साहित्य

आवडलेली वाक्ये आणि कविता

Submitted by वृन्दा१ on 12 February, 2018 - 10:59

खूपदा आपल्याला पडणाऱ्या प्रश्नांची उत्तरं आपल्याला अचानक वाचनातून मिळतात. पुस्तके आपल्याला फक्त शिकवत नाहीत. ती आपल्याला धीर देतात, दुःखात आपलं सांत्वन करतात. पुस्तके किंवा इतर वाचन आपल्याला काय काय देतात हे सांगणे खरेच अवघड आहे.आपल्याला आवडलेली वाक्ये किंवा शेर,कविता आपण शेयर करू या का? मलाही त्यातून खूप काही मिळेल.धन्यवाद.

विषय: 
प्रांत/गाव: 

काहीच्या काही कविता- ड्युआयडीज्

Submitted by mr.pandit on 8 February, 2018 - 05:40

ड्युआयडीज हल्ली
दिसतात येथे खुप
चेहरा तोच तरीही
असतो नवा हुरुप

वेमांनी केली जरी
सडकुन हकालपट्टी
परतुन लगेच येती
त्यांचेच ते रुप

एखाद्यास छळण्याची
हि भारीच कल्पना
भाषा इतकी मुलायम्
जसे पतंजलीचे तुप

प्रत्येक ड्युआयडीच्या
येथे दोन ड्यु आयडी
जसे भगवान श्रीकृष्ण
ह्यांचेच तीर्थस्वरुप

आयडी जरी बदलला
तरी विचार तोच अस्तो
पुन्हा उडुन जातील
जसा अगरबत्तीचा धुर

वावरतातही इतके सहज
खरा आयडीही घाबरावा
जणु खऱ्या आयडीने वावरुन
आम्हीच मारतो .....

शब्दखुणा: 

विठू अनुभव

Submitted by पुरंदरे शशांक on 8 February, 2018 - 01:39

विठू अनुभव

कंठात तुलसी । भाळी तळपती । चंदनाची उटी । विठ्ठलाच्या ।।

कटेवरी हात । खुणावितो भक्ता । भवाब्धि (भवसागर) इतुका । तुम्हालागी (भक्तांलागी ) ।।

परब्रह्म स्वये । जाहले सगुण । गुण विलक्षण । वर्णवेना ।।

संत गाती नित्य । जयाची महती । रखुमाई पती । ध्यानी मनी ।।

येका शुद्ध भावे । येताची शरण । देई प्रेमखूण । निज भक्ता ।।

दीनांचा कैवारी । बंधू अनाथांचा । मायबाप साचा ( खरा) । लेकुरांचा ।।

पुरवितो कोड (लाड) । भक्तिचे भातुके (खाऊ, खाद्यपदार्थ) । गर्जे एकमुखे । संतजन ।।

सैरभैर

Submitted by Harshraj on 6 February, 2018 - 05:25

बाहेर अजूनही कर्फ्यू लागलेला होता..त्याचं डोकं सुन्न झालेलं...त्यानं स्वतःला एका खोलीत कोंडून घेतलं होतं. जे घडलं होतं, त्यात त्याचाच सगळा दोष आहे याची भयंकर जाणीव होऊन तो हादरला होता. सकाळचा प्रसंगच तसा होता, डोळ्यापुढे अंधारी आणणारा.

आजचा दिवस..मंदारच्या आयुष्यातला सुंदर दिवस ठरणार होता. बाबांशी सकाळीच त्याने तिच्याबद्दल विषय काढला.

विषय: 
शब्दखुणा: 

तुझी मैत्री सखे..

Submitted by Harshraj on 5 February, 2018 - 02:22

मनु आणि सुलू....दोघी एकमेकींच अंतरंग बनल्या होत्या..दोघींनी ग्रॅज्युएशन फर्स्टक्लास मधे पूर्ण केल..तेव्हा ताईंच्या आनंदाला पारावार राहिला नाही..मनुंच विश्व म्हणजे फक्त सुलु होती..शाळॆच्या पहिल्या दिवशी ..ज्यावेळी तिला मुलींनी हिणवलं होतं.... त्या दिवशी ती खूप रडली होती..

पण सुलू त्या मुलीजवळ गेली, "तीला चालता येत नसलं तरी, ती हुशार आहे... तुमच्यासारखी येडपट नाही आणि तिच्यासोबत जोपर्यंत मी आहे तोपर्यंत तरी तिच्यात काही उणं नाही..."

