किनारा

किनारा

Submitted by राजेंद्र देवी on 13 September, 2013 - 05:33

किनारा

शांत शांत सारे
निस्तब्ध हा वारा
अवखळ लाटेस घेई
हलकेच कवेत किनारा

ओसंडून खडकावरी
विरते हि जलधारा
तुफानासही सामावून घेई
हलकेच हा किनारा

सुखदुःखाच्या लाटा
आयुष्य हे बेसहारा
झिजून झिजून होई
रेती हा किनारा

राजेंद्र देवी

शब्दखुणा: 

समुद्रकिनारा

Submitted by नंदिनी on 4 September, 2013 - 10:19

समुद्र विशाल असतो, अमर्याद असतो, अथांग असतो.
पण प्रत्येक समुद्राला एक किनारा असतो...
आणि तो किनारा त्या समुद्राला थोपवून धरतो. हा किनारा त्या समुद्राची सीमा असतो.
किनार्‍याकडे स्वत:ची काहीच शक्ती नसते. बघायला गेलं तर जमिनीचा एक तुकडा...
पण समुद्राला थांबवायची कला मात्र त्या किनार्‍यामधे असते.
किनारा.... त्या समुद्रासाठी विश्रांतीचं शेवटचं ठिकाण.
किनारा.... त्या समुद्राची अखेर.
किनारा.... त्या समुद्राची सुरूवात....
घणाघाती येणार्‍या लाटांशी सतत युद्ध खेळत किनारा तिथेच असतो, अविचल, अविरत.

मालवण चित्र-स्वरूपात.

Submitted by Sano on 24 January, 2013 - 09:55

'काय रे, कधी निघाचय ?' राहुल चा फोन वरचा प्रश्न.

हल्ली त्याचा फोन आला की पहिला प्रश्ना हाच आसतो. बरेच दिवस आमचा मलवाणला जायचा प्लान चालू होता (इथे 'बरेच दिवस' म्हणजे शुद्ध मराठीत 'बरेच महीने'). पण सगळ्यांचे जुळुन येत नव्हते. जिप्सी, मी आणि जीवेश च्या ह्या ना त्या कारणाने प्लान पूढे जात होता. 31st चा वीकेंड पण जवळ आला होता आणि राहुल ची आतुरता शीगेला पोहोचलेली.

किनारा

Submitted by उमेश वैद्य on 18 June, 2011 - 09:44

किनारा

कुठेशी किनारा मला ज्ञात नाही
पुढे रेटण्या जोश अंगात नाही

कशी वेळ आली प्रवासात माझ्या
समुद्र मला काय अज्ञात नाही

पडे आज वारा शिडे सैल झाली
पुढे आज जाणे नशीबात नाही

कुठे पावला देव ही अंग चोरी
मला वाचवे तोच विश्वात नाही

जरी घेतले सागरे आज पोटी
अखेरी डरे मी अशी बात नाही

मरे एक त्याचा कुणा शोक नाही
कुणाच्या इथे कोण फ़ंदात नाही

उमेश वैद्य २०११

गुलमोहर: 
शब्दखुणा: 
Subscribe to RSS - किनारा