कवी-गणेश पावले

ज्येष्ठ शुद्ध त्रयोदशी, ३४३ वा श्रीशिवराज्याभिषेक सोहळा २०१६ – श्री शिवक्षेत्र, दुर्गदुर्गेश्वर रायगड

दरवर्षीप्रमाणे ज्या क्षणाची आतुरतेने वाट पाहतो तो क्षण म्हणजे ज्येष्ठ शुद्ध त्रयोदशीचा श्रीशिवराज्याभिषेक सोहळा. हा दिवस म्हणजे हिंदवी स्वातंत्र्याचा, रयतेच्या राज्याचा, गुलामगीरीच्या विळख्यात खितपत पडलेल्या हिंदुस्थानात एक मराठा राजा टिच्चून उभा होता आपल साम्राज्य प्रस्थापित करून हा लढवय्या योद्धा आजच्या दिवशी सिंहासनाधिश्वर झाला होता. अर्थात "श्रीशिवराज्याभिषेक सोहळा."

[पुरुषी मनाला विचार करायला लावणार. बाहेर समाजात वावरणारी स्त्री जिच्यावर अत्याचार होतो, जिला त्रास सहन करावा लागतो, ती तुमची आई, बहिण, बायको, मामी, मावशी कोणीही असू शकते. तेंव्हा स्त्रीचा आदर करा. ]

*********************
दुनियेचे जीवघेणे इशारे
आणि लचके तोडण्यास सरसावलेले हात
चौफेर वखवखलेली नजर
आणि अंग चोरून चालणारी ती…
दुनियेच्या खोचक कमेंट सहन करत
कानाडोळा करून, रस्ता कापणारी
थोडी घाबरलेली,
मनात असंख्य विचारांचं काहूर घेवून
एकटी घराबाहेर पडलेली ती….

☼ कीर्तीवंत वीरमंत्र ☼

लढाईस या तयाच्या जरी अंत नाही
कित्येक झाले फितूर तरी खंत नाही
भगव्याशी एकनिष्ठ जो अंश झाला
तया प्रमाण कोणी दूजा राष्ट्रसंत नाही

रणांगनी रक्ताने माखले अंग जरी
शौर्यास ज्याच्या किंचितही भंग नाही
मृत्युस न भीता अवघा रणकंद झाला
तया प्रमाण कोणी दूजा वंद्य नाही

मृत्यूची कधी ना ज्याला खंत वाटे
तोची अमर या भूवरी कुलवंत शोभे
हुंकारातही जयाच्या रणी रंक कापे
तया प्रमाण कोणी दूजा वीरमंत्र नाही

पाठीवर वेदनांचा अलगद घाव आहे
गोड बोलून कुणाचा फसवा डाव आहे

तिजोरी खाली तरी नावात राव आहे
छळतो जवळचाच कोणी चोरून घाव आहे

जाणताच मर्म मनातले त्वरित धाव आहे
फिरताच हात मायेचा जिवात जिव आहे

कोपरयात मनाच्या आज तिचेच नाव आहे
वेशीवर उभा जिथे तिथेच खिन्न गाव आहे

जरी धागा मनात विणला श्रद्धेत देव आहे
कर जोडूनी उभा गणेश भक्तीत त्याच्या भाव आहे

कवी-गणेश पावले
१५\०१\२०१५