच देत
दुर्जनास बळ
धावतो केवळ
भक्तासाठी ॥

दत्त ना लोभी
सोन्याचा कधीही
विरक्त विदेही
सर्वकाळ ॥

दत्ता नच हवी
दानाची ती पेटी
आपुल्या आवडी
भक्त ठेवी

दत्त नच काळ्या
पैशात तो भागी
भक्ति प्रेम मागी
सदोदित ॥

रामानुजाचार्य - प्रस्तावना.

Submitted by दासानु दास on 18 July, 2018 - 04:26

ॐ अज्ञान तिमिरान्धस्य ज्ञानांजन शलाकया ।
चक्षुरुन्मीलितं येन तस्मै श्री गुरवे नमः ॥

रामानुजाचार्यांबद्दल काही लिहिण्यापूर्वी, सर्वप्रथम मी माझ्या गुरूंना आणि रामानुजाचार्यांना वंदन करतो. ईतक्या थोर आचार्यांबद्दल लिहिण्याची माझी लायकी तर नाहीये, परंतू तरी त्यांच्याबद्दलचा आदर लिखानातून मांडण्याचा हा माझा नम्र प्रयत्न.
कृपया ह्या संपूर्ण मालिकेत वाचकांना काहीही उणीवा आढळल्यास, निदर्शनास आणून द्याव्यात. तात्काळ त्यांत दुरुस्ती करण्याचा प्रयत्न करेन.

विषय: 

दत्त खुळी

Submitted by डॉ.विक्रांत प्र... on 6 January, 2018 - 08:30

अनवाणी पावलांनी
तंद्री लागलेल्या मनानी
ती भटकते पाऊस पांघरुनी
कृष्णेच्या काठावरती
उंच उंच घाटावरती

उभी राहते
पादुकांसमोर ठाण मांडूनी
पाय रोवूनी
ओरडणाऱ्या
सुरक्षा रक्षकांकडे
चक्क दुर्लक्ष करुनी
हट्टी मुलीसारखी
डोळ्यात पाणी आणूनी

आणि बोलत राहते भरभरुनी
महाराजांविषयी
शब्दात जीव ओतूनी
तेव्हा तिच्या त्या शब्दातून
डोळ्यातून
अन स्वरातून
ओसंडत असते
विलक्षण श्रद्धा अन प्रेम
तो कैफ लागताच
आमच्या रुक्ष पणाला
या मनाच्या बाभळीही
जातात चंदनी होऊनी

देव भक्त

Submitted by पुरंदरे शशांक on 18 July, 2017 - 23:23

देव भक्त

पहाटेस झाडलोट
सडा घालूनी अंगणी
रखुमाई लगबगी
शेण्या लाविते चुल्हाणी

पाणी अाणी कावडीने
धारा काढी अावडीने
विठू हरखे अंतरी
संतसंगाच्या ओढीने

दिंडी येता पंढरीस
विठू धावला वेशीत
प्रेम भक्तांचे अद्भुत
ओढी संतांना कुशीत

देवसंतांचे मिळणी
येत भाविका उधाण
गेला गेला जीवभाव
एकमेका लोटांगण

भक्तीसुखे लोभावला
देवे त्यागिले वैकुंठ
युगे अठ्ठाविस उभा
भक्तांलागी तो तिष्ठत...

प्रेमतीर्थ

Submitted by पुरंदरे शशांक on 4 July, 2017 - 06:16

प्रेमतीर्थ

कर कटावरी । उभा तो पंढरी । भक्तांसी हाकारी । प्रेममूर्ति ।।

भक्तांसी केवळ । वाटतो निर्मळ । गोड प्रेमजळ । मुक्त हस्ते ।।

होवोनी सुस्नात । पावन तीर्थात । भक्त अानंदात । विरालेचि ।।

भक्तांची मिराशी । एक प्रेमराशी । प्रपंच विनाशी । नाठविती ।।

देव सुखावला । भक्तांसी फावला । प्रेमभाव भला । अासमंती ।।

सत्संगे अाकळे । येरव्ही नाकळे । भक्तांसी सोहळे । प्रेमतीर्थी ।।

जय हरि विठ्ठल जय जय विठ्ठल....

मिराशी - परंपरागत हक्क

पुस्तक परिचय - 'मध्ययुगीन धर्मसंकल्पनांचा विकासः तंत्र, योग आणि भक्ती'

Posted
6 वर्ष ago
शेवटचा प्रतिसाद
6 वर्ष ago

पितृदिनानिमित्त माझ्या वडिलांच्या चौथ्या पुस्तकाचा मायबोलीकरांना परिचय करुन देताना आनंद होत आहे.

.

.

प्रकार: 
शब्दखुणा: 

तुज निरोप देताना बाप्पा

Submitted by pradyumnasantu on 23 September, 2012 - 17:26

तुज निरोप देताना बाप्पा
जीव असा गलबलुन येतो
भक्तीत कमी झाले काय
तू इतक्या लौकर जातो
*
तो पाट रिकामा,पाच खडे
माझ्या हृदयातील ओरखडे
जणू गोकुळ ऐशा घरास तू
हे रिकामपण का देतो
भक्तीत कमी झाले काय
तू इतक्या लौकर जातो
*
त्या आरत्या, प्रसाद, नैवेद्य
आणि शुद्ध पदार्थांचे खाद्य
साक्षात तू आमच्या पंक्तीला
ऐकतो मी सतत मंगल वाद्य
मग पाचच दिवसांमधे कसा तू
आम्हास कंटाळतो
भक्तीत कमी झाले काय
तू इतक्या लौकर जातो
*
जर ठरवलेच तर ये देवा
पण पुढच्या वर्षी तू ये लौकर
मज गरज भासली तुझी तरी
तू येशील ना धावत सत्वर?
तू ये, तू ये, तू ये, तू ये
हा जीव सारखा पुकारतो
भक्तीत कमी झाले काय

शब्दखुणा: 

भक्ती.......

Submitted by निशदे on 16 January, 2012 - 23:00

उधळीत गुलाल, बडवीत मृदुंग,
सोहळा भक्तीचा, सुंदर सजतो ||
नाव घेती कोणी, कोणी धुंद होता
कल्लोळ भक्तीचा, दूर पसरतो ||

दूर पहा तिथे, बैसे कोणीतरी
हातातील नाणी, उगीच मोजतो ||
पोटाचेच जिथे, रोजचे सायास
कैसा भक्तीभाव, तयाला सुचतो ||

उडवती नाणी, ओवाळिती नोटा
सारे त्या भगवंता, लाच दाखविती ||
येई कोणी शेट, मागाहून पुढे
देवाहून जास्ती, सलाम ठोकिती ||

हा परी इथे, खातो शिळेपाके,
देवाच्या वाटी, साधा नमस्कार ||
भक्ती मनी दाटे, परी भूक लागे,
पोटापुढे नसतो, मनाचा विचार ||

कोणी मागी देवा, धनधान्य पुत्र
कोणी आरोग्य, आयुही मागिती ||
सारी असली जरी, देवाचीच पोरं,

गुलमोहर: 
Subscribe to RSS - भक्ती