गाणी

हा एक खेळ आहे, मराठी अथवा हिंदी गाणे ओळखण्याचा.

नियमः
१. गाण्याच्या पहिल्या दोन ओळी आद्याक्षरांच्या रुपात द्यायच्या.
पण आद्याक्षरे देताना, मूळ अक्षरे (काना / मात्रा / वेलांटी, उकार वगैरे काढुन) द्यावीत. अन्यथा बरीच गाणी ही काना मात्रां संकट दिली की लगेच ओळखु येतात.
उदा. 'लेक लाडकी मी या घरची, होणार सून मी त्या घरची ' हे ओळखण्यासाठी द्यायचे असेल तर
ल ल म य घ
ह स म त घ

अशी आद्याक्षरे द्यावीत. (ले ला मी या घ, हो सू मी त्या घ असे दिले तर लगेच ओळखु येईल.).

आ, इ, ई, उ, ऊ, ए, ऐ, ओ, औ अशी शब्दाची सुरवात असेल तर आद्याक्षर 'अ' असे दिले जाईल याचे सोडवणार्‍यांनी ध्यान ठेवावे.

लता मंगेशकर !
बस नाम ही काफी है.
मला माहीत आहे अलीबाबाला त्या रत्नखचित गुहेतून फक्त दहाच रत्ने उचलायला परवानगी दिली असती तर तो वेडा झाला असता. अनेक लोक लताच्या टॉप टेन च्या याद्या बनवता बनवता वेडे पिसे झालेत. ही यादी अर्थातच वादग्रस्त असते. दुसरे लोक काय पण आपण स्वतःच आपण बनवलेल्या त्या यादीशी सहमत नसतो ::फिदी:

चला तर , बनवा टॉप टेन गाण्यांची यादी. पाहू या किती गाणी कॉमन येतात ती.

लक्षात ठेवा ...

फक्त दहाच !!!

कोणतं गाणं कोणत्या रूपात कधी, कुठे, कसं भेटेल काहीही सांगता येत नाही... त्यातही काही गाणी परत परत भेटत राहतात. कधी एक हलकीशी झलक दाखवून उत्सुकता चाळवून जातात, आणि मग सुरु होतो शोध. या शोधात तुमच्याही नकळत तुम्ही गुरफटत जाता, गाणं हुलकावणी देऊन निघूनही गेलेलं असतं. काळाच्या ओघात कधीतरी सक्रीय शोधही मागे पडतो. कधी मित्रांबरोबर विषय निघाला तर तुमच्या शोधाबद्दल, उत्सुकतेबद्दल त्यांच्याशी बोललं जातं. मग ते ही काही काळ त्या शोधयात्रेत सामील होतात. कधी उत्तर मिळतं, कधी मिळत नाही. मनात मागे नुसताच त्या गाण्याचा, प्रश्नाचा ठसा उरतो. हलकासा, न जाणवणारा, त्रास न देणारा पण तरीही पुसुन न टाकता येणारा.

(डिस्क्लेमर: हे मनातले विचार आहेत आणि ते असंबद्ध, अतीरंजीत, चक्रम, अतार्किक,दुष्ट इ.इ वाटू शकतील.)

काम करता करता हेडफोन वर आवडती गाणी ऐकत होते. मनात भरपूर विचार चालू होते.आणि ऐकत असलेली गाणी कामाबद्दल लिहीलेली आहेत असं वाटायला लागलं.

"जपत किनारा शीड सोडणे ... नामंजूर.. अन वार्‍याची वाट पाहाणे नामंजूर..
मी ठरवावी दिशा वाहत्या पाण्याची..येईल त्या लाटेवर डुलणे.. नामंजूर .."
(बराय गाण्याचा नायक...साहेबाला रेफरल म्हणून सुचवायचा का? "तुम्ही गोष्टी ड्राईव्ह करा!! गोष्टी घडण्याची वाट पाहू नका..घडवून आणा" म्हणत असतो ना? हा गाण्यातला काल्पनीक प्राणी कसा छान गो- गेटर वाटतोय.)

