मुक्तस्रोत(Open Source)

विषवृक्षाची फळे

Submitted by Asu on 25 July, 2018 - 08:04

विषवृक्षाची फळे

रस्ते पेटले, वस्त्या पेटल्या
खूनखराबा, अंदाधुंदी
मानवतेचा मुडदा पडला
माणुसकीला इथे बंदी

वणवा पेटला तनीमनी
हिंस्त्र श्वापद दंगल करी
भयभीत झाले सारे प्राणी
हरणांची चिंता कोण करी !

जातीपातीची बीजे पेरली
विषवृक्ष गेला गगनावरी
फळे खाऊन मादक भेदक
डोके फिरते अधांतरी

मोडतोड, जाळपोळ
झाला आमुचा राष्ट्रीय खेळ
कशासाठी आणि कुणासाठी
काही जमेना कुठेच मेळ

वसुंधरा विवाह

Submitted by Asu on 23 July, 2018 - 03:29

वसुंधरा विवाह

सूर्य बांधता लग्नमंडपी
मंगल तोरण इंद्रधनुचे
निरोप गेला कानोकानी
शुभमंगल आज वसुंधरेचे

सजला मांडव पानाफुलांनी
फेर धरला लता तरूंनी
पक्षी गाती लगीन गाणी
वारा उधळी अत्तर पाणी

सूर्य उगवता जागा झाला
निसर्ग राजा सजला धजला
स्वार होऊन वाऱ्यावरी
वारू निघाला लगीन घरी

धूम धडाम ढोल ताशे
नभ उजळी त्या प्रकाशे
वीज चमकता रोषणाई
नर्तन करिते धुंद पायी

नभी ढगांची लगीन घाई
वरात निघाली दुडक्या पायी
अशी सगळी गडबड घाई
काय करावे उमजत नाही

शब्दखुणा: 

आषाढी एकादशी

Submitted by Asu on 22 July, 2018 - 15:30

आषाढी एकादशी

माऊली आलो माहेरी, मुखे म्हणता हरी हरी
मायबाप तुमचे द्वारी, पंढरी आम्हा पुण्यनगरी ||धृ||

आषाढी एकादशीचा, दिन आला सोनियाचा
साधुसंत झाले गोळा, विठुरायाचा हा सोहळा ||१||

एकादशीच्या पवित्र वारी, सजली पंढरपुरनगरी
दिंड्या पताका भरमार, घुमतो विठुरायाचा गजर ||२||

वारकऱ्यांचा पूर लोटला, चंद्रभागेच्या तीरा
बेहोष नाचती भक्तजन, घोष गेला दिगंतरा ||३||

विठू माऊली तुझे राऊळी, उभा आतुर भक्त वृंद
वारकरी आम्ही साधे भोळे, आम्ही ना साधुसंत ||४||

शब्दखुणा: 

मायबोली वर फोटो कसे पोस्त्त करतात???

Submitted by pritikulk0111 on 19 July, 2018 - 11:07

मला आपली मदत हावी आहे...मायबोली वर पोस्ट मध्ये फोटो कसे टाकतात...कोणी सांगू शकेल काय??? खूप शोधून सुधा लिंक काम करत नाही आहे ....कृपया कोणी मदत करेल का ???

शब्दांचे खेळ

Submitted by अक्षय दुधाळ on 11 July, 2018 - 23:36

शब्दांनी नाती जोडली जातात
शब्दांनी नाती तुटतात
शब्द म्हणजे दुधारी तलवार
करावा त्याचा नाजूक वापर

समजावूनी मी थकलो
नाही उरला आता त्राण
पांडुरंगा तू बघतोयस मजा
वाटतीय मला आता ही सजा

घालतोय साकडे आता
शब्दाचा खेळ माझ्याने थांबेना
होतील ज्यामुळे सतत वाद
करतोस का असे सगळेच शब्द बाद

शब्दखुणा: 

......कार्यकर्ता......

Submitted by Patil 002 on 25 June, 2018 - 11:27

गरीबांचा बुलंद आवाज.....
साहेबांना प्रचंड बहुमताने विजयी करा.........
नाद नाय करायचा वाघाचा...
येऊन येऊन येणार कोण??"

