काव्यलेखन

मुखवटा

Submitted by प्रांजली गौतम क... on 29 April, 2019 - 03:21

मुखवटा
चढविताना प्रौढत्वाचा सात्विक मुखवटा
करावी लागते अनेकदा
भाव-भावनांची होळी
निखाऱ्यावर कर्तव्याच्या होत असते
मनीच्या तव्याची
पाठ लाल-काळी
न फोडता टाहो वेदनांचा
भाजावी लगाते
स्वकियांसाठी पोळी
बांधलेले पाश असती भार अंतरीचे
सोडता सुटेना
मोहात गुंतलेली एकही मोळी
पुसाव्या लागतात पर्यायाअभावी
आपल्याच कवनाच्या
आवडत्या ओळी

शब्दखुणा: 

प्रेम

Submitted by Asu on 29 April, 2019 - 02:59

प्रेम

तू असा दीड शहाणा
नाही म्हटल्यावर निघून गेलास
एकदा तरी मागे वळून
पाहायचेही विसरून गेलास

हो म्हणजे नाही म्हणायची
चारचौघात किंमत असते
उघड उघड जगासमोर
प्रेम करायची हिंमत नसते

प्रेमाच्या वाटेवर पहारे किती
घरी मायबाप आणि
दारी सगळ्यांचीच भिती
थोड्याही शंकेने धडधडते छाती

बोलण्याची अबोल भाषा असते
नजरेला नजरेतून आस दिसते
हृदयाला हृदयाची साथ असते
बिनतारी संदेशाची बात असते
हीच प्रेमाची सुरूवात असते

प्रेम

Submitted by Asu on 29 April, 2019 - 02:59

प्रेम

तू असा दीड शहाणा
नाही म्हटल्यावर निघून गेलास
एकदा तरी मागे वळून
पाहायचेही विसरून गेलास

हो म्हणजे नाही म्हणायची
चारचौघात किंमत असते
उघड उघड जगासमोर
प्रेम करायची हिंमत नसते

प्रेमाच्या वाटेवर पहारे किती
घरी मायबाप आणि
दारी सगळ्यांचीच भिती
थोड्याही शंकेने धडधडते छाती

बोलण्याची अबोल भाषा असते
नजरेला नजरेतून आस दिसते
हृदयाला हृदयाची साथ असते
बिनतारी संदेशाची बात असते
हीच प्रेमाची सुरूवात असते

शब्दखुणा: 

मतदानाचा दिवस

Submitted by Asu on 29 April, 2019 - 02:54

मतदानाचा दिवस

मतदानाचा दिवस होता
पोटापाण्याचा प्रश्नच नव्हता
म्हटलं, रसना तृप्त करावी
मस्त खाऊन झोप काढावी

रात्रभर जीव तळमळत होता
निवडणूक किडा वळवळत होता
मतदानाचे काही ठरेना
कीडा मनातला तोही मरेना

रात्र विचारात अशी गुदमरली
झोपेतच पहाट सरली
उशीरा उशीरा आंघोळ केली
खाऊन पिऊन ताणून दिली

झोपेचे पण सुख कुठले !
बापूजी, स्वप्नात प्रकटले
दरडावून मला म्हणाले
मताचे दान केलेस का रे?
मतदान पवित्र कर्तव्य आपले
सत् असत् विचार करावा
त्यानंतर त्राता ठरवावा

शब्दखुणा: 

हुरहूर

Submitted by डॉ अशोक on 28 April, 2019 - 23:24

-- हुरहूर ------
*
हुरहूर कसली ही, जीवा लागलेली
उडे नीज तरी ना स्वप्न संपलेली !
*
कां होते असे, तुला पाहतांना
घसा कोरडा अन, तहान हरपलेली !
*
कर पास दैवा, परिक्षा जीवनाची
समोरी लक्ष्य अन, वाट हरवलेली !
*
उलटेच सदा सारे, इथे कां घडावे?
ठिणगीच विझवे, ही आग भडकलेली !

-अशोक

कशास त्याची वाट बघावी?

Submitted by निशिकांत on 28 April, 2019 - 23:06

दिले सुखाचे सुवर्ण क्षण का? रुतती आता होउन आठव
कशास त्याची वाट बघावी? जे घडणे आहेच असंभव

कधीच नव्हत्या ऊंच अपेक्षा, नकोत तारे आकाशीचे
ह्रदयी त्याच्या मागितली मी, थोडी जागा करून आर्जव

कधी न रमले स्वप्नांमध्ये, झगडत सारे जीवन गेले
खुशीत आहे मी या जगती, भान ठेउनी सदैव वास्तव

दया नको मजला कोणाची, मला निजूद्या रस्त्यावरती
नभांगणाचा मस्त चांदवा, खरे खरे ते माझे वैभव

तिला न कळले बाळांना का अडगळ आता आई झाली?
देवा आधी मला वंदुनी, कशास करता माझा गौरव

डॅनियल अंकलचा प्लम केक

Submitted by रमा. on 28 April, 2019 - 06:32

अंकलचा प्लम केक
अव्हनमध्ये होतो बेक
टाइम सेट केला तरी
हर मिनिट अंकलचा चेक

सारखा सांगतो येणाऱ्यांना
Do try, do try
माझ्या ग्रॅनीची स्पेशल रेसिपी
कशी काय, कशी काय?

असं कधीच झालं नाही
केक कधीच फसला नाही
तसं व्हायला नको म्हणून
अंकल कधीच बसला नाही

पहिला पीस काढून तो
आधी स्वतः करतो टेस्ट
मग टाळी वाजवून म्हणतो
डॅनियल यू आर द बेस्ट

- रमा

ऑल इज वेल

Submitted by निशिकांत on 27 April, 2019 - 01:07

---( संगणक, मोबाईलवर प्रचलित असलेले शब्द वापरून एखादी हलकी-फुलकी कविता करावी असा विचार केला; पण विषयाच्या गांभिर्याने पाठ सोडलीच नाही. आज अनुभवतोय की कवितेवर कवीची मनमानी चालतच नाही. ती बंडखोर असते. शेवटी बनलेली कविता जी मी मूळात योजिली नव्हती; ती अशी:- )

मृत्यू हल्ली दारावरची
दाबत असतो बेल
बंडखोर मी तरी सांगतो
जगास, ऑल इज वेल

दु:ख वेदना नको नकोशा
सर्व जगाला तरी
कुरुवाळत मी जोजवल्या त्या
सख्या सोयर्‍यापरी
सर्व सुखांचा केला होता
ओ.यल.यक्स. वर सेल
बंडखोर मी तरी सांगतो
जगास ऑल इज वेल

दोष कुणाचा हा...

Submitted by मंगेश सराफ on 26 April, 2019 - 08:27

जुने प्रियकर प्रेयसी भेट भेटल्यानंतर...

दोष कुणाचा...

भाबड्या या मनाने
केला हळू इशारा
नजरेत ती येता
जुनाच खेळ सारा

होते अधीर मन हे
शोधीत तिचा सहारा
तिच्या त्या हसण्याने
आला अंगावरी शहारा

ती भेटता नव्याने
गेला म्हणुनी मज वारा
उजळूनी हा निघाला
आज आसमंत सारा

साक्षीदार या क्षणांना
कुणी नको मज न्यारा
दृष्ट लावेल पण कदाचित
नभातिल हसूनी तो तारा

होताच वेळ विरहाची
येतील नयनात धारा
सवय दोघां या अभिनयाची
दोष कुणाचा हा सारा??

विचार

Submitted by प्रांजली गौतम क... on 26 April, 2019 - 06:25

विचार
मन आपलं कधीच पूर्ण शांत नसतं,
कोणत्या ना कोणत्या विचारांचं
काहूर माजतं असतं.
स्वप्नाळू दुनिया रंगीन मोठी असते,
विचारांच्या वादळाला मात्र
कधी तीही अपवाद नसते.
शून्य मनात...
मन शून्यत्वाचा विचारच करते,
विचारांच्या गतीला तर
इथेही काही स्थिरता नसते.
भावना-विवशता मोठी चमत्कारीक असते,
विचारांच्या वाक्यांना इथे
शब्दांचीच काही जोड नसते.

शब्दखुणा: 

Pages

Subscribe to RSS - काव्यलेखन