दिवाळीच्या दिवशी उटणी, अभ्यंगस्नान, फराळ, फटाके, आप्तेष्टांच्या/इष्टमित्रांच्या भेटीगाठी या सर्वांच्या बरोबरीने आपण उत्सुकतेने ज्याची वाट पाहता, तो 'हितगुज दिवाळी अंक २०११' आपल्यापुढे सहर्ष सादर करत आहोत.

गणेशोत्सवातील सर्व स्पर्धा-सांस्कृतिक कार्यक्रमांत उत्साहाने सहभागी झाल्याबद्दल सर्व मायबोलीकरांचे आम्ही मनापासून आभारी आहोत. तुमची मनमोकळी दाद-प्रतिसादच संयोजकांचा उत्साह वाढवत होते. परंपरेप्रमाणे हा गणेशोत्सव देखिल श्राव्य व लिखित सांस्कृतिक कार्यक्रमांनी भरगच्च होता.

एक उत्तम गीतकार, पटकथालेखक, संवादलेखक, व्यंगचित्रकार, छायाचित्रकार आणि अभिनेता - त्यांच्याच शब्दांत सांगायचं तर 'कौतिक सांगू किती पठ्ठ्या बहुगुणी!' असलेल्या गुरु ठाकुरांशी थोड्या गप्पा मारू.