ओवन ४०० फॅ. ला तापत ठेवावा. कुकी ट्रेला फॉइल लावून घ्यावी.फॉइलला तेलाचा हात लावावा.
कांद्याचे साल काढून त्याच्या साधारण १/४ इंचाच्या चकत्या कापाव्यात. या चकत्या हाताने वेगळ्या करुन त्यातील मोठ्या आणि मध्यम आकाराच्या रिंग्ज घ्याव्यात.एका बोल मधे १/२ कप दही काट्याने फेटून घ्यावे. दुसर्‍या बोलमधे कॉर्नमिल, ब्रेडक्रंब्ज, तिखट, मीठ एकत्र करावे. यातील निम्मे मिश्रण बाजूला ठेवावे.
कांद्याची रिंग दह्यात बुडवावी. सगळ्या बाजूने दही लागले की काट्याने उचलून ब्रेडक्रंब्जच्या मिश्रणात टाकावी. बोल हलवून मिश्रण रिंगला लावून घ्यावे. दुसर्‍या कोरड्या काट्याने रिंग उचलून तयार ट्रेवर ठेवावी.
अशा सगळ्या रिंग्ज ट्रेवर लावाव्या. साधारण एका कांद्यानंतर मिश्रणात गुठळ्या होतात. असे गुठल्या झालेले मिश्रण टाकून द्यावे आणि बाजूला ठेवलेले मिश्रण वापरायला घ्यावे. रिंग्जवर तेलाचा स्प्रे मारून ट्रे तापलेल्या ओवनमधे १५-१७ मिनिटे ठेवावा. गरम गरम रिंग्ज सर्व कराव्या.

१. प्रथम शेवग्याच्या शेंगा स्वछ धुवून पुसून घ्या. सुरीने ह्लके साल काढा. पूर्ण साल काढू नका. दोन ईंचाचे तुकडे करा.
२. चिंच १ कप पाण्यामध्ये भिजत ठेवा.
३. कढईत १५० ग्राम तेल ओतून चांगल तापवून घ्या, त्यात शेवग्याच्या शेंगाचे तुकडे लालसर रंग येई पर्यत तळून बाजूला काढून ठेवा. उरलेल तेल लोणच्यात वापरावे.
४. चिंचेचा रस काढून गॅसवर ५ मिनट गरम करावा.
५. एका पातेल्यात उरलेल तेल, शेवग्याच्या शेंगाचे तळ्लेले तुकडे, मोहरीची डाळ, मिरची पावडर, मीठ, चिंचेचा रस सर्व एकत्र मिक्स करा.
६. मिश्रण पूर्ण थंड झाल्यावर काचेच्या बरणीमध्ये भ्र्रून ठेवा.

१ चमचा तेलाच्या फोडणीत जिरे घालुन वाटलेली मुगडाळ मंद आचेवर परतुन घ्यावी..झाकण ठेवुन एक वाफ आणावी मीठ,धने-जिरे पुड घालावे..परतुन घ्यावे..थोडीशी कोथिंबीर घालावी..थंड करण्यासाठी दुसर्‍या भांड्यात काढुन ठेवावी..
बटाटे उकडुन त्याची साले काढुन ते तळहातावर दाबुन,कुस्करुन घ्यावे..
दही ,अमचुरव एक चमचा तुप एका वाटीत चमच्याने कालवुन घ्यावे..
फोडणी साठी तुप गरम करायला ठेवावे
अर्धे तुप एका वाटीत काढुन ठेवावे..या गरम तुपात काश्मिरी तिखट घालुन एकदा छान ढवळावे..
फोडणी मधे पंचफोडण ,हळद घालुन गॅस बारीक करुन मिरच्याचे तुकडे ,किसलेले आले घालावे..एकदा परतुन त्यात दही मिश्रण घालुन परतावे..
कोथिंबीर घालावी लगेच कुस्करलेले बटाटे घालुन मिश्रण छान परतावे..
रसदार भाजी करण्यासाठी पाणी घालावे..
एक उकळी आली कि त्यात काश्मिरी तिखट घातलेले तुप टाकावे.व एकदा भाजी ढवळावी..
वरुन कोथिंबीर घालावी..
आता कचोडी बनवायची..
नेहमीच्या साध्या /तिखट/ओवा/मेथी/पालक ,अशा कोणत्याही पुर्‍या चालतील पण ही कचोडी वाली पुरी असली तर तोपासु..यात विशेष मेहनत नाहीये व फार चिकित्सा /कलाकुसर पण नाहीये.
पुरीपेक्षा मोठी लाटी घेवुन त्यात पाव चमचा मुग डाळीचे मिश्रण भरायचे..थोडीशी पिठी लावुन पुरीसारख्या आकारात लाटायचे..गरम तेलात या कचोडया तळायच्या..
डुबकीवाल्या आलु बरोबर गरम कचोडी सोबत भरपुर सलाद..बनारसच्या थंडीतला हा एक खास मेनु आहे..
अजुन एक याच्या बरोबर तिखट शेव तोंडी लावायला असली तर स्वाद जास्तच वाढतो..
.

