क्रिकेट - ६

@ऋन्मेऽऽष - एका वेळेला एकाच रिप्ल्याय मधे सगळे सांगत जा, ओलांडुन जायला बरे पडते.

काल आणि आजही सतत पीचचा आखाडा झालेला पाहून चीड चीड होत होती. दोन्ही एंड ला अक्षरशः खड्डे पडलेले दिसत होते. आणि त्या निमित्ताने कणेकरांच्या 'फटकेबाजी' तलं एक वर्णन आठवलं.
" इम्रान खानचा संघ बंगलोरला टेस्ट मॅच खेळायला आला होता. कांगा लीगच्या मॅचेस देखील होणार नाहीत अशी पीच बनवली होती, किंवा बनली होती म्हणा. बॉल अचानक सरपटत होते, बाउंस होत होते, हातहातभर वळत होते. मी-मी म्हणणारे दिग्गज दिग्मूढ झाले होते. जावेद मियांदाद, वेंगसरकर सारखे दिग्गज टिकू शकले नाही. अश्या वेळी 'रॉक ऑफ जिब्राल्टर' सारखा 'नैनं छिंदंती शस्त्राणी, नैनं दहति पावका' सारखा एकच खेळाडू पूर्ण दिवस खेळपट्टी वर टिकून होता. अशी जिगर, असं टेक्निक, अशी टेंपरामेंट पाहिली नाही.
त्या खेळाडूचं नाव होतं... सुनील मनोहर गावसकर !"
अहमदाबादची ही टेस्ट मॅच परत एकदा हे दाखवून गेली की टेस्ट क्रिकेट म्हणजे संयम आणि जिगर !

त्याचं खरं श्रेय त्याच्या इतर झपकन वळणारया चेंडूना व पीचलाही जातंच. इंग्रज फलंदाज सरळ चेंडूही खेळू शकत नवहते, असं सुचवणं तर अगदींच अन्यायकारक व पीचवर चेंडू वळत नव्हते म्हणणं , हा सत्याचा विपरयास . >> भाऊ माझ्या पोस्ट मधे मी काय लिहिलय (बॉल्स वळत नव्हते लिहिलेले दिसले तुम्हाला ? सरळ चेंडूंवर बाद नाही झाले फलंदाज ? ) नि मुख्यत्वे त्या नंतर * टाकून मधे काय लिहिलय ) ह्याकडे सोयीस्करपणे पूर्ण दुलक्ष करायचे नि आपलेच पिचचे घोडे दामटायचे ह्याला काय म्हणू नक्की कळत नाही.

'ह्या मॅचचे पिच कसे आहे' ह्याचा आधीच्या मॅचमधल्या पिच च्या दर्जा शी संबंध कसा जोडायचा हे माझ्या आकलनापलीकडचे आहे. बहुधा सर्वत्र एकच पिच बांधून घेऊन जातात त्यामूळे पहिल्या मॅच मधल्या पिचचे कमेंट्स दुसर्‍या मॅचमधल्या पिचला नि तेच तिसर्‍या मॅचमधल्या पिचला जसेच्या तसे लागू होतात हे अगाध ज्ञान आज मज पामरास प्राप्त झाले.

तिसर्‍या मॅच मधे पिंक बॉल असणे, त्यावरचे लॅकर असणे नि त्यामूळे बॉल्स स्किड होणे, बॅटस्मन चे ईन्डिसीसीव्ह फूटवर्क , इंग्लंड ने फक्त एक स्पिनर घेऊन खेळणे वगैरे फूटकळ गोष्टी ज्या रूट, स्वान, कोहली, गावस्कर वगैरे लोकांनी डिसायडींग फॅक्टर म्हणून ठरवल्या आहेत त्याकडे आपण दुर्लक्ष करूया नि फक्त खराब पिच ह्या एकाच घटकावर च लक्ष का देते आहे जनता ?

