तत्त्वज्ञान

हर हर महादेव

Submitted by पुरंदरे शशांक on 4 March, 2019 - 01:27

हर हर महादेव

उमापति थोर । सांब सदाशिव । हर हर महादेव । कैलासीचा ।।

गजचर्मधारी । विभूती लेपन । त्रिशूल धारण । डम्रुसह ।।

योगीयांचा योगी । देवांचाही देव । मुळींचा प्रणव । आदिनाथ ।।

आशुतोष रुद्र । भैरव शंकर । नामे शुभंकर । वोळखिजे ।।

संसारी-विरक्त । कृपाळू-संहारी । ऐसा मदनारि । वर्णवेना ।।

साष्टांग नमन । एकविध भावे । भक्ती योग द्यावे । दीनालागी ।।

शब्दखुणा: 

मेले शब्द डोळ्यादेखत बदलतात

Submitted by सुनिधी on 12 February, 2019 - 00:48

( शब्द हा शब्द लिहायचा राहून गेला होता धाग्याच्या नावात)

तुम्हालाही हा अनुभव आला असेलच, पण मला फारवेळा येतो. तरी हल्ली सावध झाले आहे, तरी अधुनमधुन ‘ते’ दगा देतंच.
‘ते’ म्हणजे.... शब्द, ऑटोकरेक्ट...
म्हणजे काय होतं, मी मेसेज लिहिते.. इंग्लीशमधुन, मिंग्लीशमधुन. लिहिताना कळतं की ‘हे शाब्बास, बरोब्बर‘ लिहीलंय‘. आणि ‘सेंड’ वर टिचकी मारली रे मारली की .... मेले डोळ्यादेखत शब्द बदलतात आणि हताशपणे पहाण्यावाचुन उपाय उरत नाही. आणि नंतर तो उडवता येत नाही कारण अख्ख जग व्हाटसपवर नजरा लाऊन बसलेलं असल्याकारणाने सर्वांनी ते वाचलेलंही असतं आणि मग सुरु होतो फिदफिदण्याचा काळ.

शब्दखुणा: 

"तू " अधिक " मी " किती ?

Submitted by सिद्धेश्वर विला... on 28 January, 2019 - 03:45

किती सोपा प्रश्न होता माझा

"तू " अधिक " मी " किती ?

तू उत्तर दिलेस "दोन"

अंतर्मुख होऊनि शोधू लागलो

आपण आहोत तरी कोण ?

मला अपेक्षीत “एक " होते

आपल्यात मुळी अंतरच नव्हते

दोन देण्यामागे कारण काय होते?

जर तू माझ्यात होतीस

मग मी तुझ्यात का नव्हतो ?

आणि मी तुझ्यात नव्हतो

तर मी कुठे होतो ?

गणित सोपे जरी वाटले दुरून

अवघड झाले उत्तरावरून

का दिलेस तू विचित्र उत्तर ?

कुढत गेलो पुढे निरंतर

जवळ घेतला मद्याचा प्याला

शोधत गेलो मला स्वतःला

{{ सिद्धेश्वर विलास पाटणकर }}

शब्दखुणा: 

मायबाप देहूमाजी

Submitted by पुरंदरे शशांक on 24 January, 2019 - 09:57

मायबाप देहूमाजी

मायबाप देहूमाजी
राहतसे निश्चळसा
ढुशा तान्हेल्याच्या साहे
सोडी पान्हा अमृतसा

गाथेमाजी फावतसे
निर्मळसा कवडसा
अंतरात अवचित
प्रेमकोंब लसलसा

इंद्रायणी डोहामधे
संथपाणी काळेशार
येई अविरत कानी
गोड वीणेचा झंकार

गगनात निळ्याशार
बिंब उमटे का त्याचे
अनंतशा अवकाशा
पिसे लागले तुक्याचे

पिसे....वेड

......शशांक

बडव्यांची दुनिया

Submitted by सिद्धेश्वर विला... on 15 January, 2019 - 08:59

प्रस्तावना

जंगलावर राज्य करायचं असेल

तर खबरीलाल पोपट पाळून चालत नाही

त्यासाठी सिंव्ह पाळावा लागतो

हा सिंव्ह आपल्यासमोर उभा आहे

फक्त आपल्या किमतीचा भाव जुळावा लागतो

-----------कविता -------

धूर दिसे , काहीही नसे

पोपट करी जो त्रागा

शिकाऱ्यास तो असे भासवे

जणू तोच जीवनधागा

जंगल मंगल पोपटामुळे

पोपट किती रे चपळ

हा नसता तर अवघड असते

पेलले नसते जंगल

बित्तम्बातमी अशी आणतो

जंगलाची जणू नस जाणतो

पोपट पोपट करी शिकारी

काहीच सुचे ना त्याला

पोपट मारी अशी फुशारी

शब्दखुणा: 

बाहुबलीचा विक्रम तोडणारा चित्रपट -Accidental Prime Minister

Submitted by कटप्पा on 29 December, 2018 - 15:49

होय हा चित्रपट येतोय, आणि निवडणुकीच्या वेळेस येतोय.
अनुपम खेर ममो च्या भूमिकेत आहे.
योगायोग म्हणजे संजय बारु यांचे हे पुस्तक देखील बरोबर २०१४ च्या निवडणुकीच्या वेळी आले होते.

