युक्ती सुचवा/ युक्ती सांगा- २

दक्षिणा, माझीपण पूर्वि बिघडायची, पण साबुदाणा भिजवायच्या पध्दती वर आहेच पण हे पण करुन पहा --
मी फोडणी झाल्यावर सगळं साहित्य घट्ट झाकणाच्या डब्यात घालून कुकरमधे सगळ्यात वरच्या डब्यात ठेवा. मस्त होते साखि... (अर्थात उपास नसेल तर ठिक)

मला दोन दिवस बारीक ताप असल्याने आता काहिच करावंस वाटत नाहीये, पण लेकी आणि नवर्‍यासाठि काहितरी करावेच लागेल. कमी कष्टात पण चविष्ट काहितरी सुचवाना........

साक्षी, डाळ तांदळाची खिचडी (त्यात बटाटा आणि घरात असतील त्या भाज्या घालून) वर साजूक तूप आणि ताक. भाजलेला पापड. फार परतायचे नाही सगळे एकदम कूकरमधे शिजवायचे. सगळ्यांनाच खाता येईल.

दिनेशदांना अनुमोदन. फक्त एक अ‍ॅडिशनल युक्ती : 'नवर्‍याकडून शिजवून घ्यायचे.'

दिनेशदा ...... हा हा हा..... त्याशिवाय काही दुसरं सांगा ना साबु नां खिचडी आवडत नाही फार...

मृण्मयी ... हा हा हा.....

बाकि बहुतेक पदार्थांना थोडिफार दगदग आहेच कि. त्यातल्या त्यात मदत मिळाणार असेल तर
सूप आणि सॅण्डविच असा बेत ठेवायचा.

खिचडीच केली..... पण सर्वात मह्त्वाचे म्हणजे आमच्या ह्यांनी केली

गुणाचे आहेत तसे ते. चांगलीच झाली असणार. खरं म्हणजे अधूनमधून त्यांनी करावीच
नाही का !

साबुदाणा भिजवायचा. असा भिजलेला साबुदाणा दहीपोह्याप्रमाणे दूध, दही, ताक , तिखट, मीठ.. थोडी फोडणी घालून खायचा. छान लागतो.

जामोप्या, भिजवण्यापुर्वी साबुदाणा थोडा भाजून तो ताकातच भिजवायचा.

जामोप्या/दिनेश, हा पदार्थ माझे बाबा खायचे उपासाला पुर्वी... आता ही खात असतील, पण फार कमी वेळेला पाहिलेय अलिकडे.. दही साबुदाणा म्हणायचे त्याला ते. रात्री बहुतेक साबुदाणा दुधात भिजवून, त्यात चमचाभर दही घालायचे, सकाळी छान मिश्रण, त्यावर मग तुप जिर्‍याची फोडणी घालायची. पण साखि पुढे हे अगदी कैतरीच नै का?

मोदकाची उकड उरली आहे. गेले ४-५ दिवस गोड खुप झालय. गोडाशिवाय दुसरं काही करता येऊ शकेल का?

निवगर्‍या कर. किंवा साऊथ स्टाईलने उडदाचे तिखट मोदक.

धन्यवाद नंदिनी. आत्ताच इथे निवगर्‍या आणि गवसण्या वाचल्या. दोन्ही करुन बघते थोडं-थोडं

भरपूर लोणी (२ किलोपेक्षा जास्तच असेल) कढवायला ठेवलंय. अर्धवट कढलंय तुप, पण आता कमालीची झोप येतेय. तर माझा प्रश्न- अर्धवट कढवलेलं लोणी तसंच ठेवून उद्या कढवलं तर चालेल का?

अल्पना,
नाही बहुतेक.

हम्म्म. सर्दीसाठी औषध घेतलंय. त्यामूळे अनावर झोप येतेय. त्यात घरात पोरगं सोडून सगळेच झोपलेत. टीपी करत बसावं लागणार, तुप कढेपर्यंत.

चालेल कि.

इथे तळणीच्या मोदकांना काहीच महत्त्व नाहीये हे माहीताय. त्यामुळे ते कोणी करत असेल का हे माहीत नाही. तरी घाबरत एक प्रश्न विचारायचाय. मी आत्ताच मोदकांसाठी सारण केलंय, स्पेशल पदार्थांच्या सुगरणपणात माझी फार वरची लेव्हल नसल्याने ते सारण आई वगैरे सारखे ओलसर न होता थोडे कोरडे झालेय. बहुतेक जास्त वेळ परतले गेले. तर असे कोरडे (आणि किंचित कडक :() सारण घालून मोदक बरे होतील का ? किंवा असे सारण घालूनही बरे व्हावे यासाठी वरच्या कव्हरच्या मिश्रणात मध्ये काय बदल करावा, जाड/पातळ्/मऊ/घट्ट. कृपया सांगा.
मोदक होण्याजोगे नसतील तर दुसरे काय करु त्याचे ? वड्या तर पडणार नाहीत आता.

सारणात थोडासा दुधाचा हात लावला किंवा एखादा पेढा चुरून घातला तर ते मऊ होइल. हवे तेवढे मऊ करून घे. फिकरनॉट.

मवा सारणाचा घट्ट गोळा झाला असेल तर सुट्टे कर ( मिक्सरही वापरु शकते ). छान लागतात या सुक्या सारणाचेही मोदक.

गोळा नाही झालाय. सुटं सुटं झालंय बारीक बारीक, नेहेमीसारखं एकजिनसी नाहिये ओलसर टाईप.
हां दुघाचा हात लावून होईल मऊ अन एकजीव. थेंक्स अमा, वर्षा.
वरचं कव्हर नेहेमीसारखंच करु की त्यात काही बदल करायला लागेल ?

ईथे मागे वर्षाने एक प्रश्ण विचारला होता. डेअरी-व्हाईटनरच्या कुकिंगसंदर्भात, मलाही सेम प्रश्ण आहे. डेअरीव्हाईटनर मिल्कपावडरला सब्स्टिट्युट म्हणुन वापरता येते का? मला लाजोच्या कृतीने पेढे करायचे आहेत. आणि लहान मुलांना हे दिलेले चालेल ना?

मवा सारण मनासारखे ओलसर झाले असेल तर पारी नेहमीच्याच पद्धतीने करायची.

आस,
डेअरी व्हाईटनर मधे बहुदा कॉर्न स्टार्च असतो. (पाकिटावरचे घटक वाचावेत.) तो पातळ पदार्थातच (चहा, कॉफी, सूप) वापरता येईल. त्यात प्रथिने नसावीत त्यामूळे पेढे केले तरी बांधता येणार नाहीत.

डेअरी व्हाइटनर मध्ये दूध पावडर्/दुग्धजन्य भाग अगदी अल्प असतो. ते एक कृत्रिम रासायनिक द्रव्य आहे.

मोदकाच सारण खूप उरलय. त्याच काय करता येईल? तळून काही करायच नाहीये मला.
कणकेत भरुन पराठयासारख लाटून चांगल लागेल काय?

अनु मी आत्ताच सारण घालून रव्याची खीर केली आहे

तांदळाचे घावन करून त्यात मोदकाचा चव भरायचा. ( मसाले दोसात भाजी भरतो तसा.)

पिकलेली केळी तुपावर परतून चव घालायचा आणि भरली केली कराअयची. ( सारण नारळाचं आहे असं समजून चालले आहे.)

मोदकाच सारण खूप उरलय. त्याच काय करता येईल? >>>> वाटीत घेऊन खा

चमचा-चमचाभर आमटीत घालुन संपवता येइल.