नातं

मतला
शब्द माझेच होते, पण अर्थ बदलून गेले
तू गप्प राहिलीस, वादच विरून गेले

खूप काही सांगायचं होतं, ओठांवरच राहून गेले
डोळ्यांत पाहिलं तुझ्या, नि शब्द परतून गेले

मी डोळ्यांत शोधत राहिलो स्वतःची ओळख जुनी
तुझ्या एका नजरेत सगळे प्रश्न गळून गेले

वेळेच्या प्रवाहात सर्व काही वाहून गेले
माझ्याच पाऊलखुणांचे मार्ग बदलून गेले

शांततेने शिकवलं तू किती मोठं असतं मौन
जळजळीत शब्द सारे हळूहळू जळून गेले

मक्ता
मेघ म्हणे — सावलीसारखं नातं होतं आपलं
प्रकाशात दोघेही वेगळे दिसून गेले

Block किती छोटा शब्द आहे. अडीच अक्षरी आणि इंग्रजीत चार अक्षरी पण, या छोट्याशा शब्दाने संवादच संपून जातो. काही काळापुरता नाहीतर कायमचा. किती सोपं झालंय आजकाल आपल्याला नकोसं असणारं कोणी ब्लॉक मध्ये टाकलं जातं नाहीतर आपण कोणाला नकोसे झालो तर आपल्याला ब्लॉक केलं जातं.

खुप प्रसिद्ध झाला आहे शब्द हा. नाही आवडलं कर ब्लॉक नाही पटलं, राग आला, नकोसं झाली कोणी कर ब्लॉक. ते पण एक टच वर. फक्त एक टच आणि झालं समोरचं माणूस ब्लॉक. संवाद तिथंच संपला. त्या व्यक्तीला काय वाटेल मन दुखावलं जाईल याचा विचार पण येत नाही. आपल्याला काय वाटेल आपण ब्लॉक झालोतर हा ही विचार येत नाही.

नातं

शमली सारी वादळं
प्रश्नही निरुत्तर झाले
तुझ्या अशा जाण्याने
जीवनच गोठून गेले

हेव्यादाव्याच्या गर्तेत
जीवन सारं गुंफलं
दूर राहूनच मी
नातं असं जपलं

जुळली नव्हती मनं
तरी नाती होती गुंफली
गुंफलेल्या नात्यातून
दोन फुलं बहरली

फुलांचं दान........
पदरात माझ्या टाकलं
तुझं माझं म्हणून मीही
ते आनंदानं स्विकारलं

का गं अशी अचानक सोडून गेलीस मला?..असं मध्येच मला एकट्याला सोडून जाण्यासाठी का आपण एकत्र आलो होतो?..आज आठवतंय सगळं अगदी पहील्यांदा तुला कॉलेजमध्ये पाहून माझं मन तुझ्यावर 'लट्टू' झालतं त्या क्षणापासून ते आजवर घडलं आणि घडवलं गेलेलं जसंच्या तसं आणि माझ्याही नकळत माझ्या डोळ्यांतून आसवं वाहू लागतात..कसा गं आवर घालू या भावनांच्या कल्लोळाला?..कुठं गं शोधू सखे तुला?..तुझ्या आठवणींत रमणं हा तर आता एक छंदच होवून बसलाय...

नातं

जिथे होतेय माणुसकीची कदर
तिथे मला विसावायचं आहे.

साय्रा जगाला मायेच्या पंखात
घेण्यासारखं नातं मला जोडायचं आहे.

राबनाय्रा हाताला साथ -
आजारी मातेला हात द्यायचा आहे.

दुख- दलितांच्या मुलांना सत्याच्या शाळेत सोडून
पोरक्या आसवांना ममत्व द्यायचं आहे.

कि जे सुख -दुखात समिलणारं-
कुणीही मायेनं जोपासणारं माणुसकीचं नातं मला जोडायचं आहे …।

पांडुरंग वाघमोडे (जत,जि.सांगली)