पारी-कणिक, मीठ, तेल एकत्र करून, पुरेसे पाणी घालून मऊसर कणिक भिजवून घेणे.
सारण- मटार ब्लान्च करून मिक्सर मधे बारीक करून घेणे. बटाटे उकडून घेणे. एका कढई मधे तेल गरम करून कान्दा परतून घेणे, त्यात बारिक केलेला मटार परतणे.आले, लसूण, मिरची, कोथिम्बिर, पुदिना पेस्ट टाकवी.मीठ, साखर, लिम्बाच रस टाकावा व एक वाफ काढावी. मिश्रण कोरडे झाल्यावर गॅस बन्द करावा.बटाटा कुस्करून त्यात गार झालेले मटाराचे मिश्रण व पनीर एकत्र करावे.
क्रुति- २ मध्यम आकाराच्या पोळ्या लाटून घ्याव्यात.एका पोळीवर सारण पसरून दुसर्या पोळीने कव्हर करावे.पराठा हलक्या हाताने लाटुन घ्यावा आणि नॉन स्टिक तव्यावर तेल सोडुन खरपूस भाजावा.
गरमा गरम पराठा हिरवी चटणी आणि दह्या बरोबर खावा.

१. नेहेमी प्रमाणे कणिक भिजवुन घ्यावी. भिजवताना थोडे तेल व मीठ घालावे.
२. मध्यम आकाराची लाटी घ्यावी.
३. ती लाटी थोडी लाटुन (पुरी एवढी), त्या वर थोडे तुप पसरावे आणि सगळी कडुन लावुन घ्यावे.
४. त्या वर १ चमचा पिठी साखर पसरावी आणि चांगली पसरुन घ्यावी.
५. त्या छोट्या पोळी ची वळकटी वळुन, परत गुंडाळुन त्याची मोठी लाटी करावी.
६. हलक्या हातानी थोड्या पिठी वर ती लाटावी. जास्त पातळ लाटु नये.
७. तव्यावर मंद आचेवर करपु न देता भाजुन काढावी. हवे तर थोडे तुप लावावे.
छान सोनेरी रंगाच्या होतात. गॅस जास्त ठेवला तर करपतात. डब्या साठी उत्तम. मी रात्री कणिक मळुन सकाळी झटपट करुन देते. तुप साखर पोळी पेक्षा चांगले.
खुप खमंग लागतात.

१.गव्हाचे पीठ, बेसन, लाल तिखट, मीठ एकत्र करून नीट मिसळून घ्या.
२. ओवा दोन्ही तळहातांनी चुरडून त्यात घालावा.
३. दोन चमचे कडकडीत तेल तापवून त्यात घाला. पुन्हा मिसळून घ्या. तेल घातल्यानंतर थोडा वेळ थांबा,नाहीतर मिसळताना तेलाने हात भाजण्याची शक्यता...
४. मग थोडे थोडे पाणी घालून घट्ट मळून घ्या. १० मिनिटे झाकून ठेवा.
५. मग पुर्या लाटून मंद आचेवर तळा. मंद आचेवर अशासाठी की, पुरी बराच वेळ तळली गेल्याने कडकडीत होते आणि अशा पुर्या ५-६ दिवस आरामात टिकतात. (प्रवासात न्यायला मस्त!!!)

१. तूप सोडुन बाकी सगळे साहित्य एकत्र करुन त्याचे पिठ मळून घ्या.
२. थोडी जाडसर पोळी लाटा.
३. तव्यावर तूप सोडुन खमंग भाजुन घ्या
४. लगेच सॉस किंवा लोणच्या सोबत खाउन टाका.

वरील पोळी लेकीसाठी केल्याकारणाने त्यात मिरच्या आणि तिखट कमी टाकले आहे.

पराठे

१) एका खोल बोलमधे कांदे किसून घ्या.
२) त्यातच पनीर बारीक किसून टाका. कधी कधी पनीर किसले जात नाही, त्यावेळी ते ब्लेंडरमधून काढून घ्या. पनीरचे गोळे राहता कामा नयेत.
३) त्यातच मीठ, हिरवी मिरची आणि वापरत असाल तर चीज टाका.
४) हलक्या हाताने ते सर्व मिसळून घ्या आणि त्यात थोडी थोडी करत कणीक टाका.
५) पनीरच्या तेलकटपणावर तेल टाकायचे की नाही ते ठरवा.
६) आता त्यात पीठाचा गोळा जमेल इतके पाणी थोडे थोडे करत घाला. जर तुम्हाला कुरकुरीत पराठे हवे असतील तर पिठ घट्ट भिजवा, मऊसर हवे असेल तर थोडे सैल भिजवा. अर्धा तास थांबा.
७) याचे साधारण मोठ्या लाडवाच्या आकाराचे गोळे करा (८/१० गोळे होतील)
८) तांदळाची पिठी लावत घडीच्या चपातीएवढे जाड लाटा (हा पराठा लाटायला सोपा जातो, सारण बाहेर यायची भिती नसते.)
९) अगदी मंद आचेवर भाजत ठेवा. एका बाजूने सोनेरी डाग पडले कि परता.
१०) परत एकदा परतून, वरच्या बाजूवर थोडे बटर वा तूप लावा (कडेने सोडू नका) वर लावलेले बटर वा तूप जिरले की परतून, दुसर्‍या बाजूने लावा.
११) एका ग्लासात, अर्धे ग्लास भरुन पाणी घ्या, व त्यावर हा पराठा अलगद ठेवा. थोडा निवला कि ताटात काढा, पण एकावर एक रचू नका.

