सूर्य : शब्दखूण

माध्यानीला ऐन बहरात आलेले आकाश
अन् सहवासाने तप्त झालेली चिरतरुण धरा
सायंकाळी भेटतात मिलनासाठी क्षितिजावर
पश्चिमेला शुक्रतारा उमलत, खुलत जातो क्षणोक्षणी
अन् देते आकाश आपले तेजरूपी बीज
धरेच्या शीतल रातगर्भात वाढण्यासाठी
उद्याच्या नव्या सूर्यासाठी, नव्या आशेसाठी, सृजनासाठी..

-रोहन

विषय:

काव्यलेखन

शब्दखुणा:

आकाश

धरा

सूर्य

रवि

Submitted by सतीश कुमार on 4 October, 2019 - 21:53

वृत्त - तुम्ही ठरवाल ते.
छंद - मुक्त

" रवि "

बंदिस्त आकाशात पूर्वेकडून पश्चिमेकडे गेली कित्येक सहस्त्रकं फेऱ्या मारतो आहेस तू रवि

विश्वाच्या कारागृहातून सुटका करून घेण्यासाठी धडपडतो आहेस दिवस रात्र तू रवि

संध्याकाळच्या संधिप्रकाशात कोणी पहात नसताना समुद्रात उडी मारतोस जीवन संपवण्यासाठी तू पण,

तुझ्या भोवती फिरणारे ते नऊ पहारेकरी परत जुंपतात तुला रात्र संपताच कवायतीला रवि

तुझे तप्त उसासे वाफा होतात पण कारागृहाच्या भिंती वितळत नाहीत रवि

आणि तू बंदीवासातलि दुःखं उराशी बाळगून जळत राहतोस कापरासारखा रवि

विषय:

शब्दखुणा:

ए आई सांग ना

Submitted by दत्तात्रय साळुंके on 4 June, 2019 - 01:27

ए आई सांग ना

ए आई सांग ना
रात्र होताच कसा
सूर्य जातो झोपी ?
भल्या पहाटे उठून
लावतो मला टोपी

बाळा लवकर निजणे
लवकर उठणे
परिपाठ त्याचा रोजचा
तुही उठशील लवकर
जप हा मंत्र आरोग्याचा

ए आई तो तर
जात नाही शाळेत
दिवसभर तरी नुसता
असतो घाम गाळीत

असते मला शाळेशिवाय
इतरही भरपूर काम
सकाळी उन पडेस्तो नको का आराम ?

काळोख पांघरुन तो बुवा
गाढ झोपी जातो
खुट्ट झाले तरी रात्री
मी मात्र भेदरतो

विषय:

काव्यलेखन

शब्दखुणा:

सूर्य

भूपाळी

माहिती हवी आहे

Submitted by दीप्स on 30 January, 2019 - 12:06

माझ्या माहितीतील संत पुरुषाची लक्षणे असा एक धागा होता जो बहुतेक उडवला की आणखी कुठला होता ते आठवत नाही पण सूर्य उपासने संबधी एक खूप चांगला यु ट्यूब व्हडिओ इथे पाहिल्याच आठवतंय ती व्हिडिओ लिंक कुणाला माहीत असल्यास परत देणार का प्लीज ??

विषय:

अवांतर

शब्दखुणा:

सूर्य