वाटण : कांदा उभा चिरुन थेंबभर तेलावर काळा होईपर्यंत तव्यावर /फ्रायपॅनमध्ये भाजून घ्यावा. कांदा चांगला भाजला की त्याच तव्यावर खोबर्‍याचा कीस भाजून घ्यावा. भाजलेला कांदा, खोबरं, आलं-लसूण, कोथिंबीर मिक्सरमधून वाटून घावे.

सोलाणे पण त्याच तव्यावर किंचीतश्या तेलात छान भाजून घ्यावेत. भाजलेले सोलाणे खलबत्त्यात ओबडधोबड वाटून घ्यावे.

कढईमध्ये तेल गरम करून त्यात वाटण तेल सुटेपर्यंत परतून घ्यावे. नंतर त्यात हिंग, हळद आणि इतर मसाल्याचे जिन्नस घालावेत. हा मसाला छान परतला गेला की त्यात ओबडधोबड वाटलेले सोलाणे घालून परतावे. गरजेप्रमाणे पाणी घालून पातळ करावे. चवीप्रमाणे मीठ घालून एक उकळी आणावी.

तूर + मूग जरा कमी पाण्यात शिजवून घ्यावी. हळद घालावी वा राहू द्यावी. शिजलेली डाळ घोटू नये.
हीरवी मिरची, कोथिंबीर, टमाटो, घेतला असेल तर कांदा; बारीक चिरून घ्यावा.
सुक्या लाल मिरचीचे तुकडे करावेत.
लसूण सोलून ठेचावा. जरासं आलं सुद्धा किसावं चव आवडत असल्यास...

आता अगदी १ चमचा तेल तापवावं.
त्यात, फक्त २ जिर्‍याचे दाणे घालावेत.
आता क्रमानी हिरवी मीरची, लसूण, आलं घालावं. जरा परतून घ्यावं.
घेतला असेल तर आता कांदा घालून परतावं (जरा ब्राउन होवू द्यावा). शिजतांना हळद घातली नसेल तर ती आता घालावी.
टोमॅटो घालावेत. परतावं. हे सगळं नीट शिजलं की शिजलेली डाळ घालावी. पाणी घालावं. पळीवाढं असू द्यावं. मीठ घालून चांगली उकळी येऊ द्यावी. ही डाळ तयार आहे. ही हवी असल्यास सर्विग बाउलमध्ये काढावी. नाहीतर लगेच वाढायची असेल तर अगदी सिमर वर ठेवावी.

आता तडका करावा-
छोट्या कढईमध्ये ७/८ चमचे तेल तापत ठेवावं. गरम तेलात आता भरपूर जिरं घालावं. जिरं तडतडल्या बरोब्बर लाल मिरच्या घालाव्यात. तिखटपणा जसा हवा असेल तसं लाल तिखट घालावं. फोडणी जरासुद्धा जळता कामा नये!!! हा तडका तयार डाळीवर ओतावा.
दाल तडका तयार आहे. कोथीबीर घालून सजवावं.

चींच गरम पाण्यात भीजवुन कोळुन घ्या.
गाळुन घेतल्यास उत्तम.
त्यात हवे तेव्हढे पाणी घाला (जवळपास ४ कप)
फोडणी साठी, तेल गरम करा
मोहोरी, जीरं घाला, तडतडल्यावर हिन्ग घाला.
कढीपत्ता, लाल मिर्च्या घालुन तळल्यासरखे करा.
आता त्यात कोळ, गुळ, तिखट, मिठ घाला.
छान उकळी येउ ध्या. ५ मिन. पर्यंत. ( एक जीव झाले पाहीजे)
कोथिंबीर घालुन वडाभाता बरोबर साईड डीश म्हणुन हाणा!!

बेसन (डाळिचे/ चण्याचे पीठ) पाण्यात सरबरीत मिक्स करून घ्या.
कढईत २ चमचे तेल घेऊन, मोहरी - हिंग - हळद- मिरची- कढिपत्ता घालून फोडणी करून घ्या, त्यात काकडीचा कीस (रसा सहीत) परतून घ्या. त्यात बेसनाचे मिश्रण घालून मंद आचेवर शिजू द्या, सतत ढवळत रहा. पिठल्यासारखी पळी-वाढी कन्सिस्टन्सी आली की मीठ घालून मिक्स करून घ्या. वर कोथिंबीर पेरा आणि भाकरी बरोबर सर्व करा.
खाताना अर्धा चमचा गोडे तेल घालून घ्या (आवडत असेल आणि चालत असेल तर!)

