आले लसणाची गोळी वाटून घ्यावी. त्यात हळद, तिखट, मीठ घालून मग सुट्या शिंपल्या त्यात कालवाव्या. कांदा, कोथिंबीर व खोबरे घालून जरा चुरावे. त्यात मावेल एवढे बेसन घालून छोटे, चपटे गोल करून तांदळाच्या पीठात घोळून खोलगट तव्यावर तळावेत.

सगळ्या तिसर्‍या एक शिंपलीच्या करुन घ्याव्या.
थोड्या तेलावर पाव वाटी कांदा परतून घ्यावा. थोडी हळद पूड घालून त्यावर तिसर्‍या, कातळ्या, व थोडे पाणी घालून शिजत ठेवावे.
हळकुंड, मिरी, धणे , मिरच्या थोड्या तेलावर परतून खोबरं व उरलेल्या कांद्याबरोबर वाटून घ्यावे. त्यात चिंचेचा कोळ घालावा.
तिसर्‍या शिजत आल्या की त्यावर मसाला घालावा व थोडे गरम पाणी घालावे. दोन उकळ्या आल्या की एकशिपी तयार.

आवडत असल्यास १ बटाट्याच्या सालासकट चकत्या फोडणीत घालत येतील.