सर्वांना माहीत आहे अनुपम बीजेपी चा माणूस आहे.

चित्रपट कोणत्याही अजेंडा ने असू दे मात्र प्रचंड धंदा कमवेल हे निश्चित. काँग्रेस च्या 5 करोड लोकांनी हा चित्रपट जरी पहिला तरी ५०० cr आणि बीजेपी वाले नक्कीच बघणार, त्यांच्या ट्विटर हँडल वरून ट्रेलर प्रोमोट झाला आहे.
१००० करोड कुठे जाणार नाहीत. बाहुबली चा रेकॉर्ड तुटणार.

विठू कृपा भागीरथी

Submitted by पुरंदरे शशांक on 10 December, 2018 - 05:18

विठू कृपा भागिरथी

सरसर धारावाणी
भाव वर्षाव गाथेत
डोह इंद्रायणी शिरी
दिमाखाने मिरवत

शब्द अमृती न्हाऊनी
मना संजीवनी देत
कधी रपाटा पाठीत
हसू गालात खेळत

अभंगांनी खुळावोनी
धरी मौन वेद चारी
लोकामुखी वसोनिया
गाथा आकाशा बाहेरी

विठू कृपा भागीरथी
तुका झेली अवलिळे
देव मिरवी कौतुके
हार तुळशी झळाळे
.............................
अवलिळे.... सहज , लीलया

..............................

आज मी पिणार आहे!

Submitted by अजिंक्यराव पाटील on 19 November, 2018 - 12:38

आज मी पिणार आहे!

उतरून माळ्यावरली मी स्वप्ने जिणार आहे.
सांगून ठेवा नियतीला आज मी पिणार आहे..

चुकले होते फार माझे, हिशोब काढून ठेवा,
जमेल तर आजच सारा, चुकता मी करणार आहे!

कुठे पळाली मदीराक्षी ती, आणा शोधून,
बसवून समोर तिला, डोळ्यातून पिणार आहे!

लोक जे म्हटले वाईट मला, चुकून सामोरे येऊ नका,
दिसल्याबरोबर सांगून ठेवतो, बांबू मी सारणार आहे!

घे म्हणता वारूणी लावली ज्यांच्यासवे,
उपकार तुमचे मानायाला थेंब उडवणार आहे

चढवून घेतले दुःखास जेव्हा,
मी कोडगा जाहलो,
आज उरल्या फटाक्यांची, दिवाळी करणार आहे!

शब्दखुणा: 

योगायोग x निवड

Submitted by Ameya Gokhale on 16 November, 2018 - 17:02

सर्वसामन्य माणसाला, अश्या काही गोष्टींचा जाज्वल्य अभिमान असतो, ज्यांची निवड तो स्वतः कधीच करत नाही. त्याउलट, ज्या घटकांची निवड तो स्वतः करतो, त्यांच्याविषयी, त्याला फारसा अभिमान राहिलेला दिसत नाही; किंवा अगदी अभिमान असलाच, तरी तो फार टेम्भा मिरवत नाही ..

खानदान, संस्कृति, जात, धर्म, राष्ट्रियत्व, वर्ण, कूळ, इतिहास यातलं काहीच आपल्या नियंत्रणात अगर निवाडीत नसतं. हा फ़क्त एक योगयोग असतो. लहान मूल जन्माला आलं, की या गोष्टी त्याला आपोआपच चिकटतात !! त्यामधे त्या लाहान मुलाला, कुठलाही पर्याय दिला गेलेला नसतो.

सिंव्हाचा छावा धुळीस मिळाला

Submitted by सिद्धेश्वर विला... on 17 October, 2018 - 03:50

माव्याची पुडी अशीच पडून राहिली

विजारीच्या खिशात तिला सापडली

पतिपरमेश्वर कर्माने मेला

भर ग्रीष्मात वर्षाव जो झाला

वर्षावासंगे आगडोंब उसळला

सिंव्हाचा छावा धुळीस मिळाला II

रक्तावरुनी धडे गिरवले

अब्रूचे धिंडवडे काढले

लग्नाचे दागिने निघाले

सासरचे चौघडे वाजले II

पोरें गुपचूप खेळ मोडिती

हातपाय धुवूनी स्तोत्रे म्हणती

ग्रूहलक्ष्मी ती चाल करोनी

सर्वशक्ती प्राणाशी लढती II

थेट भेटुनी विक्रेत्याला

नाव गाव अन ठिकाण विचारी

लागणारे सामान विचारी

शब्दखुणा: 

Pages

Subscribe to RSS - तत्त्वज्ञान