भाकरी

आयुष्याचं करावं का भाकीत
जीव अडकलेला भाकरीत.....
पण सालं एकच हे आक्रीत....
आयुष्य मिळालं होतं मुदतीत...

शेवट आलेला होता जवळ
श्वासाशी कटणार होती नाळ
जिवाशिवात भुकेचा जाळ
एकच घास,घेऊन गेला काळ....

नको भाकीत ,नको भाकरी...
नको ती चढाओढीची चाकरी....
नको त्या धगधगत्या ऊर्जेचं स्तवन
अंतरात्मा करतो सत्यच स्तवन....

एकच काँक्रीट बनव देवा.....
माझाच मला वाटू दे हेवा

मुक्ता

शिळोप्याचे थालीपीठ

काल आमच्याकडे शेपूची परतून भाजी व भाकरी आणि भात असा बेत होता. आज सकाळी त्यातील उरलेली भाकरी,भात व शेपूची परतलेली भाजी यांचा वापर करून नाश्त्याला थालीपीठ बनवावे असे ठरले. त्यामुळे कालचे सर्व शिळे अन्न संपणार होते व नाश्त्याचाही प्रश्न सोडवला जात होता. मग आम्ही जे थालीपीठ केले त्या शिळोप्याच्या थालीपिठाचाच फोटो व रेसिपी आज मी येथे देत आहे.

मागे मी वरणाचे प्रकार लिहिले होते आणि त्यावर प्रतिसादांचे एक छान संकलन तयार झाले,
तसेच भाकरीच्या प्रकारांचे व्हावे, या हेतूने लिहित आहे. ( मी आधीही हे प्रकार, इतर चर्चेच्या
ओघात लिहिले असतील, तरी परत संकलन करतोय. काही नवे प्रकारही लिहितोय.)

भाकरी करणे हा महाराष्ट्र, कर्नाटक आणि इतर काही राज्यातील अनेक स्त्रियांच्या हातचा मळ
आहे. सांजसकाळ भाकऱ्या थापून त्यांच्या हाताला इतकी सवय झालेली असते, कि हातासरशी
त्या भाकऱ्यांबरोबर, इतर दोनचार प्रकारही करुन टाकतात.

पण तरी ते तंत्र सोपे नाही. नवीन शिकणाऱ्या व्यक्तीस, ते जमणे जरा कठिणच आहे. मायबोलीवर