लेखन

फेकू दिनाचे आयडॉल,...!

फसवणारे फसवत गेले
फसणारेही फसत गेले
करकरीत सत्य सुध्दा
कुणाला फेकू भासत गेले

प्रत्येकाच्याच मना-मनात
फसवा-फसवीचे स्टॉल झाले
तर कुणी-कुणी फेकू दिनाचे
इथे चक्क आयडॉल झाले

विशाल मस्के
सौताडा, पाटोदा, बीड.
मो.९७३०५७३७८३

साम दाम दंड भेद

आमच्या घामाला दाम नाही
हे रामा, आता जगण्यात राम नाही

किती हि कष्ट केले तरी
कनवटीला छदाम नाही
नियतीला पण काही ना वाटे
परिस्थितीशी साम नाही

अहोरात्र धडपडतो पण
वेदनेला बाम नाही
भरल्या गोकुळात भरकटतो
भेटत अजून श्याम नाही

गतजन्मीच्या कर्माचा दंड हा
ह्यात काही भेद नाही
जगण्याशिवाय तरी आता
या जगात दुसरे काम नाही

राजेंद्र देवी

ही कादंबरी नुकतीच वाचली.

(टिप : ह्या भागात थोड़ी शिविगाळ आहे!!! टिपिकल अकादमी शिव्या)

फसवा-फसवी दिन,...

आपण फसु नयेत म्हणून
कुणी तयारीत बसले जातात
हलगर्जीपणामुळे कधी
कुणी सहज फसले जातात

कुठे फसवल्याचा हर्ष तर
कुठे फसल्याचा शीन असतो
फसणार्‍या अन् फसवणारांचा
हा फसवा-फसवी दिन असतो

विशाल मस्के
सौताडा, पाटोदा, बीड.
मो.९७३०५७३७८३

डान्स बार कोठडी,..!

कायद्याचे रक्षकच कधी
इथे कायद्याला तडा देतात
अधिकाराच्या गैरवापराने
कायद्याचीच पीडा होतात

जबाबदार व्यक्तीकडूनही
कधी कर्तव्याची नाकर्ती होते
अन् आरोपींना ठेवण्यासाठी
कुठे डान्सबारची पार्टी होते,.!

विशाल मस्के
सौताडा, पाटोदा, बीड.
मो.९७३०५७३७८३

अंधश्रध्देच्या हद्दी,...

समाजामध्ये वावरताना
चारित्र्यवान शक्कल पाहिजे
आपण काय बोलावे याचीही
प्रत्येकाला अक्कल पाहिजे

जरी विज्ञानवादी विचाराच्या इथे
कुणी संकल्पना मांडल्या आहेत
तरी अंधश्रध्दा पसरविण्याच्याही
कुणी हद्दीच ओलांडल्या आहेत

विशाल मस्के
सौताडा, पाटोदा, बीड.
मो.९७३०५७३७८३

कायद्याचा धाक,...

निवडणूका म्हटलं की
कुणाचा तोल जाऊ शकतो
कधी प्रचारातुन आचाराचा
संहिता भंगही होऊ शकतो

मात्र प्रसंगावधान बाळगत
वर्तनुकीत ना बाक पाहिजे
कायदा आणि सुव्यवस्थेसाठी
कायद्याचाही धाक पाहिजे

विशाल मस्के
सौताडा, पाटोदा, बीड.
मो.९७३०५७३७८३

हाकालपट्टी,...

कुणा-कुणाकडून काही गोष्टी
स्वत:पासुनच भटकू शकतात
कुणा-कुणाच्या काही गोष्टी
कुणा-कुणाला खटकू शकतात

मात्र भटकणारे अाणि खटकणारे
कधी गट्टीत,कधी कट्टीत असतात
अन् आपले वाटणारेही वेळेप्रसंगी
कधी-कधी हाकालपट्टीत असतात

विशाल मस्के
सौताडा, पाटोदा, बीड.
मो.९७३०५७३७८३