तळे

सरोवर

Submitted by संतोष वाटपाडे on 30 April, 2015 - 03:36

प्रशस्त हिरवळ निळ्या कपारी
झुकली झाडे जुनी तिरावर
पडछाया घेऊन नभाची
बागडते मदमस्त सरोवर..

झुकलेल्या फ़ांद्यांना चुंबत
खोडांना घासत अंगाने
भिजले आहे चिंब कधीचे
धुंद लव्हाळीच्या रंगाने...

हुसकत फ़ौज तटावर बसली
हुंदडणार्‍या करकोच्यांची
पांघरते अन रेशीम चादर
अंगावर कोमल लाटांची...

शीतल वारा सुटतो जेव्हा
बावरते घाबरते पळते
अनेकदा धावून बिचारे
पदरात नदीच्याही शिरते..

रानफ़ुले काही पडलेली
ओंजळीत घेउन भिरभिरते
स्वच्छ सरोवर खडकावरती
कोंदण कसलेसे उमटवते....

बगळ्यांची आरास किनारी
भ्रमरांची झुडूपात भरारी
बघत सरोवर लोळत पडते
खडकांच्या पकडून कपारी....

शब्दखुणा: 

एका तळ्यात होती......

Posted
8 वर्ष ago
शेवटचा प्रतिसाद
8 वर्ष ago

माझ्या घराजवळच्या लायब्ररी मागे एक सुंदर तळं आहे. सूर्यास्ता पुर्वी संध्याकाळी तिथे रेंगाळत तळ्यातल्या बदकांचे खेळ बघत टाईमपास करायचा मला हल्ली छंदच लागलाय. ह्या एकाच तळ्यातल्या बदकांचे आणि त्यांच्या सुरेख पिल्लांचे वेगवेगळ्या वेळी घेतलेले हे फोटोज… Happy

हेच ते सुंदर तळं… खरच आहे की नाही छान ?

pond_small.jpg

हम दो … और हमारे…. बाराह !!!

2013-04-13 18_52_17.jpg

पिल्लांची आई भोवती लगबग

विषय: 
Subscribe to RSS - तळे