महागाई

अशी कशी ही म्हागाई

अशी कशी ही म्हागाई वाढ वाढ वाढली
माझ्या खर्चाची झोळी हिनं फाडली ||धृ||

नका डाळ तुम्ही म्हणू; नका तांदूळ तुम्ही म्हणू
गहू जोंधळं झालं आहे सोनं जणू;
पाहून बाजरीचे भाव मी पिशवी खुंटीला टांगली ||१||

दह्या दुधाचे भाव कसे वाढता वाढं; शेरभर ताकालाबी धा रूपये लागं
पोरं झालीत वाळून बारीक रोड;
पामतेल डालातुपाविना देवू कशी भाजीला फोडणी? ||२||

राकेल गॅस प्रेटोल डिझल; याबीगर चाक कसं चालंल?
ऐश्टी गाडीबी पैशाविना हालंना;

लई दिसांची मी खाल्ली नाही शिरापुरी

किती दिस झालं, आठवंना सालं
गोष्ट सांगतो मी खरीखुरी;
लई दिसांची मी खाल्ली नाही शिरापुरी ||धृ||

हि असली कसली चढती महागाई
वाढत्या भावानं जीव निघून जाई
पहिल्या आठवड्यात पगार संपतो
बँक खाते अन खिसा रिकामा होतो
पैसा जावून मी जणू होतो भिकारी
लई दिसांची मी खाल्ली नाही शिरापुरी ||१||

ह्या भाववाढीनं डोकं वर काढलं
महागाईनं आगीत तेल टाकलं
पेट्रोल सत्तर रूपये लिटर झालं
गरीबीत दिवस काढणं आलं

सिनेमाची तिकिटे चढत्या भावानीही संपतात
रस्त्यावर सोनारांची दुकानं रोजच वाढतात
हॉटेलात सुटीला जेवा-खायला जागा नाही
तरीही म्हणायचं, काय ही महागाई !

कांदा झाला शंभर तरी खायचा सोडणार नाही
शाळेची फ़ी लाखभर, मग काय झालं भाई?
वर पैसे खर्चून क्लासला घालायची घाई
तरीही म्हणायचं, काय ही महागाई !

मॉल, उघडून तोंड म्हणतो एक नको चार घ्या
शेजार्‍याचं घर कसं, त्याहुन छान घ्या
तीन वर्ष झाली फ़र्नीचरला, तसाच कसा राहू?
तरीही म्हणायचं, काय ही महागाई !

गरज असो वा नसो, गाडी घेतलीच पाहीजे
लागला सेल, गेलं, साडी घेतलीच पाहीजे
सुट नाही, निदान चांगला कुडता तरी घेई
तरीही म्हणायचं, काय ही महागाई !

महागाईगीत: कसली भाजी करू मी आज

अहो काही सुचेना मला रोजरोज
कसली भाजी करू मी आज ||धृ||

दोडके गिलके भेंडी मटार
शेवगा भोपळा वाल गवार
सार्‍यांनीच मार्केटात संप केला आज
कसली भाजी करू मी आज ||१||

बटाटे आणले सगळेच संपले
फ्रिजमध्ये टोमॅटो काहीच न उरले
काय! चिकन करू म्हणता ताजं?
कसली भाजी करू मी पतिराज ||२||

८० रुपये किलो आहे तुरदाळ
असलीच महाग झाली मुगदाळ
महागाईने केला कसला हा माज