काव्यलेखन

पर्ण

Submitted by तो मी नव्हेच on 20 September, 2020 - 15:16

नमस्कार,
आता *'पर्ण'* हा कविता संग्रह तुम्हाला किंडल टॅब अथवा किंडल अॅप वर वाचण्यास उपलब्ध करत आहे...
ऑनलाइन पुस्तकाची लिंक खाली नमूद केली आहे.. कविता संग्रहास नक्की भेट द्या, वाचा आणि तुमच्या प्रतिक्रिया तसेच अभिप्राय नक्की कळवा..

https://www.amazon.in/dp/B08JKCHNKQ/ref=cm_sw_r_wa_apa_4X0zFbRQQ8E6P

रोहन रामचंद्र गुरव
९७३०७२५१११
gurav.rohan@gmail.com

बंदिस्त 'मी '

Submitted by Mamatta'S on 18 September, 2020 - 06:27

बंदिस्त 'मी '
खिडकीतून पाहिलं मी----
आकाशात मुक्तपणे विहरतात पक्षी
करण्यास मनोरंजन
टाकलं न पिंजऱ्यात
--------------अन आता मी बंदिस्त ,
खिडकीतून पाहिलं मी ------
जंगलात सहजपणे वावरताय प्राणी
करण्यास शक्ती प्रदर्शन
टाकलं न पिंजऱ्यात
------------अन आता मी बंदिस्त ,
खिडकीतून पाहिलं मी---
,बेफाम, मुक्त वाहतेय नदी
करण्यास प्रगती
टाकलं न धरणात
-------------आन आता मी बंदिस्त,
खिडकीतून पाहिलं मी-----

का अपेक्षा ठेवता तुम्ही?

Submitted by निशिकांत on 17 September, 2020 - 23:31

कपारींनो मनाच्या का अशा भेगाळता तुम्ही?
मनाजोगेच व्हावे, का अपेक्षा ठेवता तुम्ही?

दवांनो छान आहे की तृणावर जन्मता तुम्ही
कधी जमले न आम्हाला, मजेने डोलता तुम्ही

सुशिक्षित माणसांनो का अशिक्षित एवढे व्हावे!
इलेक्षनच्या दिनी बाहेर सहली काढता तुम्ही

दिल्यावर मत पुन्हा परतून येता पाच वर्षांनी
पुढार्‍यांनो किती अश्वासनांना पाळता तुम्ही

विचारावेत थोडे प्रश्न खडसावून अपुल्यांना
असोनी आप्त का शत्रूप्रमाणे गांजता तुम्ही

पुरे ना वायफळ गप्पा, असे पूर्वज, तसे पूर्वज
नवा इतिहास लिहिण्यासारखे का वागता तुम्ही?

पाऊस तरी कुठे ,सर्वांसोबत एकसारखा वागतो ...?

Submitted by राजश्रेणू on 17 September, 2020 - 06:46

पाऊस तरी कुठे, सर्वांसोबत एकसारखा वागतो....?
कोणासाठी बरसतो तर कोणासाठी कोसळतो
प्रत्येकासाठी वेगवेगळे रूप धारण करतो
बरसताना,
कोणाच्यातरी मनाला प्रेमसरीने भिजवतो..
कोसळताना,
कोणाच्यातरी फाटक्या छतातून आणि डोळ्यातूनही वाहतो...
पाऊस तरी कुठे,सर्वांसोबत एकसारखा वागतो.....?
पावसात काही मन आठवणीने ओसंडून वाहणारी .....
काही मने, देह न भिजण्यासाठी आडोसा शोधणारी.....
कोण टपरीवरच्या चहासोबत भजी खातो....
कोण छतातून वाहणारे पाणी भांड्यात साठवतो...
पाऊस तरी कुठे सर्वांसोबत एकसारखा वागतो.....?
पण मला वाटतं फक्त पाऊस

शब्दखुणा: 

मी?

