६ लिबे चांगली धूऊन पुसुन घ्यावीत. त्याच्या नेहमीप्रमाणे १ लिंबाच्या ८ याप्रमाणात फोडी कराव्यात.
नंतर त्यात साधारण १ चमचा मीठ, १ छोटी वाटी साखर घालुन मिक्स करुन बरणीत भरुन ठेवावे. नंतर
१५ दिवसांनी त्याला रस सुटलेला दिसेल. फोडी चिरतानाच त्यातील सगळ्या बिया काढुन टाकाव्यात.
व १/२ चमचा तिखट घालुन ते सर्व मिश्रण मिक्सर मधुन काढुन घ्यावे. अगदी चटणी वाटल्याप्रमाणे
बारीक करुन घ्यावे.झाले मस्तपैकी उपवासाचे लोणचे तयार. आंबट-गोड असल्यामुळे लहान मुले पण
आवडीने खातात. व संपुर्ण वाटल्यामुळे लिंबाची साले पण वाया जात नाहीत.
फक्त १ काळजी घ्यावी लागते कि एखादी बी जर राहीली तर ते कडु होण्याची शक्यता असते. म्हणुन
काळ्जीपुर्वक सगळ्या बिया काढाव्यात. उपवासाला खिचडीबरोबर छान लागते.
अगदीच १५ दिवसांनी जमले नाही तर १ महिन्यांनी जरी मिक्सरमधुन काढले तरी चालते. नंतर फ्रिज मधे
ठेवावे. जसे जसे मुरेल, तसे सुंदर लागते.

१. साबुदाणा मंद आचेवर थोडासा भाजुन घ्यावा.
२. गार झाल्यावर मिक्सरवर पीठ करुन घ्यावं. (हा कुटाणा वाचवायचा असेल तर सरळ साबुदाणा पीठ विकत आणावं.)
३. बटाटे उकडुन, सोलुन घ्यावे.
४. उकडलेले बटाटे किसणीने किसुन घ्यावे.
५. त्यात साबुदाणा पीठ, लाल तिखट, भरड वाटलेलं जीरं आणि चवीप्रमाणे मीठ घालुन व्यवस्थित मळुन घ्यावं.
६. झीपलॉकची पिशवी तीन बाजुंनी कापुन त्यात एक एक लाटी घेवुन पापड लाटुन घ्यावे. गरज वाटल्यास पिशवीला/ लाटीला तेलाचा/ तुपाचा हात लावावा.
७. कडकडीत उन्हात २ दिवस पापड वाळवावेत.
७. तेलात/ तुपात तळुन गट्टंम करावे.

हा फोटो,

सुरणाच्या चकत्या पाडून साल काढा म्हणजे साल काढायला सोप्पे जाते.
मोठ्या चकतीचे कापुन त्रिकोण करा.
ह्या त्रिकोणांना चिंचेचा कोळ करुन त्यात पाणी घालुन सुरण उकडून घ्या. उकडल्यावर भांड्यातले पाणी काढून सुरणाच्या फोडी ताटात काढा. त्याला मिठ चोळा. पॅनवर तुप किंवा तेल टाकुन खरपुस भाजुन घ्या.

१. बटाटे स्वच्छ धूवून घेऊन 'साले न काढता' त्याच्या मध्यम आकाराच्या फोडी कराव्यात.
२. जाड बूडाच्या भांड्यात तेल आणि जिर्‍याची फोडणी करावी.
३. आता त्यात बटाटे आणि चवीपुरते मिठ टाकून मोठ्या आचेवर बटाटे शिजू द्यावेत. झाकण ठेवू नये. अशाप्रकारे बटाटे शिजायला साधारण १० मिनीटे लागतील. बटाते सतत हलवत रहावे लागतात.
४. आता बटाट्यांवर लाल तिखट भुरभुरावे आणि पुन्हा निट हलवून घेऊन मंद आचेवर पूर्णपणे शिजू द्यावे. मंद आचेमुळे शिजलेले बटाटे क्रिस्पी होतात.
५. लिंबू पिळून गरम गरमच खायला घ्यावे!

