१) प्रेशर पॅन किंवा जरा सपाट बुडाचे पातेले घ्यावे. मंद आचेवर ८-९ मोठे चमचे तूपावर ८-९ लवंगा परतून घ्याव्यात.
२) घुतलेला तांदूळ (आधी भिजवून ठेवायची गरज नाही) या तूपावर परतावा.
३) तांदूळ लालसर होऊ लागला की वर दिलेल्या प्रमाणातील नारळाचा चव घालून परतावा.
४) मिश्रण नीट परतले गेले की ६ भांडी पाणी (वर दिलेले प्रमाण) घालून ढवळावे. झाकण घालून भात शिजू द्यावा. अधून मधून ढवळत राहून भाताची कणी शिजली की नाही ते पाहत रहावे.
५) भात शिजत आला की गूळ घालावा (खूप गोड नको असेल तर अर्ध्या किलोतला थोडासा वगळला तरी चालेल.) व ढवळत रहावे.
६) गूळ वितळला की प्रेशर पॅन खाली तवा टाकावा. शेगडीची आच मंदच असू द्यावी.
७) आता मिश्रणात केशरकाड्या + काजू + पिस्ता + बदाम चे तुकडे + बेदाणे + वेलची पावडर (किंवा एव्हरेस्ट ची दूध मसाला पावडर) टाकावे आणि ढवळावे.
८) पुन्हा झाकण घालून भात मंद आचेवर शिजू द्यावा.
९) साधारण १० मिनिटांत भात शिजेल. अधून मधून झाकण काढून ढवळायला हरकत नाही.

शेंगांचे एक इंचाचे तूकडे करून सोलून घ्या. वरची साल शक्य तितकी काढा. तेलाची फोडणी करुन, त्यात मेथी तळा, ती गुलाबी झाली कि मोहरी टाका, जिरे टाका, हिंग हळद टाकून, गॅस मंद करुन शेंगांचे तूकडे टाका. परतून सगळीकडून सोनेरी करुन घ्या. लाल तिखट व साखर घाला. व्हीनीगर घालून, उकळा. रस दाट झाला व तेल दिसू लागले कि बंद करा. अगदी थंड करा मग बाटलीत भरा.

शेंगांचे बोटभर लांबीचे तूकडे करून घ्या. कांदा उभा पातळ चिरुन घ्या.
तेलाची हिंग हळद जिर्‍याची फोडणी करुन घ्या.
त्यावर कांदा टाकून लालसर करुन घ्या. त्यावर शेंगाचे तूकडे टाकून जरा परता,
मग त्यावर तीन चार कप पाणी टाका. उकळी आली, कि गॅस मंद करुन, अर्धवट
झाकण ठेवून, शेंगा शिजवून घ्या.
मग त्यात आमसूले व लाल तिखट टाका. (तिखट हवे तर कांद्याबरोबर परतूनही घेऊ
शकता, पण ते करपणार नाही, याची काळजी घ्या.)
जरा उकळले कि गूळ घाला, तांदळाचे पिठ थोड्या पाण्यात मिसळून टाका व रस
दाट झाला, कि उतरा.
भातावर घेता येते, किंवा नूसतेही पिता येते.

प्रथम शेवग्याचा पाला काढुन धुवुन चिरुन घ्यावा. मग तव्यावर थोडा भाजावा. आता तेलावर लसुण टाकुन मिरची, कांदा, हिंग, हळद घालावे वरुन शेवग्याचा भाजलेला पाला घालावा परतुन थोडा वेळ शिजवावा. भाजलेला असल्यामुळे जास्त शिजवण्याची गरज नसते. मग मिठ, साखर, खोबर घालून थोड परतवुन गॅस बंद करावा.

श्रावणी सोमवारी ह्या दिंड्याच्या पानावर जेवण्याची प्रथा आहे. ह्या दिंड्याच्या कोवळ्या फांद्या म्हणजे देठे सोलुन कडधान्याच्या भाजी आमटी किंवा कोलंबी मध्ये टाकतात.

-मटणाला हळद आणि मीठ लावून थोडावेळ ठेवून मग धुवून घ्यावे.

-पहिल्या वाटणासाठी दिलेले जिन्नस बारीक वाटून घ्यावेत. मटणाला मीठ, हळद, चमचाभर तिखट आणि पहिले वाटण लावून अर्धा तास मुरत ठेवावे.

- जाड बुडाच्या पातेल्यात तेल किंवा तूप घालून तापल्यावर हिंग, खडा मसाला, तमालपत्र टाकून मग चिरलेला कांदा टाकून परतावे. मटणाचा रंग बदलू लागला की २ वाट्या पाणी घालून झाकण ठेवावे.

