हितगुज ग्रूप

काचेची सुंदर खिडकी
भिंतीला लटकत आहे
देह सोडून गेला माझा
पण आत्मा इथेच आहे

छोटीशी चिऊ बागडते
ती बड-बड ऐकत हसतो
ती खांदे उडवत हसूनी
जणू मलाच गिरवत आहे
देह सोडून गेला माझा....

हे प्रवास जीवन माझे
जणू आठवणींचा ढीग
तुटलेल्या स्वप्नांसोबत
आनंद ओंजळीत आहे
देह सोडून गेला माझा....

मज नकोच होती शांती
की नकोच कर्कश नाद
मायेने घर भरण्यात
ते प्रेमळ संगीत आहे
देह सोडून गेला माझा....

राहत्या घराचे ( फ्लॅट) रंगकाम करायचे आहे . काय पूर्वतयारी , काळजी घ्यावी ? काही विशेष फेरफार करायचे नाहीत , फक्त ४ -५ खिळे ठोकायचे आहेत . कोणत्या प्रकारचा रंग टिकाऊ आणि मेंटेनन्ससाठी सोपा आहे.
आणि हो ब्राईट लाईट साठी सध्या काय पर्याय आहेत . फॉल्स सिलिंग नाही . माबोकर कृपया टिप्स द्या . तुमचे अनुभव शेअर करा .
धन्यवाद .

नवी केलीस तू सुरुवात आई
कशी आहेस वैकुंठात आई?

अकल्पित हे कसे घडले अचानक?
असह्य आहे हा आघात आई...

तुला सोडावयासाठीच केला
यमाने वेदनेचा घात आई

मला तर जाणवत आहे अजूनी
तुझा पाठीवरीचा हात आई

मनी काहूर उठते भावनांचे
स्मृतींची मग होते बरसात आई

नकोसा वाटतो श्रावण असा हा
तुझा उत्साह नाही ज्यात आई

जखम भरणार नाही ही कधीही
हा घाला खोल आहे आत आई

आधीच्या धाग्यात २००० च्या वर प्रतिसाद झाल्याने नवीन धागा काढत आहे.

स्पर्धकांनी बसू दिले नाही
निंदकांनी हसू दिले नाही

मज कधीही सुखी समाधानी
जीवनाने असू दिले नाही

या समाजात गाव संतांचे
माणसाने वसू दिले नाही

माणसाच्या मनात देवाला
धार्मिकांनी घुसू दिले नाही

भावनांनी मला तुझ्यावरती
एकदाही रुसू दिले नाही

दुखणे जखमेचे खूप होते पण
मी कधी ठसठसू दिले नाही

मालदिवजमध्ये अलीकडेच झालेल्या राष्ट्रपती निवडणुकीत Progressive Party of Maldives चे मोहंमद मुईझ्झू विजयी झाले आहेत. मुईझ्झू यांचा कल चीनकडे झुकलेला असल्यामुळं त्यांच्या कार्यकाळात मालदिवजमध्ये चीनचा प्रभाव वाढण्याची शक्यता आहे. निवडीनंतर लगेचच त्यांनी केलेल्या वक्तव्यांवरून ते स्पष्ट होत आहे. मालदिवजमध्ये घडत असलेल्या या घडामोडींमुळं भारताची चिंता वाढणं स्वाभाविक आहे.