ती मॅच अजून आठवते. गावसकर बरोबर बिन्नी होता नि त्याने स्लॉग स्वीप मारून एक सिक्स मारला नि परत तोच शॉट मारायला गेला नि बाद झाला होता तेंव्हा त्याच्या नावाने केलेला शिमगा आठवतो. त्याच मॅचच्या चौथ्या रात्री बेदी नी अजून कोणि तरी दिलेल्या टिप्स मुळे आम्ही लेंग्थ बदलली अशी कबूली पाकिस्तानी फिरकी द्वयाने दिली होती तेंव्हापासून बेदी मनातून पार उतरला. बावनकशी सोन्याला पिच आदर्श असण्याची जरुरी नसते हे दाखवणारी इनिंग होती गावस्करची. त्याच दर्जाची इनिंग तेंडूलकर परत पाकिस्तानविरुद्ध खेळला होता त्याची पाठ जायबंदी असताना साकलेन मुश्ताक समोर नि जवळजवळ ह्या इनिंगसारखे जिंकून दिले होते.

असामी जी वरील सगळे फॅक्टर्स जरी मान्य केले तरी माझ्या मते अशा पीचेस टेस्ट क्रिकेट करता योग्य नाही आणि केवळ आपण जिंकतो म्हणून अशा पीचेस चे समर्थन करणे योग्य नाही, असे मला वाटते. कसोटी क्रिकेट मध्ये जो कस लागणे अपेक्षित आहे ते होत नाही . अशा पीचेस न बनणं श्रेयस्कर आहे टेस्ट क्रिकेट साठी, ICC नी यात लक्ष घालावे

अरे हो आणी अश्विन चे चारशे बळी झाले. व्हॉट अ प्लेयर ! तो आला तेंव्हा लिमिटेड ओव्हर मधला स्पेशालिस्ट होता तेंव्हा टेस्ट मधे एव्हढा धुमाकूळ घालू शकेल असे वाटले नव्हते. नव्वदी मधे कुंबळे जसा एकहाती भारतीय संघ भारतात अजिंक्य ठेवत होता तेच अश्विन सातत्याने करतोय. गेल्या दोन ऑसी दौर्‍यांमधे बाहेरच्या पिचेस वर जरुरी असणारे बदल करून दाखवले आहेत. भार्तामधे दर वर्षी काही तरी नवीन दाखवतो. एक मुरली वगळता एव्हढे बदल करत गेलेला अजून कोणी पटकन आठवत नाही. परत तो बॅट्समन म्हणून क्रिकेट खेळत होता सुरूवातीला नि बॉलिंग ला सुरूवात करून पंधरा वर्षेही झाली नाहीत हे लक्षात ठेवल्यावर सगळेच अचंबीत करून टाकणारे वाटते.

असामी जी वरील सगळे फॅक्टर्स जरी मान्य केले तरी माझ्या मते अशा पीचेस टेस्ट क्रिकेट करता योग्य नाही आणि केवळ आपण जिंकतो म्हणून अशा पीचेस चे समर्थन करणे योग्य नाही, असे मला वाटते. कसोटी क्रिकेट मध्ये जो कस लागणे अपेक्षित आहे ते होत नाही . >> आपण जिंकतो म्हणून समर्थन नको ह्या मुद्द्याला १००% अनुमोदन आहे. फक्त " कसोटी क्रिकेट मध्ये जो कस लागणे" हे जे तुम्ही म्हणताय ते फक्त आदर्श पिच वरच होते असे नाही असे मला वाटते. जसं इंग्लंड मधे हवामानामूळे बॉल बेसुमार स्विंग होणारच, आफ्रिकेमधे बॉल बाऊन्स होणारच, विंडीजमधे लो राहणारच हे ग्रुहित धरून त्यात कस लागतो हे आपण समजून घेतो तसेच फिरकी ला पोषक पिचेस वर कस लागणार हे धरले पाहिजे. फिरकी ला धार्जीणी पिचेस बनवणे पूर्णपणे सोपे नसावे असा माझा समज आहे. त्यात लागणारा बॅलॅन्स अतिशय नाजूक आहे. जरा इथे त इथे झाले कि आखाडा होण्याचे चान्सेस अधिक असतात. पण त्याच पिचवर दोन्ही संघांना सारखीच समान संधी मिळत असेल - पहिल्या दिवसापासून बॉल स्पिन होण्याला, जोवर तो कन्सिस्टंटली स्पिन होतोय नि टॉस हा मेजर फॅक्टर ठरत नाही तोवर मला तरी अशा पिचेस चा बाऊ करण्याची गरज वाटत नाही, प्रत्येक पिच भाऊंच्या व्याख्येत बसणारे आदर्श असावे अशी माझी अजिबात इच्छा नाही. खरा कस कुठल्याही पिचेस वर बॅटींग करून दाखवण्यामधे लागतो असे मला वाटते. *म्हणजे ह्या मॅच चे पिच प्रत्येक मॅचला असावे किंवा हे पिच बेस्टच होते असे मी सुचवत नाहीये. फक्त आय सीसी ने अ‍ॅक्शन घेण्या जोगे होते ह्याबद्दल मला शंका वाटतेय. ह्याउलट क्लार्क फेमस मुंबई वाले पिच किंवा २०१० मधले कोटला पिच जिथे लंकेच वाट लागली होती किंवा २०१४ मधले नॉटींगहॅम मधले स्लो पिच (भारत विरुद्ध इंग्लंड) , २०१७ मधले पुण्याचे पिच जिथे आपण टॉस हरल्यामूळे ऑसी विरुद्ध हरलो होतो ह्या पिचेस बद्दल मला नक्कीच किंतू आहे

