* किंचित तेलात किंवा तुपात शेवया आणि रवा (वेगवेगळा) भाजून घ्यायचा.
* दह्यात मीठ आणि साखर घालून फेटून घेऊन, रवा आणि शेवया यात मिसळून घ्यायच्या. हे मिश्रण अर्धा तास तरी मुरू द्यायचं.
* तेलाची/तुपाची फोडणी करून त्यात डाळी, मोहरी, हिंग, मिरच्यांचे तुकडे, कढीलिंबाची पानं असं सगळं घालायचं. ही फोडणी आता मिश्रणात ओतायची.
* इडल्या लावण्याआधी या मिश्रणात ओला नारळ आणि इनो घालून ढवळायचं.
* इडली पात्राला तेलाचा हात लावून लागलीच इडल्या वाफवायला घ्यायच्या. साधारण २० मिनिटं वाफवायच्या.

२ वाट्या रवा (उपम्यासाठी वापरतो तो जाडसर रवा) बंद डब्यात ठेऊन कुकरमध्ये कोरडाच वाफवून घ्यायचा. ( मी वरणभाताच कुकर लावतानाच रव्याचा डबा पण ठेवते)

१ वाटी उडद्डाळ साधारण चार तास भिजवून वाटून घ्यायची. पाणि फार वापरायचे नाही.

रवा थोडा थंड झाल्यावर पाण्याने धूउन घेउन वाटलेल्या डाळीत मिक्स करायचा.
रवा वाफवून नंतर धूउन घेतल्याने हलका होतो.

चविपुरते मिठ घालून बॅटर रात्रभर (किंवा सहा सात तास) ठेउन द्यायचे. मस्त पिठ फुगते.
इडल्या करण्याआधी एक चमचा तेल आणि एक चमचा पाणी मिक्स करून ते त्या बॅटर मध्ये घालून इडल्या बनवायच्या. मस्त स्पॉन्जी जाळिदार इडल्या होतात.