१) सारण आधी करुन घ्या. त्यासाठी तेलाची हिंग हळदीची फोडणी करुन त्यात कोथिंबीर परतून घ्या.
२) मग त्यात खसखस, खोबरे व जिरा पावडर टाका व परतून घ्या.
३) तिखट, मीठ व साखर टाका.
४) बेसन टाकून सारण साधारण कोरडे करुन घ्या.

५) मग पारीसाठी दिलेले सर्व साहित्य एकत्र करुन त्यात तेलाचे मोहन घाला.
६) मग गरम पाणी वापरुन साधारण पुरीला भिजवतो तेवढे घट्टसर मळून घ्या.
७) एव्हाना सारण गार झाले असेल, त्याचे सुपारीपेक्षा बारीक गोळे करा.

८) पारीसाठी भिजवलेल्या पिठाचे लिंबाएवढे गोळे करा व हाताला तेल लावून त्याची मोदकासाठी पारी करा.
(अधिक माहितीसाठी ह्ह किंवा जागूचा बीबी बघा.)
९) या पारीत सारणाची गोळी ठेवा व मुखर्‍या वळा. या मोदकात सारण दाबून भरायचे नाही, कारण शिजल्यावर
सारण फुगते.
१०) मला कल्पना आहे, कि या पिठाचे मोदक वळणे जरा कठीण जाते. समजा नाहीच जमले तर त्याला वांग्याचा
आकार द्या, आधारासाठी कोथिंबीरीचा देठ वापरा.

११) तेलाची जिरे व हिंग घालून फोडणी करा.
१२) त्यात भरपूर पाणी ओता व चांगली उकळी येऊद्या.
१३) त्यात एकेक करुन मोदक किंवा वांगी सोडा.
१४) ती शिजल्यावर पांढरट रंगाची होतात व तरंगू लागतात.(एखादा मोदक फुटला तरी काळजी करु नका.)
१५) ती झार्‍याने काढून घ्या.
१६) आमटीचे बाकीचे सामान त्याच पाण्यात घालून चांगले उकळू द्या.
१७) खायच्या आधी परत त्यात मोदक वा वांगी घालून एक कढ आणा.

हा प्रकार दहीभाताबरोबर छान लागतो. सोबत तळलेली सांडगी मिरची असावी.
खालच्या फोटोत शिजलेले मोदक वेगळे ठेवलेत. सोबत घरगुति आवळ्याचे लोणचे आहे. (रात्री काढल्याने
फोटो नीट आलेला नाही.)

१. बेसनाचे पाण्यात कालवून भजीच्या पिठाप्रमाणे मिश्रण तयार करा. गुठळ्या राहता कामा नयेत. दही फेटून घ्या. फेटलेल्या दह्यात हे सरसरीत बेसनाचे पाण्यात भिजवलेले पीठ मिसळा. त्यात ६-७ कप पाणी घालून व्यवस्थित एकजीव करा.

२. कढईत तेल गरम झाल्यावर त्यात जिरे तडतडवा, मेथी दाणे घालून तांबूस रंग येईपर्यंत परतून घ्या. त्यात हिंग, ठेचा, किसलेले आले, हळद घालून जरा परता. नंतर त्यात कढीसाठी तयार केलेले बेसन + दह्याचे मिश्रण घालून गॅस हाय फ्लेमवर ठेवा व ते मिश्रण उकळी येईपर्यंत सतत ढवळत रहा. उकळी आली की आंच मंद करा. त्यात चवीप्रमाणे मीठ व तिखट घाला. (बुंदी जर खारी असेल तर त्या अंदाजाने मीठ घाला.)
आता ह्या कढीला किमान १५ मिनिटे तरी व्यवस्थित शिजू द्या. अधून मधून कढी ढवळत रहा. जर कढी लगेच खाणार नसाल तर त्यानंतर गॅस बंद करा.

३. अगदी खायच्या वेळेला कढी गरम केली की त्यात बुंदी घाला व कढी २-३ मिनिटे शिजू द्या. वरून चिरलेली कोथिंबीर पेरा. कढीला आणखी खमंग करायचे असेल तर वरून तेलाची जिरे, तिखट, कढीपत्ता घालून फोडणी द्या व गरम गरम कढी वाढा.