.

तीळ आणि शेंगदाणे खमंग भाजून थंड झाल्यावर मिक्सरमधून काळजीपूर्वक हळूहळू फिरवत अगदी बारीक कूट - पावडर - करून घ्या.
सगळे जिन्नस मायक्रोवेवप्रूफ भांड्यात एकत्र करून व्यवस्थित मिसळून घ्या. गुठळ्या राहू देऊ नका.
मायक्रो मोडवर हाय पावरला तीन (एक+एक+एक) मिनीटांसाठी ठेवा. एकेका मिनिटानंतर भांडं बाहेर काढून मिश्रण व्यवस्थित ढवळून घ्या. त्यानंतर हे मिश्रण साधारण दीड मिनीटासाठी (३० सेकंद + ३० सेकंद + ३० सेकंद) पुन्हा मायक्रोवेवमधे ठेवा. मिश्रण साधारण आळले की तूप लावलेल्या ताटात थापा. सजावट करा आणि थंड झाल्यावर बर्फ्या कापा.

एका मोठया बाऊल मधे तेल,दुध,मिरची-आले पेस्ट,मीठ, साखर ,हळद घालुन मिश्रण ढवळुन घ्यावे..
आता कांदा,रवा,बेसन व बेकिंग पावडर घालुन मिक्स करा..
काजु-बदाम व मेथीची भाजी,कॉर्न घालुन मिक्स करा..
बेकिंग ट्रे ला [मोठा ]केक टिन चालेल] तेलाने कोटींग करुन घ्या..त्यात केक मिश्रण टाकुन चमच्याने नीट एकसारखे पसरवुन घ्या..वरुन खोबरे किस पेरा..अगदी हलक्या हाताने किस चिकटेल इतपत दाबा ..
ओव्हन मधे ३५० फॅ.वर सधारण ४५ मिनिटे ते एक तास पर्यंत बेक करा..
थंड झाल्यावर वडयांच्या आकारात कापा..

दोन ताटांना व एका वाटीला खालुन तुपाचा हात लावुन ठेवावा..या ताटात च वडयांचे मिश्रण टाकुन वडया पाडायच्या आहेत..तुप लावल्याने वडया सहज सुटतील..साखरेत पाणी घालुन गॅसवर दोन तारी पाक करावा..सतत ढवळावे..लाडुसाठी करतो तसा पाक करायचा आहे..
पाक तयार झाला कि गॅस बन्द करुन त्यात शेंगदाणा कुट टाकुन ढवळावे .नंतर तीळाचे कुट थोडे थोडे टाकत ढवळावे..सगळे मिश्रण एकत्र ढवळले कि घट्टसर गोळा तयार होईल..
तुप लावलेल्या ताटात मिश्रणाचा अर्धा गोळा टाकुन तुप लावलेल्या वाटीने ताटभर एकसारखा पसरावा..उरलेला गोळा ही असाच दुसर्‍या ताटात पसरावा..त्यावर खोबरा किस भुरभुरावा व वाटीने दाबावा.हे मिश्रण कोंबट असतानाच त्याच्या वडया पाडाव्या

मिरच्या व आले एकत्र मिक्सरमधून वाटून घ्या.

एका पातेल्यात बेसन घेउन त्यात हळद ,मीठ,साखर ,वाटलेल्या मिरच्या-आलं ,मिरीचे दाणे-जाड्सर ठेचून घाला.हळूहळू पाणी घालून मिश्रण भजी-पीठापेक्शा थोडे पातळ करा.चमचाभर तेल घालुन चन्गले ढवळून घ्या.

कूकरमध्ये थोडे पाणी घेउन त्यात एक पाण्याने भरलेला वाडगा ठेवा.
कूकरच्या ड्ब्याला , आतुन तेलाचा हात लावून घ्या.
कूकर मोठया आचेवर गरम करायला ठेवा.

