गुढी

Submitted by राजेंद्र देवी on 24 March, 2020 - 21:50

गुढी

ना वाजले कधी
पैंजण तिचे
ना वाजले कंकण तिचे
सहवासात तिच्या उजळले
परम भाग्य माझे

ना ल्यायली कधी
भरजरी नव वस्त्रे तिने
लज्जास्तव फटे पुराने
ना मधु शर्करा मुखी
ना कडूलिंबाचे गाऱ्हाणे

ताठ मानेने उभी कुडी
माझ्या अंगणी गुढी
नतमस्तक मी त्यापुढे
सुखी ठेव एवढेच साकडे
चैत्री पाडव्याकडे

राजेंद्र देवी

शब्दखुणा: 
Group content visibility: 
Public - accessible to all site users

छानेय कविता..
गुढीपाडव्याच्या शुभेच्छा!! Happy