पूर्वी आपण तीन दिवसात हरलो (बाहेर) तर लगेच भारताचे टेस्ट स्टेटस काढून घ्या , चार दिवसाच्या मॅच खेळा, बी टीम पाठवा अशी मुक्ताफळ उधळली जायची. आता काय?. ते युग पाहिलेल्या मला, आपल्या अशा विजयाचा आनंदच झाला.
एका अर्थी विकेट स्पोर्टींग होतीच. दोन्ही टीमना समान न्याय.रोहितने ८७ रन्स काढल्याच ना.
पण अजून एका अर्थी स्पोर्टींग नव्हती (भाउंना हेच म्हणायचे असेल) जिथे बॉलिंग आणि बॅटींग साठी समान संधी देणारी नव्हती.
पण हा निकष केंव्हाच टोपलीत टाकला गेला आहे. एक दिवशीय व टी २० सामन्यात. तिथे विकेटच काय नियम सुद्धा फलंदाज धार्जिणे आहेत. मग तेंव्हा कुठे जाते स्पोर्टसमन स्पिरिट. बिच्चारे गोलंदाज. एक खेळपट्टी काय त्यांच्यासाठी बनली तर इतका गोंधळ.

आपली पहिल्या इनिंग मधली बॅटींग स्ट्रॅटेजी काळजी निर्माण करणारी होती.

सगळ्या पीचेस आदर्श असू शकत नाही, प्रत्येक ठिकाण चे वैशिष्ट्य असते म्हणून कित्येक वर्षांपासून आपण पर्थ ची खेळपट्टी वेगवान , brisbane ची सीमिंग, सिडनी ची थोडी फिरकीला मदत करणारी, Adlead ची फ्लॅट, डर्बन ची बाऊन्स वाली , हेडिंगले ची स्विंग होणारी अशी अपेक्षित करतो आणि त्या पीचेस ताशा असतात, भारतात पण पहिले मोहाली ची वेगवान , मुंबई ची थोडा बाऊन्स असलेले पीचेस राहायचा पण आजकाल पीचेस मुद्दाम बनवल्या जातात असे दिसतेय आणि टीम management चे curator वर प्रचंड दडपण असते असे वाटते, ते योग्य नाही

ती मॅच अजून आठवते. गावसकर >> मलाही. गावसकरांच्या बॅटींग सा॑ठी. त्यावेळेस दूरदशनवर शाळेतल्या विद्यार्थ्यांसाठी country wide class room असा कार्यक्रम असायचा. ती टेस्ट मॅच मधली बॅटींग country wide class room च होती.
माझ्या आठवणी प्रमाणे गावस्कर चुकिच्या निर्णयामुळे ९६ वर आउट झाले होते व आपण हरलो होतो.

असामिजी, आपणच परत एकदां आपल्या पोस्टमधला संबंधित भाग वाचा - *आज इंग्लंड पहिल्या डावात स्पिन न झालेल्या बॉल्स वर गारद झाला. आता पिच बद्दल काय बोलायचे ?* याचा जो अर्थ निघतो असं मला प्रामाणिकपणे वाटलं , त्यावर माझं मत मीं मांडलं.