बेसनाच्या मिश्रणात ईनो घालुन मिश्रण चमच्याने चांगले फेटुन घ्या(१).
लगेचच कूकरच्या डब्यात ओतुन , डबा कूकरमध्ये ठेवा(२).कूकरवर मोठे ताट झाकण म्हणून ठेवा.

गरम तेलात हिन्ग , मोहरी घालून फोडणी करून घ्या.

२० मिनिटांनंतर कूकरखालचा गॅस बन्द करून झाकणी बाजूला काढून ठेवा(३).

थोड्या वेळाने कूकरचा डबा बाहेर काढून थंड करायला ठेवा.
त्यावर थंड फोडणी ओता.

ढोकळा थंड झाल्यावर, ओलं खोबरं आणि बारिक चिरलेली कोथिंबीर घालुन तुकडे पाडा (४)

अगदी लुसलुशित होतो असं नाही पण बर्यापैकी हलका होतो .

घरात ईनो आणि बेसन असलं तर पाहुणे कधीही येउदेत......

शिजवलेले सारण थंड होइपर्यंत मैद्याचा पातळ लहान लहान पुर्‍या लाटाव्या..
एका पुरी वर लहान चमचा भरुन मिश्रण ठेवावे.वरुन दुसर्‍या पुरीने झाकुन दोन्ही पुरीच्या बाजु नीट दाबाव्या..बट्टीसारखा आकार दिसेल..हे रसोइयाने सांगितले होते..मी यात थोडा बदल केला एक मोठी पातळ पोळी लाटुन त्याचे चार भाग केले..प्रत्येक भागामधे थोडे सारण ठेवुन.उरलेल्या साइड च्या भागाने झाकुन टाकले..[चौघडी सारखे] मग जाड तव्यावर [एकावेळी ५-६ बटट्या] मंद आचेवर दोन्हीकडुन गुलाबीसर भाजले.
भाजुन झाल्यावर वरुन तुपाचा चमचा फिरवला..
यातल्या काही ओव्हन मधे भाजुन केल्या. वरुन तुप लावले नाही..

साधारण पाऊण वाटी बदाम-काजु चे लहान तुकडे करावे .व उरलेल्याची पुड करावी..
मखाण्याची पुड करावी..
तुपात भिजवलेली मेथीपुड २ -३चमचे भाजलेली कणीक घालुन मिक्सरमधे फिरवुन घ्यावी..आता ही पुड मोकळी होईल..
खोबरे फक्त एकदाच मिक्सरमधे फिरवुन घ्यावे..
गुळ व ३-४ चमचे भाजलेली कणीक मिक्सरमधुन फिरवुन घ्यावी..
फुललेला डिंक व २-३ चमचे कणीक मिक्सरमधुन बारीक करुन घ्यावा..
सगळे जिन्नस एका मोठया पातेल्यात एकत्र करावे वरुन गरम केलेले तुप टाकत ढवळत रहावे..लाडु वळण्याइतपत घट्ट झाले कि मध्यम आकाराचे लाडु वळावे..

तांदूळ-डाळी-मेथी दाणे ५ते६ तास भिजवून, धुवून वाटून घेणे.त्यात दही टाकून किमान ८ते१० तास मिश्रण फरमेंट करणे.त्यानंतर त्यात दुधि, कोथिंबीर, मीठ, साखर, मीरपूड, आले-लसूण- मिरची पेस्ट घालून व्यवस्थित हलवून घेणे.१चमचा तेल गरम करून मोहरी,जीरे, कडिपत्ता, हळद, हिंग,दीड चमचा तीळ,ति़खट टाकुन फोडणी करणे व ती तयार मिश्रणात घालणे.चिमूटभर सोडा टाकून हलवणे. हे मिश्रण आता हांडवा करण्यास तयार.
नॉनस्टिक कढई मधे १ चमचा तेल गरम करून त्यात थोडे तीळ घालावेत व त्यावर लगेच ३ डाव मिश्रण ओतुन कढईवर झाकण ठेवावे.कढई छोट्या गॅसवर एकदम सिम वर ठेवावी व ८ते १० मिनीटाने हांडव्याची खालची बाजू गोल्डन ब्राऊन रंगावर क्रिस्पी भाजून घ्यावी. नंतर हळूवारपणे चमच्याने हांडवा उलटवून दुसरी बाजू परत ७/८ मिनीटे भाजून घ्यावी. थोडेसे गार झाल्यावर त्याचे स्क्वेअर तुकडे करणे.
ह्याच पद्धतीने अजून हांडवे करून घेणे.