कापलेले करांदे राखेमध्ये घोळवुन तो पातेल्यात आपट्याचा पाला मध्ये मध्ये घालून रचावे. टोपाच्या कडेने करांदे बुडे पर्यंत अलगद पाणी टाकावे आता हे उकळवत ठेवावे. उकळी आली की पाणी काढुन टाकावे (टोपावर झाकण ठेउन टोपाच्या दोन कडांना झाकणा सकट धरुन उतरते धरुन पाणी काढावे). हे पाणि एकुण दोन वेळा काढावे. तिसर्‍या पाण्यात मिठ घालावे व करांदे शिजवुन घ्यावेत. मग हे पुर्ण गार झाल्यावर स्वच्छ धुवुन खायला घ्यावेत.

.

भोपळ्याची पाठ काढुन घ्यावी. त्याच्या साधारण पाटीवरची पेन्सिल असते त्या जाडीच्या आणि दोन पेर लांबीच्या फोडी कराव्यात. कडीपत्त्याची पानं बारीक चिरुन घ्यावीत. हिरव्या मिरच्या आणि खोबरे एकत्र वाटुन घ्यावे. हिंग-हळद-जिर्‍याची फोडणी करुन त्यात मेथी दाणे घालावेत. मेथी लालसर झाली की कडीपत्त्याची पानं घालावीत आणि मग भोपळ्याच्या फोडी घालाव्यात. घाकण घालुन एक वाफ येऊ द्यावी. मग त्यात हिरवी मिरची/खोबर्‍याचे वाटण आणि तीळ घालावेत. आपल्या अंदाजाने मीठ घालावे. झाकण घालुन भाजी शिजवावी. पाणी घालु नये तसेच खूप सपक शिजवु नये. कोथिंबीर आणि नारळ घालुन सजवावी.

१. थोड्या जिर्‍याबरोबर हिरव्या मिरच्या मिक्सरमधून बारीक वाटून घ्याव्यात.
२. कढईमध्ये तूप तापवून त्यात उरलेले जीरे घालून फोडणी करावी.
३. त्यात बटाट्याच्या व सुरणाच्या फोडी घालाव्यात. मग मिरची - जिर्‍याचे वाटण घालून परतावे. झाकण ठेवून वाफ येऊ द्यावी.
४. बटाटा आणि सुरण शिजत आले की त्यात उकडलेले शेंगदाणे घालून परतावे.
५. त्यात दाण्याचं कूट, खोबरं, चिंचेचा कोळ घालावा. साधारण भांडंभर पाणी घालून उकळी येऊ द्यावी.
६. चवीप्रमाणे मीठ, साखर घालावे.
७. मिसळ सरसरीतच असावी. गरज वाटल्यास अजुन पाणी घालून एक उकळी काढावी.

खायला देताना डिशमध्ये बटाट्याचा चिवडा घेऊन त्यावर ही मिसळ घालावी. वरून चोचवलेली काकडी आणि कोथिंबीर घालून सजवावे आणि सर्व्ह करावे.

बटाटा किस तुपात तळुन घ्या, खसखस भाजुन घ्या.
किसलेले खोबरे, दाण्याचा कुट, भाजलेली खसखस, तळलेला किस सगळे एकत्र मिक्सर मधे बारीक करुन घ्या. त्यात जायफळ पुड घाला.
गुळामधे २ चमचे पाणी घालुन मंद गॅसवर पाक करा. वरील मिश्रण पाकात घाला व चांगले मिक्स करा.
हाताला तुप लावुन लाडू वळा.

मस्त खमंग लागतात, महाशिवरात्री निमीत्त आजच करा

पपनस सोलून त्याच्या फोडीची सालं काढून गर सुटा करून घ्यावा. पपनस हे फळ संत्र्-मोसंब्याच्या जातीचं असलं तरी त्याचा गर तुलनेने टणक असतो. आपण डाळींबाचे दाणे काढतो तसे पपनसाचे दाणे रस न गळता निघतात. दिड वाटी पपनसाच्या गरात अर्धी वाटी ओलं खोबरं, बारीक कापलेली हिरवी मिरची, मीठ, साखर आणि थोडा चाट मसाला मिसळून खाण्यास द्यावे.