उपक्रम

'जनगणमन' या आपल्या राष्ट्रगीताची शताब्दी साजरी करण्यासाठी, आणि 'जन गण मन' या चित्रपटाचं स्वागत करण्यासाठी मायबोलीवर आयोजित केलेल्या स्पर्धांमधली ही दुसरी परस्परसंबंध ओळखा स्पर्धा!!!

खाली काही चित्रं दिली आहेत. या सर्व चित्रांचा कशाशी संबंध आहे, या चित्रांतून काय लक्षात येते, ते तुम्ही इथे लिहायचं आहे.

घर ते सोसायटीचं मैदान अशा दोन टोकांत सगळं जग वसलेलं आहे, अशी भावना मूळ धरत असतानाच शाळेच्या रुपाने नियतीमॅडम कहानी में ट्विस्ट घालून देतात. नवा गणवेश, नवं दप्तर असा सगळा जामानिमा करुन जेव्हा शाळेत प्रवेश होतो, तेव्हा मात्र पुढं आईला जाताना पाहून दमसासाची आवर्तनं घातली जातात. पण पहिल्यांदा आयुष्यात बाईंचं बोट धरुन नव्या नवलाईच्या जगाला सामोरं जायला आपण तयारही होतो.

काही वर्षांपूर्वी भारत सरकारनं सर्व शिक्षा अभियानाला सुरुवात केली, आणि सगळीकडे ’स्कूल चलें हम’ ऐकू येऊ लागलं. शिक्षण हा प्रत्येकाचा मूलभूत अधिकार, आणि या अधिकारापासून कोणीही वंचित राहू नये, म्हणून स्वातंत्र्याची पन्नाशी उलटल्यानंतर मोठ्या धडाक्यात हे अभियान हाती घेतलं गेलं. या अभियानाची बर्‍यापैकी भिस्त होती ती शिक्षणसेवकांवर. बी.एड.ची पदवी नसलेल्या, पण शिक्षकांचं काम करणार्‍या या पदवीधारक शिक्षणसेवकांमुळेच अनेक लहान गावांमध्ये मुलं गमभन गिरवू शकली.

सह्याद्री पर्वतरांग ही एक अत्यंत मोहमयी चीज आहे. सह्याद्रीच्या दर्‍याखोर्‍यांत भटकायचं व्यसन लागलं की ते इतर तमाम व्यसनांप्रमाणेच सुटता सुटत नाही. गेली काही वर्षे अशी भटकंती केल्यानंतर या भटकंतीमधल्या अनुभवाचा कसा उपयोग करून घेता येईल यावर 'ई-साहित्य प्रतिष्ठान'च्या सुनिल सामंत यांच्याशी गप्पा मारता मारता 'दुर्ग दुर्गट भारी'ची कल्पना सुचली.

यंदाच्या मायबोली गणेशोत्सवात "मायबोली शीर्षक गीत" स्पर्धा घेतली होती आणि त्यात श्री. उल्हास भिडे यांनी लिहीलेल्या गीताची शीर्षक गीत म्हणून निवड झाली. जगभरातल्या मायबोलीकरांनी मिळून हे गायले आहे आणि लवकरच मायबोलीवर प्रदर्शित केले जाईल.

या उपक्रमासाठी वेगवेगळ्या कामांसाठी स्वयंसेवक हवे आहेत.

या गीताबरोबरच "मेकींग ऑफ मायबोली शीर्षक गीत" स्वरुपाचा छोटा व्हिडीओ अथवा पॉवर पॉइंट प्रेझेंट्रेशन तयार करायचे आहे. याचा कच्चा आराखडा तयार आहे त्याच्यावर योग्य ते काम करून एक चांगले प्रेझेंटेशन तयार करायचे आहे. या कामासाठी तांत्रिक मदत करू शकतील असे काही मायबोलीकर हवे आहेत.

मती मंद मुल म्हटल की डोळ्यासमोर येतात ते त्यांचे वेंधळे, वेडेपण, कुणी अगदीच अधू. सर्वसाधारण मुलांपेक्षा वेगळ्या मानसीक विश्वात जगणारी ही मुलं. ही मुल अनाथ किंवा गरीब घराण्यातील असतात असे नाही. दुर्दैवाने हे व्यंग एखाद्या बालकामध्ये येत. कुणाला जन्मापासूनच तर कुणाला घात-पात होऊन. अशा मुलांच्या पालकांना आधार वाटतो तो मतीमंद मुलांच्या शाळेचा. आमच्या उरणमध्ये अशी एक
शाळा आहे ज्या शाळेत उरण शहरातील व आसपासच्या गावातील काही मतीमंद मुले शिक्षणासाठी येतात. त्या शाळेला प्रोत्साहन द्यावे व मुलांना थोडा आनंद द्यावा हया उद्देशाने आम्ही इनरव्हिल ग्रुप ऑफ उरणने अशा शाळेला भेट देण्याचे ठरवीले.

अण्णा हजार्‍यांनी आणि त्यांच्या सहकार्‍यांनी 'जनलोकपाल विधेयक' संमत व्हावं, या मागणीसाठी आंदोलन छेडलं, आणि बघताबघता अख्खा देश या आंदोलनात सामील झाला. उपोषणं, मोर्चे, चर्चा, वादविवाद असं कायकाय घडू लागलं. या आंदोलनाकडे दुर्लक्ष करणं अशक्य होऊन बसलं. या ऐतिहासिक परिस्थितीवर भाष्य करण्यासाठी सुमित्रा भावे आणि सुनील सुकथनकर या दिग्दर्शकद्वयीनं या आंदोलनाच्या पार्श्वभूमीवर 'हा भारत माझा' या चित्रपटाची निर्मिती केली आहे. गोव्यात भरलेल्या भारताच्या आंतरराष्ट्रीय चित्रपट महोत्सवात आज या चित्रपटाचा प्रीमियर शो झाला. मायबोली या विचारप्रवर्तक चित्रपटाची माध्यम प्रायोजक आहे.