लेखन उपक्रमः गेले करायचे राहून

नमस्कार मायबोलीकर मंडळी!

गालिबचा एक प्रसिद्ध शेर आहे -

हज़ारों ख़्वाहिशें ऐसी कि हर ख़्वाहिश पे दम निकले
बहुत निकले मिरे अरमान लेकिन फिर भी कम निकले

इथे अरमान निकलना म्हणजे इच्छा पूर्ण होणे. आपल्या असंख्य इच्छा , स्वप्ने असतात. त्यातल्या सगळ्याच पूर्ण होतात असे नाही. काही पूर्ण करायची संधी मिळत नाही, कधी अडचणी येतात किंवा "पुढे कधीतरी," म्हणत करायचे राहूनच जाते.
अशाच अपुर्‍या राहिलेल्या इच्छांबद्दल , प्रत्यक्षात न आलेल्या स्वप्नांबद्दल लिहिण्याचा हा उपक्रम.

नियम

१. प्रवेशिका पाठवण्याकरिता मायबोली गणेशोत्सव २०२६ या ग्रुपचे सदस्यत्व घ्यावे लागेल. हा ग्रुप सदस्यनोंदणीकरता सोमवार १४ सप्टेंबर २०२६ रोजी खुला होईल.
२. या ग्रुपचे सदस्यत्व घेतल्यावर लेखनाचा धागा हा पर्याय निवडून लेखन करा.
३. प्रवेशिकेचे शीर्षक पुढीलप्रमाणे द्यावे - गेले करायचे राहुन- (तुमचे मायबोली सदस्यनाम)
४. शब्दखुणांमध्ये मायबोली गणेशोत्सव २०२६ असे लिहा.
५. प्रवेशिका देण्याची अंतिम मुदत शुक्रवार, २५ सप्टेंबर २०२६, अमेरिकेतील पॅसिफिक टाइम झोननुसार रात्री १२ वाजेपर्यंत आहे.
६. हा लेखन उपक्रम आहे, स्पर्धा नाही.
७. लेखन कुठेही पूर्वप्रकाशित नसावे.

गणपती बाप्पा मोरया!