संगीत

कामाठीपुरयाची वेदना - हिराबाई.............

Submitted by समीर गायकवाड on 28 July, 2016 - 02:35

कामाठीपुरयाच्या ११व्या गल्लीत अरुंद बोळांच्या आणि खेटून उभ्या असलेल्या कळकटलेल्या इमारतींच्या भाऊगर्दीत उभी आहे 'आशियाना' ही आता पडायला झालेली इमारत. या इमारतीच्या आठवणी हिराबाईशी अन तिच्या मुलीशी ताजेश्वरीशी निगडीत आहेत. आजही 'आशियाना' हिराबाईच्या मधुर आवाजाला आसुसलेला असेल असं वाटते. 'बच्चुची वाडी' पासून उजव्या हाताला वळून पुढे आले की गल्लीतली सर्वात जुनी इमारत म्हणजे 'आशियाना'. जागोजागी भितींच्या गिलाव्याचे पोपडे निघालेले, आतल्या विटांचे लाल काळे आतडे बाहेर डोकावणारे अवशेष पहिल्या नजरेत तिरस्करणीय वाटतात.

अल्पावधीत साडी कशी फेडावी?

Submitted by केदार on 12 July, 2016 - 15:52

त्याचे झाले काय, पुढच्या विकांताला आमचा कॉलेजग्रूप नाटक करणार आहे. महाभारतावर ! अन मी दु:शासन !

फुल्ल टू दंगा घालायचा प्लान आहे. या आधी आम्ही असे फार वर्षापूर्वी पुरूषोत्तमच्यावेळी आणि नुकतेच फिरोदिया मध्ये केले होते. यण्दा हा मान चक्क कान्सने पटकावला आहे. पण एक गोची आहे.

(अल्पावधीत माडी कशी चढवावी ? ) *

Submitted by धनि on 12 July, 2016 - 15:32

त्याचे झाले काय, पुढच्या विकांताला आमचा शाळासमुह समुद्र बघायला जातोय. बहुतांश जणांचा समुद्र एव्हाना बघून झालाय तरीही पुन्हा बघणार आहोत. कारण फुल्ल टू धिंगाणा घालायचा प्लान आहे. या आधी आम्ही असे फार वर्षापूर्वी डोंगराच्या वेळी आणि नुकतेच हिलस्टेशनवर केले होते. यण्दा हा मान चक्क समुद्राने पटकावला आहे. पण एक गोची आहे. धिंगाणा डान्स करायला पोषक अशी जागा समुद्राजवळ नाही. म्हणून मग समुद्राला भरती आली की दंगा करायचा प्लॅन आहे. पण धिंगाणा करायला ब्रांडेड हॉटेल भाड्याने घेणे आले. किती वेळा छोट्या छोट्या गोष्टींसाठी मायबोलीकरांना त्रास देणार. म्हणून यंदा सरळ आमच्या नंदीबैलाला विचारले.

'अजि मी ब्रह्म पाहिले' एक गारुड...

Submitted by पुरंदरे शशांक on 4 July, 2016 - 03:03

'अजि मी ब्रह्म पाहिले' एक गारुड...

हा अभंग ज्या कोणी संत श्री अमृतराय यांनी लिहिलाय त्यांना ते ब्रह्म दृग्गोचर झाले असेलही - कल्पना नाही.. पण आपल्याला स्वरब्रह्म नक्कीच भेटवेल असे हे अद्वितीय गाणे...

लहानपणी कानावर पडलेले या गाण्याचे सूर .... जसजसा मोठ होत गेलो तसतशी या सुरांची मोहिनी अजूनच गडद होत गेली.

खळे काकांनी जयजयवंती रागात बांधलेला हा श्री अमृतराय या संतांचा हा एक अगदी गोऽड अभंग. आशाबाईंनी अशा ताकदीने गायलाय की कितीही वेळा ऐकला तरी त्यातली गोडी उणावतच नाही, उलट वाढतच जाते...

पंचममॅजिक कार्यक्रम २७ जुन २०१६

Submitted by कांदापोहे on 28 June, 2016 - 05:47

दरवर्षी वारीला जाणार्‍या वारकर्‍याला जसे
"पंढरीचा वास, चंद्रभागे स्नान
आणिक दर्शन विठोबाचे"

यातच स्वर्गीय सुखाचा आनंद मिळतो त्याचप्रमाणे पंचममॅजिकची वारी आम्हा पंचमप्रेमींकरता स्वरांची पंढरी आहे.