*फक्त खराब पिच ह्या एकाच घटकावर च लक्ष का देते आहे जनता ?* - कारण पीचचा कांहींच संबंध नाही , असं कांहीं जण जनतेला पटवूं पहात असतात व जनतेला प्रत्यक्ष मात्र वेगळंच दिसतं, म्हणून !

भारतात पण पहिले मोहाली ची वेगवान , मुंबई ची थोडा बाऊन्स असलेले पीचेस राहायचा पण आजकाल पीचेस मुद्दाम बनवल्या जातात असे दिसतेय आणि टीम management चे curator वर प्रचंड दडपण असते असे वाटते, ते योग्य नाही >> ह्यात दोन मुद्दे आहेत. प्रत्येक पिच चे काही खास वैशिष्ट असणे. मला वाटते पिच जिथे नवीन टाकली गेली नाहियेत तिथे ते अजूनही टिकून आहे. दहा वर्षांपूर्वी आपली बाहेर होणारी सुमार कामगिरी बघून बीसीसीआय ने बर्‍याच पिचेस वर चाबूक फिरवला होता. न्यूझीलंडमधून क्युरेटर नि माती आणून पिचेस रेलेड केली गेली. त्याला बर्‍याच जणांनी आक्षेप घेतला होता कि हा प्रकार नैसर्गिक नाही नि भारतीय हवामानामधे अधिक खराब होतील. ते त्तसेच दडपून दिल्यामूळे बर्याच पिचेसच्या स्वभावधर्मांमधे बदल झालाय. माझ्या अल्प स्वल्प आठवणींनुसार त्या नंतर झालेल्या पहिल्या रणजी मधे बहुतांशी मॅचेस लो स्कोरिंग झाल्या होत्या. बाद फेर्‍यांमधे नि फायनल मधे विनय कुमार ने मार्शल, अँडरसन, स्टेन च्या तोंडात मारणारी बॉलिंग केली होती.

टीम management चे curator वर प्रचंड दडपण मला वाटते प्रत्येक देशामधे असते. अगदी गेल्या डाऊन अंडर दौर्‍यामधे गॅबा विकेट कशी असणार नि कशी असावी ह्याबद्दल सूतोवाच तिसर्‍या सामन्यामधेच केले गेले होते.

कारण पीचचा कांहींच संबंध नाही , असं कांहीं जण सांगत असतात >> मला नाही वाटत असे कोणी म्हणाले आहे. मला वाटाते विक्रम सिंग ह्यांचे पोस्ट ह्याबाबती मधे पुरेसे उत्तर आहे.

याचा जो अर्थ निघतो असं मला प्रामाणिकपणे वाटलं , त्यावर माझं मत मीं मांडलं. >> म्हणजे त्याच पोस्टच्या उरलेला भाग (जे * नंतर होता) तो तुम्ही वाचलाच नाही किंवा वाचला पण मनावर घेतला नाही असे समजून पुढे सरकतो.

माझ्या आठवणी प्रमाणे गावस्कर चुकिच्या निर्णयामुळे ९६ वर आउट झाले होते व आपण हरलो होतो. >> काँट्रोव्हर्शिअल निर्णय होता हे आठवतेय.

हि लिंक दिल्याशिवाय राहवत नाही. संपूर्ण लेख वाचनीय आहे. (एकांगी नाही). फक्त मला आवडलेला भाग इथे टाकतो

https://www.espncricinfo.com/story/krishnaswamy-motera-pitch-a-backhande...

It's not against the rules to prepare a pitch in this manner, of course, and pitches in every part of the world are designed to favour the home team. It makes the sport more varied, and more interesting.

And you could even argue that this pitch - or the one on which the second Test was played - actually offered India less home advantage because it brought spinners from both teams into play rather than rewarding just the ones with the most skill. Root, as mentioned earlier, took 5 for 8, and his flurry of wickets put England in a position from where they may well have gone on and won.

