रंग

सखी गं

Submitted by तुषार जोशी on 28 January, 2011 - 22:26

तुझे काळे काळे रूप
मला आवडते खूप
तुझ्या रंगात साठली गुंगी गूढ
सखी गं सखी गं सखी गं

तुझ्या रूपाचा प्रभाव
जाणवतो चारी ठाव
काळ्या सावळ्या रंगास किती ओढ
सखी गं सखी गं सखी गं

तुझे असणे केवळ
करी जगणे प्रेमळ
तुझे नसताना आयुष्य अगोड
सखी गं सखी गं सखी गं

तुझे बोलणे लाघवी
रोमारोमात पालवी
तुझे लाजणे जिवास लावी वेड
सखी गं सखी गं सखी गं

(सावळ्या मुलीची गाणी / तुषार जोशी, नागपूर)

गुलमोहर: 
शब्दखुणा: 

फेयर अॅण्ड लवली आणून देना बाबा मला

Submitted by तुषार जोशी on 27 January, 2011 - 19:57

टिव्ही मधे दाखवती गोरे गोरे रंग
क्रीम कोणते मी लावू गोरे होण्या अंग
मला पण हवा माझा चेहरा चांगला
फेयर अॅण्ड लवली आणून देना बाबा मला

तुझा आहे तोच रंग गोड आहे बेटा
रंग बदलण्याचा नको ग आटापिटा
रंग जो मिळाला जन्मताना आपल्याला
तोच रंग छान रंग तोपण चांगला
बागेमध्ये मोगऱ्याची फुले असती ना
गुलाबाची पण असतात काय हो ना
गुलाबाने मोगरा व्हायचे नसते गं
गुलाबाचे वेगळे सौंदर्य असते गं
आवडतेस तू आहे तशीच आम्हाला
रंग गोरा करण्याचा विचार कशाला

गुलमोहर: 
शब्दखुणा: 

मज्जाखेळ [३-५]: रंगाची जादू

Submitted by सावली on 15 December, 2010 - 21:47

वेगवेगळे रंग एकत्रकरून नवीन रंग बनवण्याचा खेळ. लहान मुलांना ही जादुच वाटते.

साहित्य:
सात आठ प्लास्टिकचे पारदर्शक ग्लास. वॉटरकलर्स, पाणी,
किंवा
लाल , निळा आणि पिवळ्या रंगाचे प्लास्टिकचे पारदर्शक तुकडे/कागद

कृती:
ग्लास मध्ये अर्धा ग्लास पाण्यात थोडा लाल रंग मिसळून लाल पाणी करून घ्या.
तसेच वेगवेगळया ग्लास मध्ये पिवळे आणि निळे पाणी करून घ्या.
आता रिकाम्या ग्लास मध्ये वरच्या तीन पैकी कुठलेही दोन रंगांच पाणी अगदी थोडं एकत्र करा आणि कुठला रंग होतो ते बघा.

किंवा
प्लास्टिकचे कागद एका पुढे एका धरून प्रकाशात बघा. कुठला रंग दिसतोय ते बघा.

हे निरीक्षण मुलांसमोरच लिहून ठेवा.

शब्दखुणा: 

माझी दिवाळीची तयारी झाली, तुमची?

Posted
10 वर्ष ago
शेवटचा प्रतिसाद
10 वर्ष ago

यावेळी दिवाळीची तयारी थोडी लवकर सुरू केली होती.
गणपतीच्या वेळी पणत्या चाकावर करणे, त्यांना हवा तसा आकार देणे, त्या वाळवणे, वाळल्यावर भट्टीत भाजणे. भाजून आल्यावर मग घरभर रंगाचा पसारा मांडून हवी तशी मनसोक्त रंगरंगोटी करणे. असे सगळे केल्यावर मग मायबोलीच्या शोनूकडच्या गेटटुगेदरला त्या घेवून जाणे, सगळ्यांना पणत्या विकत घ्या असा आग्रह करणे, आणि त्यांनी पण काही न म्हणता प्रेमाने पणत्या घेणे हे सगळे फक्त मायबोलीमुळेच शक्य आहे.
असा सगळा द्राविडी प्राणायाम केल्यावरचे हे काही फोटो.

१. DiwaliPantyaMB10.JPG

विषय: 

Pages

Subscribe to RSS - रंग