मलाई का साग

१) कांदे अगदी बारीक चिरुन घ्या.
२) मंद आचेवर तूपात किंवा बटरमधे परता. गॅस अजिबात मोठा करायचा नाही.
३) टोमॅटोही अगदी बारीक चिरा.
४) कांदा सोनेरी रंगावर आला कि त्यात हळद टाका.
५) मग टोमॅटो टाका. (आता गॅस किंचीत मोठा केला तरी चालेल.)
६) कांदा, टोमॅटो शिजून एकजीव झाले कि त्यात तिखट, मीठ घाला.
७) परतून गॅस अगदी मंद करा व त्यात क्रिम टाका, हलक्या हाताने मिसळा.
८) क्रीम टाकल्यावर जास्त गरम करायचे नाही, नाहीतर तूप वेगळे होते.
९) नुसते गरम होऊ द्या. मग गॅस बंद करा.
१०) जरा निवले कि हिरव्या मिरच्यांचे बारीक तूकडे टाका.

तूप सोडून वरील सगळ जिन्नस हळू हळू पाणी टाकत चपातीच्या पिठाप्रमाणे मळून घ्या. पाणी आधीच जास्त घालू नका कारण पालकाच्या पेस्टचा आधीच ओलसरपणा असतो. मळून झाले की चमचाभर तेल टाकुन त्यातून गोळा मळा म्हणजे पिठ चिकटणार नाही (आता रोज चपात्या करणार्‍या मला म्हणतील ही काय सांगते आम्हाला ? )

आता गोळे करुन पराठे लाटा बघा कशी नक्षी तयार झाली (पुर्वी बांगडीच्या तुकड्यांची अशी नक्षी केलीच असेल तुम्ही)

चला आता तव्यावर टाका आणि भाजताना मस्त साजुक तुपाची धार पसरवा. कसा खमंग वास पसरतो.

सॉस, चटणी कशाही बरोबर खा.

१) बटाटे उकडून सोलून ते जेवायच्या काट्याने मॅश करुन घ्या. (असे केले कि ते चिकट होत नाहीत.)
२) कांदा किसून घट्ट पिळून घ्या. (पिळून काढलेले पाणी मग वापरायचे आहे.)
३) आता तेल वगळून बाकिचे जिन्नस हलक्या हाताने एकत्र करा.
४) मिश्रण थालिपिठाचे पिठ भिजवतो त्यापेक्षा थोडे सैल ठेवा. लागलेच तर कांद्याचे पाणी वापरा.
५) एका नॉन स्टीक पॅनवर थोडेसे तेल टाकून हे मिश्रण हलक्या हाताने थापा. साधारण एक सेमी जाड असू द्या.
६) मग पॅन अगदी मंद आचेवर ठेवा. पाच मिनिटे झाकण असू द्या, मग झाकण काढा.
७) आणखी पाच मिनिटानी पॅन जरा हलवून बघा, खालून सूटलेले असले पाहिजे. (चांगल्या पॅनवर आपसूक सुटेल न सूटल्यासलाकडी उलथन्याने अलगद सोडवा.)
८) त्यावर दूसरे एक पॅन झाकण ठेवा, आणि दोन्ही पॅन्स घट्ट धरुन उलटी करा.
९) आता वरची बाजू खाली असेल, त्या बाजूने पण थोडे तेल टाकून भाजा.
१०) वेजेस कापून खा. सोबत आवडीप्रमाणे चीज, दही, मिरची, केचप वा लोणचे घ्या.

एवढ्या प्रमाणात २० सेमी व्यासाचा आणि एक सेमी जाडीचा एक पराठा होईल, तो चार
जणांना पुरेल.

यावरच चीज टाकून ग्रील करु शकता. आत कोथिंबीर न घालता, वरुन हवे ते टॉपिंग घालू शकता.

१. मैदा आणि कणिक एकत्र करून तेल, मीठ, गरम पाणी घालून पोळीपेक्षा किंचीत सैल कणिक भिजवून घ्या. अर्धा तास झाकून ठेवा. नंतर कणिक चांगली मळून घेऊन पराठ्याइतपत जाडसर पोळ्या लाटून तव्यावर दोन्ही बाजूंनी शेकवून घ्या.