So it wasn't a dangerous pitch, and it didn't unduly favour the home team, but was it, in a wider, philosophical sense, a good Test-match pitch? Forget the platonic ideal of the pitch that seams on day one, flattens out on days two and three, and starts to turn halfway into day four; that sort of pitch is almost impossible to achieve in the real world, where seaming pitches very rarely bring spinners into play in a meaningful way even on day five.

असामिजी, तुमच्या किंवा इतराच्या पोस्टचा मीं चूकीचा अर्थ लावला असेल, तर क्षमस्व. पण जगातील सध्याचे दोन सर्वोत्तम फलंदाजी असणारया संघांचे एकमेकांविरूद्ध कसोटी सामन्यातले दोन्ही डाव 2-3 दिवसात आटपत असतील, तर त्यात कांहीं तरी गंभीरपणे खटकणारं आहे असं मला निश्चितपणे वाटतं व तें पीचशी संबंधित असावं असंही प्रामाणिकपणे वाटतं. बाकी, फिरकी गोलंदाजी व ती खेळण्याच कसब, चेंडूचा रंग व वैशिष्ट्ये इ. इ घटकही महत्वाचे असले तरीही या संदर्भात तरी मला ते दुय्यम वाटतात. इतराना तसं वाटेलच असं नाहीं व तसं वाटावं असा माझा आग्रहही नाहीं. माझां अपेक्षाभंग झाला व निराशाही व तेंही आपण जिंकलो असूनही हें अधिक वाईट.
नकळत चर्चेच्या ओघात माझ्याकडून काही आगाऊपणा झाला असेल, तर कृपया दूर्लक्ष करा.

सगळीकडे पिच एके पिच चालूय
व्हॉटसप फेसबूक मायबोली..
लोकं का हि चर्चा करून विजयाचा आनंद किरकिरा करत आहेत
सगळ्यात गण्डलेला पिच तर पहिल्या कसोटीचा होता जिथे पहिले दोन दिवस गोलंदाजांना शून्य मदत असल्याने टॉस विन मेच विन झाले. पण त्याबद्दल कोण काही बोलतच नाहीये. कश्याला बोलणार. कारण तिथे आपण हरलेलो. आपल्याच देशात हरल्याने पिचबद्दल काहीही बोलायचा हक्क आपण गमावला होता..

असो
आता भरपाई करायला एक ईतका पाटा बनवूया की दोन्ही संघांनी किमान दोन दोन दिवस फलंदाजी करून सामना अनिर्णित झाला पाहिजे. म्हणजे आपण मालिकाही जिंकू आणि फायनललाही जाऊ.

आणि ते ईंग्लण्डवाले.. येडे.. त्यांना पिच ओळखताही येत नाही का? एकतर स्पिनर एकच खेळवला आणि वेगवान ३ + स्टोक्स मिळून ४.. पिच जाऊ द्या. भारतात डोळ्यावर पट्टी बांधून कुठेही खेळायला लावले तरी असा संघ निवडायचा नसतो हे कळत नाही तर कसले डोंबल्याचा आम्ही अभ्यास करून आलोय म्हणून फुशारक्या मारत होते.

बर त्या वेगवान गोलंदाजात कोणी भारी फलंदाजही नाही जे त्या हिशोबाने खेळवले. म्हणजे यांना संघनिवडीची बेसिक अक्कलही नाही. आर्चर ॲडरसन स्टोक्स असताना ब्रॉडच्या जागी मोईन अली खेळवला असता ईथे तर फरक नसता पडला. बॉलिंग तर बॉलिंग त्याने आयपीएल सिलेक्ट झाल्याच्या आनंदात तीस चाळीस धावाही फटकावल्या असत्या त्या वेगळ्या..

चुकीचा संघ निवडून बॉलिंगचा बट्ट्याबोळ केला. त्यात फलंदाजीही अशी करत होते की ईतिहासाच्या पेपरला भूगोलाचा अभ्यास करून आलेत. तो बेअरस्ट्रो लिमिटेड ओवरमध्ये मोठा तीसमारखान बनतो, ईथे एक बॉल बॅटच्या मध्ये कसा लावायचा हे कळत नव्हते त्याला. ट्रायल बॉल बोलून अजून एकदा खेळवला असता तरी त्याचा भोपळा फुटला नसता..
बाकीच्यांचे सोडा खुद्द जो रूट मी वासरात लंगडी गाय आहे ईतकेच सिद्ध करायला खेळत होता आणि जसा खेळत होता त्याने तितकेच सिद्ध होणार होते, जे झाले.

