तत्त्वज्ञान

नाममय वाणी

Submitted by पुरंदरे शशांक on 3 June, 2019 - 04:38

नाममय वाणी

दिस उगवला कोठे
आवलीस उमगेना
येरवाळी तुकाराम
खुद्द पावले दुकाना

आज एकांत सोडोनी
कैसे ठाकले दुकानी
भाग्य उजळले माझे
धावे मोहर्‍या घेवोनी

दुकानात गर्दी बहु
स्वये तुकोबा देखोनी
जन लोटले अपार
काय घ्यावे विसरोनी

टाकोनिया घरदार
आवलीही तेथ ठाके
काय सांगावे जी यांचे
नको उधारीचे खाते

देती गूळ, धान्य कोणा
मीठ, तेल ते सकळ
वाचे चाले नामघोष
जै जै विठ्ठल विठ्ठल

हाती येता कोणा काही
विसरोनी भवताल
जन गर्जताती थोर
जै जै विठ्ठल सकळ

जुना मित्र - वास्तविकता

Submitted by कटप्पा on 27 May, 2019 - 12:51

फोनची रिंग वाजली, रियाने फोन उचलला पलीकडून हाय रिया शब्द ऐकले आणि रियाचे मन भूतकाळात गेले.अमित, कसे विसरू शकेन हा आवाज. कॉलेज ची सगळी वर्षे मित्र होता, त्याच्या डोळ्यातून कळायचे की त्याला मी किती आवडायचे ते.मलाही तो आवडायला लागला होता. दिसायला देखणा, हुशार आणि कमावलेले शरीर. कोणाला नाही आवडणार. दिवसच असे होते, कोणीच पुढाकार घेतला नाही. नंतर माझे लग्न झाले आणि संपर्कच तुटला.आज इतक्या दिवसांनी फोन?
हॅलो.. आहेस का.. या वाक्यांनी ती परत वर्तमान काळात आली.
हो अमित, आहे मी. आज इतक्या दिवसांनी, मी थोडी शॉक झाले आवाज ऐकून.

शब्दखुणा: 

दोष पाहता चिंतिता

Submitted by पुरंदरे शशांक on 25 May, 2019 - 02:46

दोष पाहता चिंतिता

दोष पाहता चिंतिता
दोषरुप दृष्टी झाली
अंतरात दोष येता
सृष्टी दोषमय झाली

देवा पांडुरंगा धाव
नको दावू दोष कदा
दृष्टी निर्मळ असूदे
मागणेचि तंव पदा

नको दोषांचे चिंतन
मनामाजी कदाकाळी
तुझे चरण वसूदे
चित्तात या सर्वकाळी

लाभो सज्जनांचा संग
याचलागी देवराया
नसे आस अन्य काही
लागतसे तंव पाया

आयआयटी कानपूरचा एक प्रशंसनीय उपक्रम

Submitted by राघोभरारी on 8 May, 2019 - 11:33

परवाच कायप्पा वर मेसेज आला...IIT कानपुर ने भारतीय धर्म आणि तत्वज्ञान विषयी माहिती देणारी वेबसाईट बनवली आहे. यामध्ये रामायण, रामचरितमानस, भगवद्गीता, उद्धवगीता,अष्टावक्रगीता, ब्रह्मसूत्रे, पतंजली योगसूत्रे, उपनिषदे, वेदांत अश्या सर्वांची उत्तम माहिती उपलब्ध आहे. विशेष म्हणजे ही माहिती ११ वेगवेगळ्या भाषांमध्ये देण्यात आलेली आहे. मुख्य ग्रंथ जसे रामायण, गीता, उपनिषदे यांच्या भाषांतराबरोबर जाणकारांच्या टीकादेखील उपलब्ध आहेत.
उपक्रमाविषयी ते लिहितात:
What we wish to do is to:

शब्दसाम्राज्यींचा राजा

Submitted by पुरंदरे शशांक on 8 May, 2019 - 00:56

शब्दसाम्राज्यींचा राजा

शब्द गाथा वेलीवर
फुले बहरासी येती
परिमळ दाहीदिशा
लोक वेडावून जाती

शब्द कधी आर्तभरे
मधु साजिरे गोजिरे
राग अनावर होता
रौद्र रुपाही नावरे

शब्द झुंजती धडक
विठ्ठलासी थेट धाक
कधी पायी लोळुनिया
विठू अंकी पहुडत

शब्द कडाडे आसूड
जनलोका सुनावत
कधी पाठीवरी हात
चंदनाला लाजवीत

शब्द साम्राज्यींचा राजा
तुकाराम चक्रवर्ती
शब्द सारोनिया मागे
भाव वैकुंठा पोचती

शब्द सारे अलौकिक
वर्णवेना बालकासी
शब्द विरता उराशी
सावळीच कासाविशी

गेम ऑफ थ्रोन्स - हेटर्स क्लब

Submitted by कटप्पा on 27 April, 2019 - 11:51

काय तू गेम ऑफ थ्रोन्स पहिला नाहीयस? अरे रे.. काय फायदा तुझ्या आयुष्याचा??
असली वाक्ये ऐकून कंटाळलोय.
अरे नाही बघत आणि बघायचा पण नाहीय तुमचा गेम ऑफ थ्रोन्स, आवड आपली आपली।
एक दोन एपिसोड बघितले, नाही इंटरेस्टिंग वाटत, आता काय जीव घेणार का.

हा धागा तमाम गेम ऑफ थ्रोन्स हेटर्स ना समर्पित।

शब्दखुणा: 

अशीच येते वेळ एक ती

Submitted by shriramb on 12 April, 2019 - 20:55

अशीच येते वेळ एक ती
अफाट पडतो पाउस उपरा
धो धो बरसुन सर्वांगावर
मनी झिरपतो, करीत निचरा

अशीच येते वेळ एक ती
थेंबांवरती किरण रुपेरी
रंग पसरता इंद्रधनूचे
मनास येते नवी उभारी

अशीच येते वेळ एक ती
रितेपणाची सुटते संगत
न्यूनावर गंडांतर येते
दुर्बलताही जाते खंगत

अशीच येते वेळ एक ती
संचित सरणावरती चढते
मरणाच्या भीतीला मारुन
आरस्पानी सृजन जन्मते

~ श्रीराम

काही मराठी लोकांना साऊथ इंडियन सिनेमे का आवडतात?

Submitted by कटप्पा on 9 April, 2019 - 11:37

पुण्यात होतो तेंव्हा काही तेलगू तामिळ मित्र झाले होते, हाफीसात पण त्यांच्याच भाषेत बोलायला सुरू करायचे. मराठी असलो आम्ही आणि एखादा नॉन मराठी आला तर आम्ही हिंदी बोलतो.
हे गुलते गाणी ऐकणार तर फक्त त्यांची, चित्रपट बघणार तर फक्त त्यांची.
एकाला विचारले मराठी चित्रपट बघतो का, म्हणे नो बॉस, माई हिंदी बी नई देखता, सिर्फ तामिळ देखता हु.
त्या दुसऱ्या धाग्यावर मी विषय काढला तर चढले माझ्यावर. इतका काय साऊथ इंडियन चित्रपट कौतुक?
तद्दन फालतू हिरो, भिकार कथा, अविश्वसनीय मारामाऱ्या... नक्की काय आवडते.
माझं आवाहन आहे, नका बघू असले चित्रपट.. मराठी बघा. परत परत बघा.

शब्दखुणा: 

खुली किताब

Submitted by chittmanthan.OOO on 30 March, 2019 - 02:13

आपला देश आपली संस्कृती, आपला समाज याबद्दल आपल्याला इतक्यांदा अभिमानाचे डोस पाजलेले असतात किंवा ते आपल्या अंगात इतके भिनवलेले असतात की आपण 15 ऑगस्ट किंवा 26 जानेवारीला त्याबद्दलचा अभिमान दाखवायचा पुरेपूर प्रयत्न करतोच.

खर तर आपला देश म्हणजे एक "खुली किताब" आहे ज्याबद्दल सर्वच व्यक्तींना सर्व काही माहीत आहे. असाच विचार करून मी newspaper वाचायला घेतला. त्याच त्याच टिपिकल राजकारणाच्या बातम्या...!! एक दोन accidents, rapes किंवा murder यापलिकडे नवीन अणि interesting अस काही नसतच हल्ली..!!

एक लेश विठ्ठलाचा

Submitted by पुरंदरे शशांक on 22 March, 2019 - 22:58

एक लेश विठ्ठलाचा

गाथा अभ्यासिता जरी
हाता न ये ती विरक्ती
तरी समजून घ्यावे
प्रेम प्रपंचाचे प्रति

अभंगाने हेलावून
नाही जात भारावून
तरी चरणी तुक्याच्या
दिले नाहीच झोकून

एक लेश विठ्ठलाचा
जरी नये ह्रदयात
तरी व्यर्थ सारे होई
कथा किर्तनी रमत

तुका आकाशाएवढा
नको आपुली प्रशस्ती
पाया लागोनीया मागू
भाव दृढ तुक्या (हरी) प्रती

Pages

Subscribe to RSS - तत्त्वज्ञान