ती
Submitted by पुरंदरे शशांक on 30 July, 2019 - 23:45
ती
पानांवर अलगद थेंबी ती आरसपानी होते
.......ती अशीच उमटत जाते
कुसुमांच्या बहरातूनही काटेही पेरीत जाते
......ती अशीच वेडी असते
सुंदरता हाती धरुनी ओंगळास थारा देते
......ती सदा मनस्वी असते
सुंदरासुंदरापलिकडली व्यक्तता केवळ असते
....... ती कधीही कृत्रिम नसते
प्रिय स्पर्शाने अनामिक भावना मनी उमटते
....... ती अशीच बहरत जाते
जावळातून तान्हुल्याच्या ती गंधीत होत रहाते
.......ती अशीच शब्दी येते
भाकरीत दिसते कधी ती, भुई सारवताना येते
.....ती कविता अविरत असते
विषय:
शब्दखुणा:
