सर्व पीठे, ओवा, पालक, कोथिंबीर, गाजर, मीठ एकत्र करुन १ चमचा तेल व पाणी घालुन भज्याच्या पीठापेक्षा थोडे पातळ भिजवावे.

३-४ थेंब तेल नॉनस्टिक तव्यावर घालुन तवा गरम करावा. १ मोठा डाव पीठ घालुन फुलक्याच्या आकाराची धिरडी करावीत. तेल फक्त पहिले धिरडे करताना घालावे. नंतर प्रत्येक धिरड्याला फक्त पाणी शिंपडावे.

धिरडे जरा कोमट झाल्यावर चार तुकडे करावेत. ब्रेड आवडीप्रमाणे भाजुन घ्यावा. इलेक्ट्रिक टोस्टर असेल तर तेल्/तुप्/बटर न घालता छान टोस्ट होतो. ब्रेडवर कोबीचे पान, टोमॅटोची चकती लावावी. मग ब्रेडच्या प्रत्येक कडेला एक असे धिरड्याचे चतकोर तुकडे लावावेत म्हणजे खाताना प्रत्येक घासाला सारखीच चव येते. वरुन चीझ स्लाइस आणि दुसरा ब्रेड लावले की सँडवीच तयार.

कृती - एका भांड्यात जवसाची पूड आणि १ चमचा पाणी घेउन २-३ मिनीटे नीट फेटा. त्यात साखर, गाजर, वेलदोड्याची पूड, मीठ, घालून मिसळावे. त्यात सगळी पिठे घालून नीट मिसळावे. वरुन १ कप पाणी घालुन साधारण भज्याच्या पिठाइतपत पातळ होउ द्यावे. वरुन बेकिंग सोडा घालून चमच्याने भराभर फेटावे. मिश्रणाला थोडे बुडबुडे येतील. तवा तापवुन मोठ्या पळीने एक पळी पीठ तव्यावर घालावे. डोश्याला पीठ पसरतो तसे पसरु नये. वरील बाजुने कोरडे झाले की पॅनकेक उलटावा. असे ३-४ पॅनकेक झाले की त्याचा स्टॅक करुन त्यावर केळ, स्ट्रॉबेरी, वगैरे घालावे. त्यावर मेपल सिरप घालुन खावे. मेपल सिरप नसेल तर मध पण छान लागतो.

** मी इंस्टंट कुकिंग ओट्स मिक्सरमधे बारीक करुन पीठ करते किंवा नॉन फ्लेवर्ड इंस्टंट ओट्मील वापरते. ओट्स नसतील तर गव्हाचे पीठ वापरावे.

पपनस सोलून त्याच्या फोडीची सालं काढून गर सुटा करून घ्यावा. पपनस हे फळ संत्र्-मोसंब्याच्या जातीचं असलं तरी त्याचा गर तुलनेने टणक असतो. आपण डाळींबाचे दाणे काढतो तसे पपनसाचे दाणे रस न गळता निघतात. दिड वाटी पपनसाच्या गरात अर्धी वाटी ओलं खोबरं, बारीक कापलेली हिरवी मिरची, मीठ, साखर आणि थोडा चाट मसाला मिसळून खाण्यास द्यावे.

फ्रुटदोसा:

दोश्याचे पीठ असेल तर तेलावर छोटे अगर मध्यम आकाराचे दोसे घालणे.
हे पीठ नसल्यास थोडा रवा आणि मैदा आणि तांदळाचे पीठ ताकात भिजविणे. (प्रमाण ऐच्छीक. मी १ वाटी तांदळाच्या पीठाला अर्धी मूठ रवा आणि मैदा घालते. चिमुटभर मीठ घालणे. करायच्या अर्धा तास तरी हे पीठ भिजले पाहीजे. तव्यावर तेल पसरून मध्यम जाळावर दोसे/घावन घालणे.
सर्व फळे लहान आकारात कापून घेणे. त्यात वेलचीपूड आणि ड्रायफ्रुट्सची पूड घालणे. फळे गोड नसल्यास साखर किंवा १/२ चमचे फ्रुट्जॅम घालणे.
दोसे किंवा घावनावर हे फळांचे मिश्रण घालून रोल करणे. गरम गरम वाढा.

रोस्टी:
शेवयांना सुचनेप्रमाणे शिजवून घ्या.
कढईत तेल/तूप घालून १/२ चमचा चणाडाळ, उडदाची डाळ, सुक्या मिरच्या, जीरे, मोहरी, कडीपत्ता घालून खमंग फोडणी करा. चिरलेल्या भाज्या, किसून आले आणि चवीपुरते मीठ घाला. अश्या प्रकारे शेवयांचा उपमा करून घ्या.

तव्यावर तेल/तूप पसरा. तेल थोडे गरम झाले की लहान दोश्यासारखे शेवयांचा उपमा पसरा. ह्यात तुमच्या कल्पनाशक्तीला पूर्ण वाव आहे. आवडत्या आकाराचे रोस्टी घाला. खालची बाजु खमंग झाली की लगेच काढा. उपमा आधीच शिजल्यामुळे फार वेळ रोस्ट करू नये. खालून लागायची शक्यता असते. ताटात रोस्टी काढून त्यावर गाजराचा कीस, कोशींबीर किंवा केचपने डोळे/नाक काढून मुलांना द्या.
वरील दोन्ही प्रकार डब्यात द्यायला उत्तम.

हीरवे मूग अदल्या दीवशी रात्री भीजत घालावे. सकाळी mixer मधून थोडे पाणी घालून त्याची बारीक paste तयार करावी. मीर्च्या, आले, कोथींबीर वेगळे वाटून ते वरील paste मधे घालावे. चवीनुसार मीठ, तीखट-हळ्द, आणी बारीक केलेल्या लसूण पाकळ्या घालाव्यात. खुसखूशीत बनवण्यासाठी २ च्मचे तांदुळाचे पीठ त्यात घालावे. paste एक्जीव करुन घ्यावी. आता गरम pan वर तेल लावून छोट्या आकाराची धीरडी घालावीत.

२ min. च्या आत सुरेख खरपूस धीरडे तयार होते, हीरवा रंगाची ही धीरडी खाण्यास रुचकर तर लागतातच पण पोटभरीची सुद्धा होतात.

उकडलेल्या बिटाचे व केळाचे बारीक तुकडे करून बाऊल मध्ये घ्यावेत. त्यात वाटीभर गोड दही, साखर व चिमूटभर मीठ घालून हलक्या हाताने मिक्स करावे व फ्रिजमध्ये ठेऊन द्यावे. जेवणाचे वेळी फ्रिजमधून काढून सर्व्ह करावे.

गाजर व बीट स्वच्छ धुवून कच्चेच किसून घ्यावे. टोमॅटो व कांदा धुवून बारीक चिरून घ्यावा. एका भांड्यात गाजर, बीटचा किस आणि चिरलेला कांदा, टोमॅटो हलक्या हाताने एकत्र करून घ्यावे. त्यात चवीनूसार मीठ व भेळेच्या चटण्या घालाव्यात. एका बोलमध्ये काढून घेऊन त्यावर मटकी शेव व कोथिंबीर भुरभुरवून खाण्यास द्यावे.