- मटण थोडे शिजल्यानंतर दुसरे वाटण घालावे, आवडीनुसार अजून तिखट, प्रमाणात मीठ घालावे. वाटीभर पाणी घालून आणि उकळी आणावी, नंतर मटण पूर्ण शिजेपर्यंत मंद आचेवर शिजवावे. मटण पूर्ण शिजवून घेऊन दुसरे वाटण घातले तरी चालते पण घातल्यावर पुन्हा नीट उकळी आणावी. रस्सा अति दाट किंवा पातळ नको. त्याप्रमाणे पाणी वापरावे.

सुरणाचे देठ हे आमटीत, कोलंबीच्या कालवणात, वाटाणा, बिरड्यात घालतात. हे सुरणाप्रमाणे खाजणारे असते. त्यामुळे ज्या पदार्थात टाकायचे त्यात आंबट घालावे लागते. ऋषीपंचमीच्या दिवशी जी भाजी केली जाते त्या भाजीतही ह्याचा देठ वापरतात.

ह्याच सुरणाला खाली कंद लागतो. त्याचा उपयोग भाजी, उपवासाचे पदार्थ करण्यासाठी होतो.

१. शेंग्यांचे कडेचे धागे काढून टाकावेत आणि शेंगा स्वच्छ धुवून निथळून घ्याव्यात.
२. शेंगांचे १/२ सेंटीमिटर जाडीचे तुकडे कापावे.
३. कांदा वापरणार असाल तर ते देखील बारीक कापून घ्यावा.
४. तेलाची नेहेमीप्रमाणे फोडणी करावी. त्यात कांदा आणि लसूण नीट परतून घ्यावा.
५. त्यावर कापलेले बीन्स घालून साधारण ३-४ मिनीटे मध्यम गॅसवर परतावे.
६. गॅस बारीक करून अगदी २-३ टेबलस्पून पाणी घालून झाकण ठेवून भाजीला एक वाफ आणावी.
७. त्यावर मीठ, कांदा-लसूण मसाला घालून नीट हलवावे. भाजी शिजली नसली तर १-२ टेबलस्पून पाणी घालून पुन्हा एक वाफ काढावी.
७. भाजी नीट कोरडी करावी. वरुन दाण्याचे कूट, चिरलेली कोथिंबीर घालून भाकरी-चपातीबरोबर गरम गरम खावी.

याचाच एक पातळ भाजीसारखा प्रकार करतात. त्यासाठी थोड्या जून शेंगा सोलून त्यातले दाणे काढायचे. थोड्या चिरलेल्या शेंगा असे घेतात. जास्तीचे साहित्य म्हणजे लसूण-खोबर्‍याचा गोळा, आमसूल आणि गूळ. लसूण फोडणीत न टाकता भाजी उकळताना घालतात. भाजी अर्धवट शिजली की अमसूल-गूळ घालून उकळायचे. हा प्रकार गरम भातावर अप्रतीम लागतो.

मायाळूच्या भजीची पाककृती :
मायाळूची पाने आख्खी स्वच्छा धुवुन घ्यावीत. मग तेल सोडून साहीत्यात दिलेले सगळे जिन्नस थोडे पाणी घालून मिक्स करावे. थोडे घट्टच ठेवावे. बटाट्याच्या भजीला ठेवतो तसे. मग मायाळूचे एक एक पान भिजवलेल्या पिठात बुडवुन गरम तेलात सोडावे. गॅस मिडीयम ठेवाव. थोड्या वेळात भजी पलटून मग भजीला किंचीत लालसर रंग आला की काढाव्यात.

मायाळूच्या भाजीची (भगरा) पाककृती :
प्रथम कढईत वरील फोडणी द्यावी मग कांदा घालून थोड परतवुन हळद, हिंग मिरची किंवा मसाला घालावा. त्यावर मायाळूची चिरलेली पाने घालावीत. आता थोडावेळ पाने शिजवुन मग त्यात कोरडेच बेसन भुरभुरावे. मग त्यात गोडा मसाला, मिठ साखर घालून वाफेवर शिजू द्यावे. गॅस मंद ठेवावा नाहीतर खाली लागते. बेसन शिजले की गॅस बंद करावा.

प्रथम कढईत तेलात लसणाची फोडणी द्यावी मग त्यातवर मिरची, हिंग, हळद घालून थोडे परतून चिरलेली कोरांटीची भाजी घाला. वर झाकण ठेउन थोड्या वेळाने परता. आता त्यात मिठ व साखर घालून थोडावेळ वाफेवर ठेवा. मग त्यात ओल खोबर घालून थोड परतुन गॅस बंद करा.