त्यानंतर मात्र त्या कुणाशी जास्त बोलल्या नाहीत..मग त्या दोघीच सर्वत्र फिरायच्या ..

विषय: 
प्रांत/गाव: 

स्वप्न ते खरे नव्हते...

Submitted by mr.pandit on 3 February, 2018 - 01:25

स्वप्न ते खरे नव्हते
काल रात्री दिसले होते
हातात हात तुझा होता
नभी चांदणे भरले होते

पोर्णिमेचा चंद्र ही
फिका वाटत होता
तुझ्या चेहऱ्यास जेव्हा
मी हाती धरले होते.

वारा ही थंडगार
पण शांत वाहत होता
शहारल्याने मज तु
मग मिठीत भरले होते

पाणीदार डोळ्यांत जेव्हा
माझे काळीज गुंतले होते
तुझ्या लाजुन गोड हसण्याने
सहज त्यांस सोडवले होते.

अवचित तुझ्या आवाजाने
ते स्वप्न भंगले होते.
जेव्हा जागा झालो तेव्हा
तुज सामोरी पाहिले होते.
- निखिल ०३-०२-२०१८

शब्दखुणा: 

पुस्तक परीक्षण: "असा होता सिकंदर"

Submitted by निमिष_सोनार on 1 February, 2018 - 08:26

पुस्तक परीक्षण: "असा होता सिकंदर"
लेखिका: इंद्रायणी सावकार
रिया पब्लिकेशन
अजब डीस्ट्रीब्युटर्स

सूचना:

अलेक्झांडर = सिकंदर
पोरस = पुरू = पुरुषोत्तम = पौरव देशाचा राजा
चाणक्य = कौटिल्य = विष्णुगुप्त

परीक्षण:

नुकतेच "असा होता सिकंदर" हे पुस्तक मी वाचून पूर्ण केले.
लेखिका "इंद्रायणी सावकार" यांची "लेखनशैली" काय वर्णावी? एकदम अद्भुत अशी शैली!

घडो संतसंग

Submitted by पुरंदरे शशांक on 29 January, 2018 - 08:10

घडो संतसंग

तुकोबाचा भाव । जिही सामावला । मज तो भावला । पांडुरंग ।।

ज्ञानियाचे प्रेम । मूर्तिमंत ठाके । विटेवरी निके । भीमातीरी ।।

नामदेव सखा । स्वयमेव झाला । कोण त्या विठ्ठला । जाणू शके ।।

संतांचे संगती । जाई पंढरीसी । अर्पावे स्वतःसी । विठूपायी ।।

न जाणे निर्गुण । नाकळे सगुण । एकचि ते खूण । शुद्ध भाव ।।

शुद्ध भाव एक । रूजता अंतरी । स्वये तो श्रीहरी । ठायी पडे ।।

संतमुखे वर्म । कळो आले साचे । येर ते न रूचे । कृत्रिमसे ।।

घडो संतसंग । सर्वदा विठ्ठला । न मागे तुजला । दुजे काही ।।

शब्दखुणा: 

लव्हगुरू

Submitted by बोबो on 29 January, 2018 - 00:42

कंपनीच्या बसमध्ये फोनवर हळू आवाजात बोलत असताना आपल्या शेजारी बसलेल्या ऑफिसच्या सहकारी पूजा आणि रिया दोघी आपल्याकडे पाहात हसताहेत, हे अमितला जाणवलं आणि तो अस्वस्थ झाला. त्याने फोन ठेवला, तसं त्यांनी लगेच विचारलं,"काय मग काय म्हणत होती गर्लफ्रेंड?"
"क...क...क...कोण...गर्लफ्रेंड? नुसती मैत्रीण होती एक."
"अरे लाजू नकोस आम्हाला सांगायला?आम्ही तुला मदतच करू?"
क्षणभर अमित विचारात पडला. "तुम्ही मदत करणार?" त्याने विचारलं.
"अर्थात,"रिया हसून म्हणाली,"अरे ही पूजा तर तुला एकसे बढकर एक टिप्स देईल. लव्हगुरू आहे ती. तिच्या टिप्स पाळल्यास तर गर्लफ्रेंड पटलीच पाहिजे."

शब्दखुणा: 

Pages

Subscribe to RSS - साहित्य