घोषणांनी सत्तुचा आवाज पार बसला होता. दिवसभर पायाला भिंगरी. एका दिवसाला पाच- सहा गावं. मतदान जवळ आलेलं. गावागावात बूथ. मतदार याद्या. पोलिंग एजेंट. स्लिपा वाटायच्या. मतदानाच्या आदल्या दिवशी जेवणावळी. इतर गोष्टी. सगळी कामं सत्तूला करावी लागायची. साहेबांचा सत्तूवर खूप विश्वास. भरोशाचा कार्यकर्ता....

पक्षाचं काम करताना सत्तूचं कामावरलं लक्ष उडालं. पण त्याला वाटायचं साहेबांचा आशीर्वाद आहे. साहेब आहेत तोपर्यंत काहीच कमी नाही.....

महाप्रसाद???

Submitted by ShitalKrishna on 14 June, 2018 - 13:19

मी राहते त्या परिसरात साईमंदिर आहे. दर गुरुवारी महाप्रसाद असतो, अन्नदान करतात लोक. भक्त आपल्या परीने महाप्रसाद ठेवतात. कोणी खिचडी, कोणी लापशी, कोणी सांबार भात, कोणी पूर्ण जेवण. एक पदार्थ असेल तर द्रोण, पूर्ण जेवण असेल तर लेट.
उच्चभ्रू? सधन कुटुंबातील लोकं ४-५ द्रोण घेऊन जातात. पूर्ण जेवण असेल तरी तसेच. मंदिराच्या परिसरातील लोकं तर घरात प्रसाद घेऊन जेवायलाच बसतात(पूर्ण प्रसाद घेऊन, घरी काही न बनवता).

प्रणय बाग आणि ध्येयहिन उत्क्रांतीवाद

Submitted by hemantvavale on 13 June, 2018 - 11:01

शनिवारी निसर्गशाळा कॅम्पसाईटच्या परीसरामध्ये, मृगाचा किडा पाहिला. मागच्या वर्षी देखील याच अवधीमध्ये किडा दिसला होता. त्यावेळी याविषयी थोडे वाचले देखील होते. यावर्षी मात्र, मृगाचा किडा पाहताना, ते वाचलेले सर्व आठवले व एक वेगळाच विचार मनात येऊन गेला. आता थोडा थोडा आठवुन इथे मांडण्याचा प्रयत्न करतो.

शब्दखुणा: 

बाबा नव्हताच तिथे .....

Submitted by अनाहुत on 1 June, 2018 - 03:45

स्वप्नातही मला कायकाय सुचत , मी सायंटिस्ट असते तर माझे बहुतेक शोध स्वप्नातून जागी झाल्यावरच लागले असते . आताही किती भारी सुचलंय मला . हे आधी बाबाला सांगते त्याला हे फार आवडेल आणि त्याचही तो काहीतरी सुचवेल . बाबा, अरे बाबा कुठे आहेस ? घरभर फिरून आले पण बाबा नव्हताच तिथे . अरे मी काय शोधतेय , बाबा तर किती वर्ष झाली सोडून गेलाय आपल्याला .... कायमचा . मला का आठवलं नाही . का बाबा सोडून दुसरं काही आठवल नाही . असच आहे . मला असं काही सुचलं कि फक्त बाबा हवा असतो बाकी काही नाही . पण आता तो नाही . पण असं कस होईल . आजही त्याची आठवण येते आणि तो नाही असं वाटतच नाही कधी .

तुझी 'भेट'

Submitted by अंबज्ञ on 21 May, 2018 - 22:38

.

.

हे बघ....शोना !
मला अजिबात आवडणार नाही हां तुझं असं बाकीचे करतात तसं भर रस्त्यात, चार चौघांसमोर उगीच दिखावा करत मला मिठीत घेत भेटणं.
उगीच सर्वांसमोर तुझ्या आड़दांड बाहुपाशात मला घट्ट कवेत घेणं... !

Pages

Subscribe to RSS - मुक्तस्रोत(Open Source)