१) पातेल्यात साजूक तूप गरम करुन त्यात जिरे टाका.
२) जिरे फ़ूलले कि मिरच्यांचे तूकडे वा वाटण टाका.
३) अगदी चिमूटभर हळद टाका.
४) मग त्यात दोन कप पाणी ओता.
५) अननसाचे तूकडे टाका.
६) झाकण ठेवून अननसाचे तूकडे चांगले शिजू द्या.
७) चवीप्रमाणे मीठ व साखर टाका.
८) तांदळाचे पिठ थोड्या पाण्यात कालवून टाका.
९) चांगली उकळी आली कि नारळाचे दूध टाकून ढवळा.
१०) एखादा कढ आला कि, गॅस बंद करा.
मऊ भाताबरोबर खा, नुसती प्यायलाही छान लागते.

एक मध्यम आकारची कैरी एक वाटी किसलेले खोबरे चार मिरच्या, थोडस आल, मिस्कर मध्ये एकत्र वाटाव
हे वाटण थोडे पातळ करावे जितके पातळ हवे तेवढे पणी टाकावे

नंतर फोडनी साठी एका पातेल्यात तेल घेवुन जिरे हिंग कडीपत्याची फोडनि द्यावी. नंतर वरील वाटण गस मंद करुन त्यात टाकावे. व मीठ चवी नुसार टाकावे आनि हळु हळु हलवावे. ते फुटु देत कामा नये किंवा उकळि येता कामा नये

नंतर वरती कोथीबिर टाकुन गरम गरम वाढावी. ह्या बरोबर एकाधी तिखट भाजी असेल तर ते तुम्हाला नक्कीच आवडेल

१) वाल स्वच्छ धूवून पाण्यात भिजत घाला. तरंगणारे दाणे काढून टाका.
२) १२ तासांनी सगळे पाणी काढून टाका. एकदोनदा पाण्याने धुवा आणि पाणी निथळा.
३) अंधार्‍या जागी वाल झाकून ठेवा. दर बारा तासांनी पाणी घालून निथळून टाका. (असे वारंवार पाणी बदलले कि घाणेरडा वास येत नाही.)
४) हवामानाच्या फरकाने मोड यायला २/३ दिवस लागतात.

५) वरच्या फोटोतल्यासारखे चांगले मोड आले कि त्यात भरपूर कोमट पाणी ओता
६) मग वाल सोलायला घ्या. हा प्रकार म्हंटला तर कंटाळवाणा आणि म्हंटला तर टाईमपास आहे. घरातल्या सगळ्यांना कामाला लावा. न भिजलेले वाल काढून टाका. (त्यांना कूचर म्हणतात. पुर्वी असे वाल मुद्दाम घराच्या अंगणाच्या आजूबाजूला फेकत असत. पहिल्या पावसाळ्यात ते रुजले कि त्याच्या रोपांची भाजी करत.)

७) सोललेले वाल असे दिसतील. यानाच बिरड्या किंवा डाळिंब्या म्हणतात.

८) भरपूर पाण्यात हळद आणि हिंग टाकून त्यात या बिरड्या शिजत टेवा.
९) शिजल्या कि त्यात वाटण आणि बाकिचे साहित्य टाका.
१०) चांगले उकळले कि नारळाचे दूध टाका.
११) मग एक कढ आला कि वरुन हिंग जिर्‍याची फोडणी द्या.

काबुली चणे रात्रभर भिजवत ठेवावेत. सकाळी साधारण: १५-२० मिनीट कुकरमध्ये मीठ घालून कमी पाण्यात शिजवून घ्यावेत.

एका भांड्यात बारीक चिरलेला कांदा, टॉमेटो, हिरव्या मिरच्या आणि आलं काढावं. त्यात हे शिजलेले चणे अर्धवट मॅश करून घालावेत. आता बाकीचे सगळे मसाले कपभर पाण्यात मिक्स करून छोल्यांमध्ये घालावे. गरज असेल तर थोडं मीठ घालावं. गॅसवर ठेवून कमी आचेवर १५-२० मिनीट किंवा त्यापेक्षा जास्तही शिजू द्यावे.

मधून अधून हलवत रहावं. पाणी आटल्यास वरून अजून थोडं पाणी घालता येईल. याची कन्सिसटंसी पावभाजीच्या भाजीसारखी असते. जितका जास्तवेळ गॅसवर हे शिजेल तितकी छान चव येते. वरून कोथिंबीर घालायची. हवं असल्यास कच्चा कांदा उभा चिरून वर घालता येईल.