व्यथा

व्यथा

Submitted by राजेंद्र देवी on 9 July, 2019 - 12:45

व्यथा

भावनेचा कोंडमारा
घाव जे जिव्हारा
कसा आवरू आता
आयुष्याचा पसारा

सांगू व्यथा कोणाला
आहे कोण ऐकणारा
कसा आळवू न कळे
सुना सुना देव्हारा

गुंतलास कोठे तू
कोणास उध्धारा
व्याकुळले नयन
दे दर्शन परमेश्वरा

राजेंद्र देवी

शब्दखुणा: 

व्यथा

Submitted by Asu on 19 February, 2019 - 21:51

व्यथा

सुगंध घेता फुलाचा
काटा कधी रुतावा
सौख्यातही सुखाच्या
विष डंख उरी सलावा

दुर्भाग्य असे जीवनी
कुणा कधी नसावे
डोळ्यात असुनी पाणी
ओठी कसे हसावे

पिसाट सुटला वारा
राहिला दूर किनारा
मागू कुणा कुणा मी
दुबळ्या मना सहारा

वदली न कुणा व्यथा
हसलो सदा निर्व्यथा
थकलो थकलो आता
झुकवितो इथेची माथा

शब्दखुणा: 

व्यथा

Submitted by बेफ़िकीर on 6 January, 2016 - 06:30

"नमस्कार मित्रमैत्रिणिंनो! मी स्नेहल निगडे, एस वाय बी एस सी! व्यासपीठावर उपस्थित असलेले आदरणीय प्राचार्य सर, आदरणीय उपप्राचार्य सर, आपल्या भागाचे आदरणीय तहसीलदार सर, सर्व गुरूजन आणि सर्व कर्मचारीवर्गाला अभिवादन करून मी आपले चार शब्द मांडते."

शब्दखुणा: 

ऋण दु:खाचे

Submitted by राजीव शेगाव on 7 January, 2012 - 02:10

आयुष्यात इथंवर... मी डोळे मिटुनी आलो...
मैफिली धुंद शब्दांच्या... डोळे मिटुनी प्यालो...

गायिले राग त्यांनी जेव्हा... दुख्खी आर्त स्वरांचे...
माझ्याच सार्‍या व्यथा मग... मी अनुभवून गेलो...

डोहात दु:खाच्या माझ्या... मीच बुडताना...
हरेक हात मदतीचा... मी ठोकरून गेलो...

जगलो इथे जरी मी... ताठ मानेने...
जाताना मात्र थोडी... मान झुकवूनी गेलो...

कुठंवर फेडावे... जीवनाने ऋण हे दु:खाचे...
दु:खाच्याच दारात आज... जीवनास विकूनी आलो...!

गुलमोहर: 
शब्दखुणा: 

एका डॉक्टरच्या कविता-6 :व्यथा

Submitted by डॉ अशोक on 15 October, 2010 - 10:44

एका डॉक्टरच्या कविता-6 : व्यथा

फिनेल स्पिरिटच्या वासांनी
नाकाला घेराव केले
वेदनेच्या आकान्तांनी
कान सुद्धा बधीर झाले

रो़ज रोज मरण बघून
डोळे सुद्धा कोरडे झाले
मित्रांचं तर जावूच द्या
अश्ररू सुद्धा गद्दार झाले!

- अशोक

गुलमोहर: 
Subscribe to RSS - व्यथा