पुढे लिहीण्यापूर्वी या आधी पंचम मॅजीक संस्थेविषयी मी थोडे लिहीले होते तेही इथे बघता येईल. http://www.maayboli.com/node/11300

विषय: 

हेलेन ओ ग्रेडी कोर्स संबंधी

Submitted by मी अमि on 23 June, 2016 - 05:17

मुलाच्या शाळेतुन वर लिहिलेल्या कोर्सवर एक कार्यक्रम ठेवण्यात आला आहे. त्यांनी सांगितले की अंतर्मुख मुलांसाठी हा कोर्स फार उपयोगाचा आहे. त्यामुळे मुलांना इतरांशी सहजपणॅ मिसळणे शक्य होईल. कुणी हा कोर्स केला आहे का?
http://www.helenogrady.co.in/website/index.php/about

शब्दखुणा: 

गाणे हवे आहे - गाणे शोधायचं आहे!

Submitted by अज्ञातवासी on 17 June, 2016 - 12:13

मंडळी आपण मंगलाष्टक वन्स मोर मधील नवरीनी नवऱ्याची स्वारी हे गाणे ऐकलेच असेल.
तर त्या गाण्यात २ मी ८ व्या सेकंदापासून ते १४ व्या सेकंदापर्यंत एक धून वाजते.
तर माझा प्रश्न असा आहे की ही धून कोणत्या गाण्याची आहे?
माबोकरांच्या उत्तराच्या प्रतिक्षेत!
गाण्याची लिंक - https://m.youtube.com/watch?v=29uNb3_OqVQ

विषय: 

सारी ईस्कटून जिंदगी मी पाहिली - अजय-अतुल फॅन क्लब

Submitted by हायझेनबर्ग on 7 June, 2016 - 11:47

२०१४ च्या फँड्रीनंतर 'त्या' एकाच गाण्यासाठी साठी धागा काढावा म्हणता म्हणता सैराट ऊजाडला आणि अजय -अतुल फॅन क्ल्ब जमवणे नेसेसिटीच झाली.

https://www.youtube.com/watch?v=O_R0Sx6bggI

खरं तर अजय- अतुल फॅन क्लब काढण्यासाठी फँड्रीतली ऊरूस स्टाईल म्युझिक कंपोझिशन, नटरंग मधला गण किंवा जीव रंगला, किंवा मोरया सुद्धा असं एखादंच गाणं पुरेसं आहे. चित्रपटांची जंत्रीच्या जंत्री देण्याची काही गरजंच नाही, पण तरी फॅन म्हंटलं की ऊदो ऊदो करणं हक्कंच आहे आमचा.
अगं बाई अरेच्याचं एकंदर मुझिक पॅकेज मस्तं होतं.मला कोंबडी वगैरे सारखी गाणी फार अपील झाली नाहीत पण नटरंग च्या गाण्यांनी पुन्हा वेड लावलं.

विषय: 

संगीतकार आणि त्यांची वैशिष्ट्ये

Submitted by गजानन on 7 June, 2016 - 03:44

बर्‍याचदा तुम्ही एखादे गाणे ऐकता आणि गाणे संपत असताना तुम्ही तुमच्या मनात 'या गाण्याचा संगीतकार कोण असावा?' याचा अंदाज बांधता. बर्‍याचदा तो बरोबर निघतो. कारण एखाद्या संगीतकाराची गाणी ऐकून ऐकून त्याच्या वेगळ्या शैलीची काही व्यक्त/अव्यक्त गणितं किंवा नोंदी तुमच्या मेंदूने नोंदून ठेवलेल्या असतात. यात चाल, वापरलेली वाद्ये आणि गायक/गायिकेच्या किंवा वाद्यांच्या आवाजाचा विशिष्ट पद्धतीने करून घेतलेला वापर, इ. चा समावेश असतो, असे म्हणता येईल.

रंगल्या रात्री अश्या !!!!

Submitted by दिनेश. on 16 May, 2016 - 07:56

मी गेली ४० वर्षे तरी रात्रीचा केवळ ५ तास झोपत आलोय. कॉलेज सकाळचे असायचे, म्हणून त्या काळात जी सवय लागली लवकर उठायची, ती आजही कायम आहे. रात्री साडे अकरा ते पहाटे साडे चार, एवढी झोप मला पुरेशी होते.
पण ती लागते मात्र अतिशय गाढ. अगदी मला कुणी उचलून नेले तरी जाग येणार नाही अशी.

पण तेवढी झोप मात्र मला हवीच. जागरण मला जमत नाही. कधी घडलेच तर दुसरा दिवस वाईट जातो. आताशा माझे इमिरेटस चे विमान पहाटे साडेचारचे असल्याने, ती सर्व रात्र जागतच काढावी लागते, पण मग एकदा विमानात बसलो, कि थेट दुबईलाच जाग येते. विमान धावले कधी, उडाले कधी आणि उतरले कधी, ते अजिबात कळत नाही.

Pages

Subscribe to RSS - संगीत