लेखनसुविधा

याआधीचे भाग!

भाग ८
https://www.maayboli.com/node/71963

भाग ७
https://www.maayboli.com/node/71844

भाग ६
https://www.maayboli.com/node/70390

भाग ५
https://www.maayboli.com/node/70293

दुसरीत / तिसरीत असतांना, म्हणजेच ९/१० वर्षाचा असताना मी सायकल चालवायला शिकलो.प्रथम हातात सायकल धरून , एक हात हँडलला व एक हात सीटला धरून,घरापुढील अंगणात गोल गोल चकरा मारता, मारता,मध्येच दांड्याखालून तिरका पाय टाकून तोल सावरता/सावरता सायकल चालवायला माझा मीच शिकलो.सर्वात प्रथम जेव्हा तोल सांभाळत , उतारावरून जायचो तेव्हा स्वनिर्मितीचा, आपण कांहीतरी केल्याचा आनंद गगनात मावेनासा झाला .

गुढी

ना वाजले कधी
पैंजण तिचे
ना वाजले कंकण तिचे
सहवासात तिच्या उजळले
परम भाग्य माझे

ना ल्यायली कधी
भरजरी नव वस्त्रे तिने
लज्जास्तव फटे पुराने
ना मधु शर्करा मुखी
ना कडूलिंबाचे गाऱ्हाणे

ताठ मानेने उभी कुडी
माझ्या अंगणी गुढी
नतमस्तक मी त्यापुढे
सुखी ठेव एवढेच साकडे
चैत्री पाडव्याकडे

राजेंद्र देवी

ती येते
अगदी आपसूक
कधीही, कुठेही
न सांगता ....

ती आल्याशिवाय राहत नाही
ती वेळ काळ पाहत नाही

कितीही प्रयत्न करूनही 
ती टाळता काही येत नाही

घड्याळाच्या काट्याला तर 
ती जरासुद्धा घाबरत नाही

कधीच एकटंराहू देत नाही
दूर तिच्यापासून जाऊच देत नाही

वाट्टेल तेव्हा येऊन जाते
जे द्यायचं ते देऊन जाते

घेता घेता आपल्याला
आपलसं हि करून घेते 

स्वीकारलं कि बांधून ठेवते
धिक्कारल्यावर हरवून जाते

हसवून जाते गालातल्या गालात
कधी डोळ्यातून वाहून जाते

©  अनुप साळगांवकर - दादर

पाणीपुरी

आपलं नातं म्हणजे मित्रा
आहे चवदार पाणीपुरी
तिखट, गोड, आंबट, तुरट
जिभेला चव येते न्यारी 

जास्त पाणी भरता जशी
कोलमडून पडते पुरी
मैत्रीचंही तसंच काहीसं
ती जपण्याचीच कसरत खरी

उतावीळपणे घाई करता
तिखटाचा हा जातो ठसका
भांडण, तंटा, रुसवे, फुगवे
मैत्रीत थोडा मारू मस्का

सगळे जिन्नस प्रमाणात असता
जिभेवर चव रेंगाळते भारी 
आपलेपणाने वाद घालायलाही
संवादाची गरज खरी

"अरे, तिखा कम करो !"
भैयालाही देऊ दम
तुझ्या माझ्या मैत्रीत राहूदे
थोडी ख़ुशी, थोडा गम

कप - बशी

माझं नाव तुझ्याशी कायम जोडलेलं
जशी प्रत्येक पुरुषापाठी स्त्री
तशीच तुझ्यासाठी मी...
नाविण्याने परीपूर्ण
तुझा रंग,आकार,रुप
मीही तुला साजेशी
तु माझा कप मी तुझी बशी

हवाहवासा वाटतो
तुझा उबदार स्पर्श
वाफाळलास कि तापतोसही फार
मग मीच होते तुझा आधार
कधी वर कधी खाली
सोबत तुझ्या तुला हवी तशी
तु माझा कप मी तुझी बशी

किती जन्मांची सोबतही
आठवतही नाही...?
आजकाल तु तुला
माझ्यात साठवत नाही
"आजन्म साथ देईन" म्हणालास खरं
कुठे शिंकली रे माशी
तु माझा कप मी तुझी बशी

सांगशील का तू मनातलं ????
जे ओठावर येऊन थांबलेलं
काय सांगू ? आणि कसं सांगू ??
म्हणून अनेक दिवस लांबलेलं
शब्द जमेना, शब्द सुचेना
तरी निर्भयतेनं मांडलेलं
सूर्य झाकून दिवस सरता
तुझं काहीसं तुलाच उमगलेलं
तू आधी कि मी आधी
या विचारांना तू मागे टाकलेलं
नाही सांगितलं तर हरवून जाईल
मनात काठोकाठ साठलेलं
बघ ........ सांगून टाक
कदाचित प्रेमचं म्हणतात याला
जे नकळत तुलाही झालेलं

लहानपणा पासून मला भारतीय सैन्य आणि नौदल बद्दल प्रचंड आकर्षण होत. मी लहानपणी सातारा सैनिक स्कुल साठी परीक्षा सुद्धा देण्याचा प्रयत्न केला होता. त्यासाठी मी विशेष क्लासेस सुद्धा लावले होते. परंतु मी सातारा सैनिक स्कुल प्रवेश परीक्षा काही चांगल्या मार्काने पारित होऊ शकलो नाही. पण एखादा आर्मी/नौदल ऑफिसर भेटल्या नंतर त्यांचा पोशाख, चालण्यात एक प्रकारचा रूबाब, आणि बोलण्यात आत्मविश्वास बघून भारतीय नौदला बद्दल प्रचंड आदर आणि आकर्षण वाटते. मला भारतीय नौदला विषयी जाणून घ्यायला खूप आवडते. भारतीय नौदल हे जगातील पाचव्या क्रमांकाचे नौदल आहे.