डॅफोडिल्स यांचे रंगीबेरंगी पान

मागच्या वर्षीचे कंदिलांचे आकाश आठवतेय का तुम्हाला ?

ह्या वर्षी देखिल इथे डॅलस मध्ये चायनिज लॅन्टर्न फेस्टीव्हल सुरु आहे.
त्यातिल गेल्या वर्षिपेक्षा वेगळी असलेली निवडक प्रकाशचित्रे इथे शेअर करत आहे.

प्रतिबिंबित ही बिंब जाहले....

ड्रॅगन ची बोट आणि मागे दिसणारा रंगिबेरंगी पॅलेस....

हे दोन ड्रॅगन्स

नमस्कार मंडळी !

झाली का दिवाळीची तयारी ?
दिवाळी म्हणजे फ़राळ. . . तो फ़राळाचा दरवळ, दिवाळी म्हणजे तोरणे रांगोळ्या फुलांच्या सजावटी . . . . दिवाळी म्हणजे दिव्यांचा लखलखाट, माळा…. पणत्या आणि मुख्य म्हणजे आपला घरादाराची शान वाढवणारा आकाशकंदिल.

मी शक्यतो पारंपरिक पद्धतीचा रंगित कागदाचा बनवलेला आकाशकंदिल प्रेफर करते. आणि तो मला स्वत:ला बनवायला आवडतो. मागच्या वर्षी इथे शेअर करायला उशीर केला म्हणून काही फ्रेंड्स नाराज होते. म्हणून आज दिवाळीच्या आधीच तुमच्याशी हे फोटो शेअर करतेय.

मी हे पहिल्यांदाच ट्राय केलेय.

११ बाय १४ इंच कॅन्व्हास वर अ‍ॅक्रेलिक् पेन्टींग

ह्या चित्रात नायक नायिके सोबत मागे खलनायक आहे. त्यांच्या विशिष्ठ वेषभूषेबद्दल आणि कथाकली बद्दल थोडेसे लिहितेय...

माझ्या घराजवळच्या लायब्ररी मागे एक सुंदर तळं आहे. सूर्यास्ता पुर्वी संध्याकाळी तिथे रेंगाळत तळ्यातल्या बदकांचे खेळ बघत टाईमपास करायचा मला हल्ली छंदच लागलाय. ह्या एकाच तळ्यातल्या बदकांचे आणि त्यांच्या सुरेख पिल्लांचे वेगवेगळ्या वेळी घेतलेले हे फोटोज…

हेच ते सुंदर तळं… खरच आहे की नाही छान ?

हम दो … और हमारे…. बाराह !!!

पिल्लांची आई भोवती लगबग

एक काळं पेन आणि एक पांढरा गोल बॉक्स, आणि एक कंटाळवाणी दुपार... त्यातला अर्धा तास

मग काम सुरू .. टींन..टींन..टिडींग..टींन..टींन..टिडींग..

मग बनला हा सुंदर बॉक्स.
त्याचा टिकाउपणा वाढवायला त्यावर एका रुंद सेलोटेपचे कव्हर चढवले.
झालं माझ्या क्रोशाच्या हुक्स चं नवं घर तय्यार !

माझ्याकडे क्रोशाचे हुक्स सध्या वाढत आहेत म्हणून मी तेच ठेवले आहेत.

दिवसेंदिवस...माझं क्रोशे फॅड कमी होण्याऐवजी वाढतच चाल्लय.... आयॅम लव्हींग इट

ह्या जुळ्या बाळांसाठी विणलेल्या क्रोशाच्या टोप्या.

हॅल्लो किटी आणि अँग्री बर्ड.

ही मुग्गीसाठी

आणि ही मुग्ग्यासाठी

माझ्या अजुन काही क्रोशे पोस्ट्स..

पुन्हा एकदा माझं क्रोश्याचं फॅड
पहिल्यांदाच एव्हढा मोठा स्वेटर विणायचा प्रयत्न केलाय.

हा मी विणलेला क्रोश्याचा स्वेटर(हुडी). कुठल्याही पॅटर्नशिवाय अंदजानेच विणलाय परंतू दहा वर्षांच्या मुलाच्या मापाचा आहे.

लेकाच्या हौसेखातर त्यावर नासा चा सोविनियर चिकटवलाय.

हा माझ्या लेकाचा सँटा

सगळ्या बच्चेकंपनी ला अशीच घाई झालीये ना ?

येरे बाबा लवकर ये. आणि तुला नॉर्थ पोल च्या अड्रेस्स वर विशलिस्ट सेंड केली आहे. ती मिळाली ना ? मग लवकर गिफ्ट्स घेउन ये.

माझं क्रोशा चं फॅड

एका पिल्लूसाठी बनवलेले बुटीज्

बटन्स सुंदर दिसताहेत ना ?

आणि ही टोपी

दिवाळी हा दिव्यांच्या रोषणाईचा, रंगिबेरंगी रांगोळ्यांचा, गोडधोड खाण्याचा, पण दिवाळी आली की खरी रोषणाई होते ती कंदिला मुळेच, बाजारात अनेक रंगाचे ढंगाचे आकाशकंदिल बघायला मिळतात. पण लहानपणी कंदिलांची मज्जाच न्यारी होती. पतंगाच्या काडया, झाडू मध्ये भरीला घातलेल्या काडया, तर कधी बांबू उभा चिरुन त्या वेताच्या काठीने चांदणी बनवायची, त्यावर रंगीत पतंगाचा कागद लावायचा. हा पहील्या टप्प्याचा कंदिल, मग त्या काठ्यांचा विमानाचा आकार.. जहाजाचा आकार, कॉलनी मध्ये टांगायला भला मोठा कंदील. त्या नंतर आले जिलेटीन पेपर, मग थर्माकोल ह्या पद्धतीने कंदिल निर्मीतीला आणि कलात्मकतेला खुप वाव दिला.