Submitted by आसावरी. on 16 September, 2020 - 13:14

बिन मांज्याचा पतंग मी,
दिशाहीन तरंग मी,
कोणाशीही न जुळणारा
वेगळाच रंग मी

आतली व्यथा लपवणारा
खोटा हसरा चेहरा मी,
समुद्र देखील हरवलेला
एक एकटा किनारा मी

सगळ्याच प्रश्नांत असणाऱ्या
प्रश्नचिन्हाचं टिंब मी,
आरशातले खोटे, आभासी,
अनोळखी प्रतिबिंब मी

मृगजाळहूनही भ्रामक जगात
शोधते आहे सत्य मी,
माणुसकीचा चेहरा शोधत
हिंडते आहे नित्य मी!

- आसावरी

आक्रोश

Submitted by छायाचित्रकार on 16 September, 2020 - 10:32

आक्रोश करायचा आहे...
कधीचा.. थांबून ठेवलेला.
कित्येक जुन्या वर्षांचा..
कित्येक दिवसांचा..
मागचा.
कालचा.
आत्ता या क्षणाचा.. आक्रोश करायचा आहे..मला
पार बेंबीच्या देठापासून..
अगदी मेंदूतील रक्त
गोठवणारा आक्रोश.
किंवा अख्खे शरीर ही..
त्या समुद्र मंथनाच्या गोष्टी सारखे..
समुद्र घुसळून टाकणारा आक्रोश...
पण मला काहीच नकोय...
मी दानवही नाही आणि देव तर मुळीच नाही.
लोचट लेकाचे.

शब्दखुणा: 

माझ्या लेखी

Submitted by अविनाश राजे on 15 September, 2020 - 21:56

माझ्या लेखी तर त्याला आता देवत्व लाभले आहे
त्याने बोलावे अन मी ऐकावे असे चालले आहे

कोठेही मजला हसतांना, कधी बुद्ध आढळला नाही
कोण जाणे, जगणे बरे कि येथे मरणे चांगले आहे

मानले शेवटी त्यांनी कि जीव माझाही जीवच आहे
वाटते मला कि एकदाचे माझे दैव जागले आहे

माणसांच्या या वस्त्यांवरती राज्य क्षुधेचे-तृष्णेचे
हे जीवन येथे बहुतांशी दुष्टपणे वागले आहे

ती भाळली स्वप्नांवर माझ्या, वरेलही निश्चित मजला
घर असणार आमचे तेथे, धरेला नभ लागले आहे

एकच पणती तेवत होती

Submitted by निशिकांत on 15 September, 2020 - 11:21

धीर धरोनी वादळासवे
जिद्दीने ती झगडत होती
काळोखाच्या गर्तेमध्ये
एकच पणती तेवत होती

झगमग नाही, मंदमंदसा
प्रकाश देणे तिला आवडे
कष्टांचे, खस्ता खाण्याचे
तिला न होते कधी वावडे
तेल संपले, वात जळाली
स्वयंप्रकाशित भासत होती
काळोखाच्या गर्तेमध्ये
एकच पणती तेवत होती

खांद्यावरती ओझे घेणे
तिने पोसला छंद आगळा
गाभार्‍यातिल दिव्याप्रमाणे
मिणमिणता आनंद वेगळा
चंदन होउन झिजावयाची
तिची आपली पध्दत होती
काळोखाच्या गर्तेमध्ये
एकच पणती तेवत होती

जरा ऐक ना! मना ऐक ना !

Submitted by कविन on 14 September, 2020 - 08:27

जरा ऐक ना
मना ऐक ना
कसे सावरु?
कसे आवरु?
मला सांग ना
मना ऐक ना !

कुठूनी येतसे
वादळ वारे,
कसे शोधू मी
स्तब्ध किनारे
मलाच माझी
वाट दिसेना
डुबकी मारुनी
आले तरीही
ठक्क कोरडी
कशी? कळेना
मना सांग ना

जरा दूरशी
किनाऱ्यावरी
अंग चोरुनी
बसले असता,
तुषार उडले
उगा जरासे
चिंब भिजले
माझे मी पण
कसे? कळेना
जरा सांग ना

जरा ऐक ना!
मना ऐक ना!

शब्दखुणा: 

Pages

Subscribe to RSS - काव्यलेखन