दोन्ही दिवसात फलंदाजीला आदर्श सेशन तिसरे वाटले. लाईट लागल्यावर थोडेफार दव पडल्यावर.. ईंग्लंडला ते खेळायला न मिळणे याला तेच जबाबदार जे त्यांना दोन्ही दिवस आपली ईनिंग तिथवर खेचता आली नाही.

आता पुढच्या सामन्यात भारताने पहिली फलंदाजी करावी. म्हणजे दोन पुर्ण इनिंग होतील भारताच्या आणि सामना दोन दिवसात संपणार नाही

@ऋन्मेऽऽष - एका वेळेला एकाच रिप्ल्याय मधे सगळे सांगत जा, ओलांडुन जायला बरे पडते.
Submitted by svalekar on 25 February, 2021 - 20:43
>>>>

विपु चेक करा

अश्विन च्या ४०० भारीच. आताच त्याची मुलाखत पाहिली बि सी सी आय टीव्ही वर. तो म्हणत होता की लॉक डाऊन मध्ये खुप व्हिडीओ पहायला लागला आणि मग त्याला तो अभ्यास करायची आवडच निर्माण झाली. ऑस्ट्रेलियात तर त्याने असे ८ ८ तास व्हिडीओ पाहिले. हॅट्स ऑफ!!

माझ्या आठवणीत असेल तर मोटेरालाच एक मॅच रद्द करण्यात आली होती ना मागे जुन्या स्टेडिअम मध्ये. पिच खराब होते आणि खेळाडूंना धोका झाला की काय.

ऑस्ट्रेलियात तर त्याने असे ८ ८ तास व्हिडीओ पाहिले. हॅट्स ऑफ!! >> त्याचे व्हिडियो चॅनेल भारी आहे. बघतोस का ?

त्याचे व्हिडियो चॅनेल >> अरे पहायला हवे.

भाउ आपली तात्वीक चर्चा चालली आहे. पर्सनली नाही. रागाउ नका.
तुम्ही आपल एक व्यंग चित्र काढा बघू मस्त पैकी.
कल्पना सुचवतो. - एका हाडकुळ्या मुलाच्या छाताडावर एक पैलवान बसलाय तांबड्या मातीच्या आखाड्यात.

*तुम्ही आपल एक व्यंग चित्र काढा बघू मस्त पैकी.* - खरंय. आपणच इथे कार्टून बनण्यापेक्षा तेंच बरं !

दिवस-रात्र 5 दिवसांची मॅच ठेवता काय आमच्या टिव्ही मालीकांच्या आड यायला ! टाकली ना संपवून 2 दिवसांत !! आला ना प्रत्यय स्रीशक्तीचा !!!

>>तो म्हणत होता की लॉक डाऊन मध्ये खुप व्हिडीओ पहायला लागला आणि मग त्याला तो अभ्यास करायची आवडच निर्माण झाली. ऑस्ट्रेलियात तर त्याने असे ८ ८ तास व्हिडीओ पाहिले. हॅट्स ऑफ!!

हे आवडले

भाऊ व्यंचि खासच

दिवस-रात्र 5 दिवसांची मॅच ठेवता काय आमच्या टिव्ही मालीकांच्या आड यायला ! टाकली ना संपवून 2 दिवसांत !! आला ना प्रत्यय स्रीशक्तीचा !!!>> अगदी अगदी. काल हेच ऐकायला मिळालं.

