घन सावळ सावळ रुसला
दूरात जाउनी बसला
विनविले किती सांजेने
दे निरोप हसुनी मजला
ती वदली वेड्या दोस्ता
हा एकमार्गी रे रस्ता
ठरलेले येणे जाणे
हे जीवन प्रवास नुसता
हे कळून ना कळणारे
का गुंतत जातो सारे
भेटीत विलगण्याचेही
क्षण दडले असती ना रे
उजळोनी मन गाभारा
क्षण साधावा मिळणारा
अंधारच नात्या मधला
ठरतो नाते गिळणारा..
नाहीच मेळ अपुलाही
मी असली अन् तू असला
घन सावळ सावळ रुसला
घन सावळ सावळ रुसला
..........................................शाम
भेटुयात की बोलुयात की
अन् नवी गझल सांगुयात की
भेट जाहली प्रथम ज्या स्थळी
आज त्यातिथे जाउयात की
विसरुयात ना सख्य जाहले
कालसारखे भांडुयात की
वेगळे जरा वागुयात अन्
काय वाटते पाहुयात की
शोधले तुला रोज विठ्ठला
एकदा मला शोधुयात की
दु:ख वाटते वैभवा गझल
आपले तिला मागुयात की
अवांतर : मायबोलीकर गझलकार बंधुभगिनींनो नमस्ते
मी नवाच एक कुणीतरी आपल्या चमूत दाखल होवू पाहत आहे तसे मी इथे काही महिने भेट देत आलो आहे पण सदस्यत्व आजच घेतले आहे
खालील रचनेत कोणावरही राग म्हणून शेर केले नाहीत हे आपण जाणालच म्हणा !!
खरे सांगू ...तुमच्या सगळ्यांकडूनच मी गझल शिकत आहे या रचनेत मी तुमच्यावरची श्रद्धा प्रकट करण्याचा प्रयत्न केला आहे
माझी गोड चिमटे काढत काढत लिहायची शैली तुम्हाला नक्की आवडेल !!
आपण दुखावले जाणार नाही याची शक्यतो काळजी घेतो आहे तरी चूक झाल्यास माफ करावे माझा अपराध पोटात घ्यावा ही विनन्ती
गझल :
~~~~ धुंद संथ पाऊस धारा...
~~~~ मंद थंड भावुक वारा!
~~~~ अधीर मन उत्सुक गात्र...
~~~~ अनंत क्षण प्रणय रात्र!
कुणी पुसावे डोळे म्हणून आसवं येत नाहीत
का होतात सर्द पापण्या मलाच नाही माहीत
सरत नाही संध्याकाळ विरत नाही अंधारात
दिवस रात्रीच्या वेशीवरती हरवलेपण आत
कळले नाही कधी निसटला हातामधला हात
गेले सारे उरे निशाणी हातावरल्या रेषांत
सगळे आहे तरी रितेपण झाकळल्या मनात
काय मिळे हे सुख मलाही तु दिलेल्या कळांत
काळालाही काही कळेना हि स्तब्धता जगात
सुखावते अस्वस्थ वेदना, शांती तळमळण्यात
दुखावला जो उरी झेलुनी कट्यारीची पात
तोच जाणतो लपवुन अश्रु जगणे आनंदात
मनाने घेतले आहे नशेचा आसरा घ्यावा
जवानीच्या टकील्यावर जरासा मोह चाखावा
मला भेटायला स्वप्नातसुद्धा येत नाहिस तू
कशाला मी तुझ्यावर एक माझा शेर खर्चावा
तुला वाईट वाटावे असे मी वागतो आहे
तुझा चांगुलपणा थोडातरी वाईट वागावा
तुझ्या वाटेकडे डोळे.......बिजेपासूनचे दादा
जरी जमणार नसल्याचा तुझा आलाय सांगावा
____________________________________
कशाने पांडुरंगासारखे ते सावळे झाले
कधी ठरले बरे माझे मनाला रंग लावावा
असे काहीतरी व्हावे मनाला छान वाटावे
जसे की शेर माझा विठ्ठलाची आरती व्हावा
विठ्या माझा तुझ्यावर तेवढा अधिकार आहे ना