२. उकडलेले बटाटे सोलून हातांनीच छोटे छोटे तुकडे करून घ्या. पूर्ण गुळगुळीत मॅश करू नका, खाताना मधेमधे किंचीत फोडी तोंडात लागणं अपेक्षित आहे. त्यात मीठ, तिखट, गरम मसाला, आमचूर पावडर घालून व्यवस्थित मिसळून घ्या. कबाबांसारखे लांबुळके आकार देऊन तव्यावर किंचीत तेलावर शेकवून घ्या. खमंग परतवू नका. वळलेला कबाब फुटू नये म्हणून फक्त शेकवून घ्यायचे आहे.

३. सोया सॉस आणि व्हिनेगर एकत्र मिसळून घ्या. आवडत असल्यास त्यात हिरव्या मिरच्यांचे बारीक तुकडे घाला.

४. शेकवून घेतलेली पोळी गरम तव्यावर तेल सोडून दोन्ही बाजूंनी खमंग भाजून घ्या. पोळी तव्यावर असतानाच त्यावर एक - दीड चमचा सोया-व्हिनेगरचे मिश्रण लावून घ्या. तयार केलेला कबाब, मसाला डोश्यातल्या मसाल्याप्रमाणे व्यवस्थित चपटवून पोळीवर बसवा. दोन चमचे चिरलेला कांदा त्यावर घाला. पूर्ण पोळीवर चमचाभर चाट मसाला भुरभुरवा. पोळीची घट्टा गुंडाळी करून टिश्यू पेपर लावून गरम गरम खाण्यास द्या.

गोळवलकरकाकूंकडे गेले होते. डवरलेला हिरवागार बगीचा! रमाशी गप्पा मारत बसले होते. 'जाताना ओव्याची पानं घेऊन जाशील गं भजी करायला' काकूंचा प्रेमळ आदेश. पाने तर खुडली पण भजी कशी करायची हे कुठे माहित होते अर्थात काकुंनाच पाकृ विचारली. अगदी सोप्पी कृती. घरी येऊन लगेच करायची ठरवलं. वरूणराजालाही मनापासून साथ द्यावीशी वटली म्हणूनच की काय सतत दोन दिवस पडूनही त्याला विश्रांती घ्यावाशी वाटली नाही. मनात ठरवल्याप्रमाणे घरी येऊन लगेच केली. घरच्यांनी आश्चर्याने तोंडात बोटे घालण्याऐवजी भजी घातली. असो! भजी अप्रतिम लागतात.

कृतीः नेहमीप्रमाणे डाळीच्या पीठात पाने घोळवून भजी तळून गरमागरम सॉस बरोबर खावी
उरलेली पाने व मिरच्या वाटून पीठांमध्ये मिसळून पालकपराठ्याप्रमाणे पराठे तीळावर लाटून शेकावे. वेगळ्या पण छान चवीचे पराठे!

भाकरी

१) एका बोलमधे तांदळाचे पिठ घ्या व त्यात मीठ घाला.
२) कपभर पाणी उकळत ठेवा.
३) तादळाच्या पिठावर एका हाताने उकळते पाणी थोडे थोडे घाला (सगळे लागणार नाही.)
४) चमच्याने भरभर घोटत रहा. पिठल्यापेक्षा घट्ट असू द्या.
५) मग त्यात कणीक घालून मळा, थोडे तेल लावून चांगले मळा.
६) मऊसर गोळा होईल.
७) आता प्लॅस्टीकच्या कागदावर हाताने गोल थापा. दोन कागदांच्या मधे ठेवून हलक्या हाताने लाटले तरी चालेल.
८) मंद आचेवर हि भाकरी टाका. पाणी लावायची गरज नाही. दोन्ही बाजूने भाजून घ्या.

पालेभाजी साठी

१) भाजी नीट करुन, धुवून, चिरुन घ्या.
२) डाळ धुवून घ्या, व जरा वेळ भिजत ठेवा. मिरच्या व लसणाचे तूकडे करा.
३)कूकरमधे किंवा प्रेशरपॅन मधे तेलाची फोडणी करुन, त्यात मिरच्या व लसूण टाका.
४) ते परतून त्यावर डाळ टाका व जरा परता. किंचीत हळद टाका.
५) मग त्यावर पालेभाजी टाका. जरा परतून थोडे पाणी घाला.
६) झाकण ठेवून, प्रेशर आल्यावर चार मिनिटे शिजवा. (शिट्या मोजायची गरज नाही)
७) प्रेशर गेले कि झाकण उघडा. मीठ टाका व पाणी आटवून टाका.
८) वरुन दाण्याचे कुट टाकून परतून घ्या.

लसणाच्या चटणीसाठी

१) पॅनमधे तेल गरम करुन हिंग आणि गार्लिक पावडर किंवा लसुण टाका.
२) गॅस बंद करुन त्यात लाल तिखट टाका, व ढवळा.
३) पीनट बटर किंवा कूट टाका, हवे असेल तर मीठ टाका(पीनट बटरमधे मीठ असते.)

मी जरी वेगवेगळे लिहिले असले तरी, हे भाजी भाकरी एकाचवेळी करता येते. भाकरीच्या तव्यातच चटणी करता येते.