रामपहारी पुढल्या दारी
पडवीमध्ये विसावलेल्या
आमच्या दगडी जात्यावरती
गहू बाजरी उडिद नाचणी
आईसोबत दळण्यासाठी
म्हातारीच्या जुनाट ओव्या
पदरामध्ये मिळण्यासाठी
गल्लीमधल्या गावामधल्या
शिकलेल्यांच्या शेतकर्‍यांच्या
अनेक बाया जमा व्हायच्या...

लाजत मुरडत गालामध्ये
दळता दळता घेत उखाणे
एकेकीच्या दळणासोबत
ननंद जाऊ नवर्‍याचीही
बरीच चेष्टा गाण्यांमधुनी
सासूची अन नक्कलसुद्धा
अगदी खर्‍याच आवाजाने
काळ्या चहात समरसताना
दातावरती मंजन काळे
हळूच काही लावायाच्या...

शेणपटाने सारवलेल्या
मळक्या पाटीमध्ये मोठ्या
विस्कटलेले पीठ ओतूनी
त्यावर नक्षी कशाकशाची
राम कृष्ण या नावांचीही

मुसूमुसू मुसूमुसू रडतंय कोण ?
हातांमागे दडतंय कोण
दोन बोंटाचा झाला कोन
गुपचुप बघतात डोळे दोन

कुठुनी आला राज कुमार
बोटां वरती होऊन स्वार
दुडुदुडु दुडुदुडु पळू लागता
खुदकन झाले रडू पसार

गुदुगुदु गुदुगुदु गुदगुल्या
खुदूखुदू खुदूखुदू खुदखुदल्या

नाटSSSक काय ? हम्म्म...

-सत्यजित.

नमस्कार,

नुकतेच एक जुने हिंदी भक्तीगीत ऐकायला मिळाले.
मुझीमे रहके मुझीसे दूर,
ये कैसा दस्तूर रे मालिक ये कैसा दस्तूर

गझल विडंबनाचा तिसरा प्रयत्न
---------------------------------------------

अशी अचानक तंबोर्‍यासह आली ऐकू गाणी
थरथरली धरणी मानला खेद ऐकून ती गाणी

घाबरलेले कान फाटले शिरली त्यात गाणी
थांबायाचे नाव घेत नाही शेजार्‍याची गाणी

तुझ्या शिवारी वादकांचा ताफा आसुसलेला
अखंड बेसूर सिंचन करून गेली तुझी गाणी

बाहेर पडताच शेजारी ओळख दाखवेना
सबंध गावास चालली त्रासून तुझी गाणी

मुशायर्‍यात तुम्हाला नाही कधीच नाही भेटायचे
आणखी अत्याचार नको पुरेत तुमची पेटी आणिक् गाणी

लहानपणापासुन आम्ही गौरी -गणपतीची आतुरतेने वाट बघायचो. कोल्हापुरला असल्याने नागपंचमीपासुन फेर धरायला चालु व्ह्यायचा. आधी एवढा उत्साह नसायचा कुणाला पण जसा गणपती जवळ यायचा तसे सगळे गोळा व्हायचे. मग एकदा का गणपती आले की ५-७ दिवस रात्री १-२ वाजेपर्यंत धमाल यायची.. आता सगळ्याजणी लग्न करुन कुठे -कुठे गेल्या , आधी सारखं एक्त्र यायला नाही जमत. पण सण आला की मनात अजुनही ती गाणी फेर धरतात.. जशी आठ्वली तशी ईथे देतेय..

माझं ठरलेलं पेटंट गाणं..
१) गण्या गुलाल उधळीतो..
गण्या गुलाल उधळीतो..
त्याच्या गुल्लालाचा भार, आमच्या जोडव्या झाल्या लाल..
जाऊन यशोदेला सांग , कृष्ण झिम्मा खेळीतो..