असामी जी तुम्ही दिलेला लेख वाचला, चांगला आहे पण त्यामध्ये सुद्धा लास्ट परिच्छेदात हेच म्हटले आहे की गेल्या 4- 5 वर्षात भारताने अशा पीचेस न बनवता , true पीचेस बनवून सामने जिंकले आहेत. त्यामुळे भारतात खेळायचे असेल तर अशाच पीचेस राहणार आणि यावरच जिंकावे लागेल असा जो सूर आहे तो खटकतो, अशा पीचेस चे समर्थन नको इतकेच म्हणणे आहे

*टॉस हा मेजर फॅक्टर ठरत नाही* >>
अगदी... पहिल्या बॉल पासून हात-हात वळणारं पिच असो, किंवा जबड्याला धोका असलेला बाऊन्स असो, भन्नाट वेगातला स्विंग असो किंवा मधेच खाली रहाणारे चेंडू असोत... जो पर्यंत हे दोन्ही संघांना सामोरं जायचंय, तोपर्यंत काहीही तक्रार नाही

मधे आपण ट्रू विकेट्सवर जिंकत होतो, आता परत फिरकीचे आखाडे करतोय हा मला तरी शुद्ध डावपेचांचा भाग वाटतो.
भारतातली सिरीज म्हणजे स्पिन घोटवून चला अशी रणनीती ठेवायची की थोड्याच स्पिन होणार्‍या ट्रू विकेटची अपेक्षा ठेवायची या संभ्रमात विरोधी टीमला टाकण्यात काय गैर आहे?
इंग्लंडनी पण आपल्याला त्यांच्या देशात कधी स्पिन कधी फास्ट पिचेस दिली आहेत ना? की दर खेपेला एकाच प्रकारची पिचेस ठेवतात?

हा सामना टेस्ट हिस्ट्री मधला पहिलाच सामना आहे का, जो दोन दिवसात संपला?
इंग्लंडनी पूर्वी कधीच दोन दिवसात सामना न जिंकल्यासारखे का सगळे रिअ‍ॅक्ट करताहेत?

रोटेशन पॉलिसीच्या अत्यंत रिजिड जोखडात अडकून खेळपट्टी न वाचता पॉलिसीनुसार संघ निवडल्यावर दुसरं काय होणार होतं??
ज्यावेळी पहिल्या टेस्ट मधे पाटा विकेटवर रूटनी डबल सेंच्युरी केली, चौथ्या दिवशी अँडरसननी विकेट्स काढल्या, त्या निव्वळ टॉसमुळे जिंकलेल्या सामन्याबद्दल इंग्लंडकडून काहीच कॉमेंट्स नाहीत, अन सामना हरला की पिचवर ताशेरे हा टोटल रडीचा डाव नाही तर दुसरं काय आहे?

भाउ आपली तात्वीक चर्चा चालली आहे. पर्सनली नाही. रागाउ नका. >> खरय !

समरमधल्या इंग्लंड दौर्‍यामधे आपल्याला नक्कीच हिरवी गार सिमिंग पिचेस मिळणार आहेत हे नक्की. पुढची आयपील इंग्लंडमधेच घ्यायला हवी, अनायासे सराव होऊन जाईल

त्यामुळे भारतात खेळायचे असेल तर अशाच पीचेस राहणार आणि यावरच जिंकावे लागेल असा जो सूर आहे तो खटकतो, अशा पीचेस चे समर्थन नको इतकेच म्हणणे आहे >> मान्य पण त्याच बरोबर इतर मह्त्वाचे घटक बघणे तेव्हढेच जरुरी आहे इतकेच म्हणणे आहे. ह्या विकेट वर कसे खेळायला हवे ह्याचा आदर्श परीपाठ रोहित ने दिला होता. पिचवरच्या अधिक वळणार्‍या विकेट जाऊ शकते हे धरले तरी क्रिजमधे जखडलेले इंग्लिश बॅट्स्मन बघून पिचपेक्षा त्यांच्या मेंटॅलिटीचा भाग त्यांच्या पराजयामधे अधिक होता असे मला व्यक्तिशः वाटले.

*क्रिजमधे जखडलेले इंग्लिश बॅट्स्मन बघून पिचपेक्षा त्यांच्या मेंटॅलिटीचा भाग त्यांच्या पराजयामधे अधिक होता असे मला व्यक्तिशः वाटले.* - यांच्याशी 100% सहमत. मला तर ओरडून त्याना सांगावंसं वाटत होतः, ' अरे, मधूनच एखादा चेंडू तरी पुढे जावून खेळा. क्रिज सोडत नाही म्हणून ते गोलंदाज मामा बनवताहेत तुमहाला ! '