प्रथम रवा आणि इतर सर्व साहित्य (तेल आणि केळीचे पान सोडून) एकत्र करून घ्या.

त्यामधे लागेल तसे पाणी (असल्यास ताक) घालून घ्या. कन्सिस्टन्सी साधारणपणे घट्ट पिठल्यासारखी आली पाहिजे. खूप पातळ करू नका. सुमारे अर्धा तास पीठ तसेच ठेवून द्या.

नंतर केळ्याच्या पानाला थोडेसे तेल लावून त्याची छोटी तळहाताएवढी रोटी थापून घ्या. (फार मोठे थापल्यास तव्यावर टाकताना मोडेल.)

आता केळ्याचे पान तव्यावर उलटवून घ्या. केळीचे पान काढून घ्या. आणि रोटी दोन्ही बाजूने खरपूस शेकवून घ्या.

नारळाच्या चटणीबरोबर सर्व करा,

शिर्‍यासाठी,
एक टेबलस्पून तूप गरम करुन त्यात रवा भाजायला घ्या. रवा थोडा भाजला गेला कि (वापरत असाल तर ) त्यात मिल्क पावडर घाला आणि दोन्ही मोकळे होईपर्यंत भाजून घ्या. रवा एका भांड्यात काढून घ्या.
मग उरलेले तूप तापवून त्यात मेथीदाणे गुलाबी करुन घ्या. त्यावर बेसन टाकून भाजून घ्या (बेसन जास्त घेतले तरी चालेल.) मग त्यात केळे कुस्करुन टाका व ते बेसनात नीट मिसळून घ्या. मग त्यात रवा टाकून थोडा वेळ कोरडेच परता.
मग त्यात गरम दूध वा पाणी टाका. (पाण्याचे प्रमाण रवा कितपत जाड आहे त्यावर ठरेल)
झाकण ठेवून वाफ येऊ द्या. मग झाकण काढून जरा हलवून घ्या.
मग त्यात साखर घाला. साखर घातल्यावर मिश्रण पातळ होईल, ते जरा कोरडे होईपर्यंत परता. दूध वापरल्याने हा शिरा मऊसरच होईल, अगदी कोरडा होणार नाही.

तयार शिरा असा दिसेल.
=====
भरल्या मिरच्यांसाठी.
भरल्या मिरच्यांसाठी मिरच्या दोन प्रकारे कापता येतील. एकतर उभी चिर द्या किंवा देठाकडची चकती कापून टाका. मग आतल्या बिया काढून टाका.
तेल गरम करुन त्यात जिरे तडतडून घ्या. त्यात तीळ घाला. मग हिंग व हळद घालून बेसन परतून घ्या.
मिश्रण आचेवरुन काढून पुरते थंड होऊ द्या. मग त्यात बाकीचे जिन्नस मिसळा (मिरच्या सोडून) हे सारण कोरडेच ठेवायचे आहे.
सारण असे दिसेल.

सारणात जरा जास्त मीठ घालावे लागेल कारण, मिरच्यांना मीठ लावलेले नाही. मग हे सारण मिरच्यात भरा. फार दाबून भरायचे नाही, कारण हे सारण मग फूगते.
मग या मिरच्या मंद आचेवर तेलात परतून घ्या.

या आहेत तळल्या जाणार्‍या मिरच्या. (आणखी थोड्या खरपूस करुन घ्या )

.

एका मोठ्या बोलमधे रवा, तेल, वेलची पावडर ,बेकींग पावडर,बेकींग सोडा एकत्र करा.
यात साख्रर आणि आंब्याचा रस घालून मिश्रण एकजिव करुन घ्या
बेकींग ट्रे /डिश्/पॅन जराचे तेल लावुन तयार ठेवा
बोलमधले सगळे मिश्रणं बेकींग ट्रेमधे घालून त्यावर बदामाचे काप पसरवा.
ओवनमधे ३७५ डिग्रि फॅरनहाईट्ला २०-२५ मिनिटे बेक करा.
टुथ पिक टेस्ट करुन बघा. केक तयार झाला असेल तर गार झाल्यावर कट करुन खा.

जाड बुडाच्या भांड्यात थोडे तूप घालून रवा भाजायला घ्या. फ़ार गुलाबी करायचा नाही.
शक्य असेल तर खोबरे वाटताना फ़क्त शुभ्र भाग घ्या (मी आळस केला ) रवा भाजत आला
कि त्यात खोबरे घाला. परतत रहा, रवा परत हाताला हलका लागला पाहिजे ( खोबर्‍याचा
ओलेपणा रहायला नको. ) लागेल तसे तूप घालत रहावे.
दुसर्‍या भांड्यात साखर आणि दिड कप पाणी घालून पाक करत ठेवा. सतत ढवळत रहा.
पाकातच केशर किंवा वापरत असाल तो स्वाद घाला. उकळी येउन फ़ेस आला कि गॅस मंद
करा. पाकातला चमचा वर काढून, थोडासा पाक अंगठा आणि पहिले बोट यांच्यामधे धरुन
बोटे हळूहळू लांब करा. एखादी तार दिसायला लागली कि गॅस बंद करा व अर्ध्या कपापेक्षा
थोडा जास्त पाक काढून ठेवा. मग पाकात रव्याचे मिश्रण घालून ढवळा.
दोन तीन तास झाकण न ठेवता मुरु द्या. मग लाडू वळायला घ्या. मिश्रण कोरडे वाटले तर
काढून ठेवलेला पाक कोमट करुन लागेल तसा मिसळा. (रवा किती जाड आहे, यावर किती
पाक लागेल, ते ठरते ) मिश्रण हाताला शिऱ्यापेक्षा थोडे घट्ट लागेल, इतका पाक घाला. लाडु
वळताना, हवे तसे बेदाणे व काजू वगैरे वापरा. (मी भाजलेला काजू लाडूच्या आत ठेवलाय, त्याने
लाडवाचा ओलावा कमी होतो. )

मला रव्याचे लाडू मऊसर आवडतात. (तसे नसले तर रांगोळीचा लाडू खाल्यासारखा वाटतो मला.)
हा लाडु मऊसर होतो. फ़ारसा टिकणार नाही, पण चवीला मस्त लागतो. (फ़्रीजमधे आठवडाभर
राहील. ) या प्रमाणात ५० ते ६० लाडू होतात. (कपाच्या आणि लाडवाच्या आकारावर अवलंबून )