भाजणीचे थालीपीठ
Submitted by प्रमोद् ताम्बे on 20 April, 2014 - 22:14
सिनेमाची तिकिटे चढत्या भावानीही संपतात
रस्त्यावर सोनारांची दुकानं रोजच वाढतात
हॉटेलात सुटीला जेवा-खायला जागा नाही
तरीही म्हणायचं, काय ही महागाई !
कांदा झाला शंभर तरी खायचा सोडणार नाही
शाळेची फ़ी लाखभर, मग काय झालं भाई?
वर पैसे खर्चून क्लासला घालायची घाई
तरीही म्हणायचं, काय ही महागाई !
मॉल, उघडून तोंड म्हणतो एक नको चार घ्या
शेजार्याचं घर कसं, त्याहुन छान घ्या
तीन वर्ष झाली फ़र्नीचरला, तसाच कसा राहू?
तरीही म्हणायचं, काय ही महागाई !
गरज असो वा नसो, गाडी घेतलीच पाहीजे
लागला सेल, गेलं, साडी घेतलीच पाहीजे
सुट नाही, निदान चांगला कुडता तरी घेई
तरीही म्हणायचं, काय ही महागाई !